ذاكرة القلب

بارت 5

مرحبآ اصدقائي.. ⚡🍃َ

اتمنى ما تملون الأحداث هواي.. ✨🖤

#ذاكره_القلب

_______________________________________

فزيت  من نوم باوعت على ساعه بال ٧ تقريبآ صاير المغرب هسه ابويه يتخبل كلشي ولا نومه وكت المغرب .. نزلت من جربايتي دخلت للصاله فتحت ثلاجتي اخذت نستله و رحت غسلت وتوضيت نوب صليت ورحت بدلت...

اوقات العشه والغده والريوكَ ثابته كل الأسبوع عدا جمعه وسبت كيفنا وشرط كلنا نكَعد محد عدنا  ياكل وحده لو متأخر حتى لو ماكل برا لازم ياكل ويانا حتى لو بس يكَعد ابويه يحب يشوفنا متجمعين بحيث ريم وهيه طفله وعادي تكَعد من ٦  ونص ويانا وكت صلاه نصلي جماعه اذا موجودين كلنا..

نزلت من درج شفت الحيات مالاتنا عماتي..
شهد عمتي جبيره عدها كومه جهال توفه زوجها قبل كم سنه  وعادي وضعهم ماشي ولدها كبار يشتغلون  وبتهاا مزوجه..
وهاي شهلاء عدها ثنين ولد وعدها مشمشه.. هاي مشمشه اكبر مني بسنه بس صديقتي كلش احبها هيه وإخوانها بس اني احفظ أسرارها وهيه همين نفس شي وياي  باوعت اني ما اعرف ليش اكرهن بس يستاهلن بيهن نوع خباثه ما احبه ..

رجعت لبست شي مستور ونزلت..

سلام عليكم..
شهد وشهلاء : وعليكم السلام هلا والله
بوستهن وهلا عماتي وهلا بيجن وكل كلمه اكَولها اكَول عكسها بكَلبي  رحت يم مشمشه حضنتها  وكَتلها

نور : يول اشتاقيت الج كلش ليش هيج متجيني
ضربتني علي ايدي على كيف وكَالت
مشمشه : ولواله تولو عظامج مو كَتلج لا تكَولينها بعد..

ضحكت كتلها يابه شكو شبيها انت بالج بعيد مابيها شي ترا بعدين عوفي هذني خلي نطلع برا نتنفس حموت من خنكَه..
هيه تفهم قصدي إذا بقيت هذني ما يخلني يسممني بحجيهن فسكتت وطلعنا..

اخذتها نتمشه داخل حديقه مالتنا كلش جبيره وبيها كومه العاب عمود ريم خابصتنا ليل نهار تلعب بيهن. كَعدنا  داير مداير الطاوله كتلها ها شبيج شو ساكته

مشمشه : ولج شكَلج اووف متت تعب والله

نور : خيرج يمعوده بس مشاكل انتي شصار بعد..

مشمشه :  ولج اني احبه وهوه همين بس هاي امه حقيره ما تقبل يزوجني بله شناقصني... ؟؟؟

نور : اووف من هل الأمهات

مشمشه : اسفه نور مو قصدي بس كَلبي نار شيقنعها هاي

نور : عادي كَلبي  تقتنع معليج لا ضوجين لا ابتلي بيج  خلي نتونس مدامج يمنا ابقي  مو ترحين..

مشمشه : لا شروح حنبات كلنا كم يوم 

نور : هوو راح يدوخونا شيخلصنا يربي

مشمشه : نور نجبي شكَد مكروهه اني كَلبي مكسور لازم داريني..

نور : عساس اني كلبي جام صافي.. تكَومين مني لو احركَج  هنايه