ذاكرة القلب

بارت 13

سلام ☮ عليكم

#ذاكره_القلب
_______________________________________

شغله الوحيده الي استفاديت منها من هل عصبيه والهوسه هيه شغل جانو بالشركه قبل لا احجي ينفذون وشغل كلش نتظم ذيج فتره بحيث..

من 2012 كمشت شركه بشكل رسمي..
من يومها انتظم كل شغل محد يتاخر الاجتماعات الي ادخل الهن تنظيم وترتيب وما طلعت يوم من اجتماع خسرانه جنت اشتغل على انو اني مديره اعمال واني محاميه واني المحاسبه ادرس كلشي ويا كل مدير مال قسم ياله ادخل..
محامين والمحاسبين كلهم يشتغلون يمي من اجهز ملف لو عقد الكل يراجعه وياي ما  عندي  مجال اغلط..
محمد  مسافر ومن رجع نفس شي مو ويانا يتشغل حتى فلوس ماياخذ من ابويه..
حسين كلش وياي ويعاملني اني مديره وهوه ينفذ ريام تساعدنا بالحسابات وهيج لين بعدها ما مكمله بس جربتها تتعلم من هسه وانطيها اشياء بسيطه واخلي مدير قسم وراها يراجعهن..

جان كلشي ماشي مثل ماريد اَصرت مدمنه كَهوه مره لو اسبريسو ...
بس شغله وحيده مضوجتني انو كل يخاف مني ما ردت هشكل اصير وكل عبالهم نور قويه نور كَلبها حجاره نور عصبيه نور نور نور..

اخواني محد يشاقه وياي يخافون اذيهم..
جنت من اتعصب اضل امسلت ولا ادري بروحي شسوي وراها من اصحه وانتبه...

اعرف اني شصخمت مشمشه زوجت وعافتني ..
بقيت كله ويا سدن سدن كلشي صارت الي حتى احسن من مشمشه بهواي..
وشغله لخ صارت انو شكو شي منعني منه امير اسوي  لبس مكياج سفر كروبات بالجامعه برا اكل شقه شغله وحيده انو اتحسس احد يطخني..
كلشي طلعته من نفسي..

وهيج  مرت هلكَد سنين واني ما ادري بيها...

_______________________*

امير : نور ليش صافنه احجي شي وياي.. شكَد دكَيت عليج شكَد دورت عليج ماكو اختفيتي ليش..

نور : الك عين بعد تسال ليش... اخر واحد يسالني ليش انت وإياك تتقرب لو توصل يمي انت نطيت كلمه لابويه وابوك يدري ٦ اشهر ونطلكَ..

امير : بعد هل سنين كلها تردين اعوفج.. والله جابج وخلاج يمي و على ذمتي همين..

نور : انت ولا شي تعني الي و ما بالي شي غير اخر شي سويته وكلشي ما اذكر عن علاقتنه كلش مات راح نتهه..

امير : كَلبج مينسه تعلميني بي انتي مسجله باسم امير من الله خلقج  شوفي الظروف شوفي دنيا دارت دارت ورجعتج لحضني..

اني ارجف و بديت اختنكَ بس احجي بقوه ما ادري منين اجتني.... ما انكر من شفته فز كَلبي  و ردت بس احضنه بس اكمشه  بس عزه نفسي وكبريائي يكَلولي أذي شسوه بيج سوي بي لا تنطي مجال ابد يوصل الج..

دفعته..
نور : شوف امير اني هنا حبقه تعتبروني ماكو ماكو نور بالبيت لا اطلع ولا اسمعكم صوتي ولا اكل وياكم ولا شي تطلع وتسد باب وراك و تكول لامك ابد ما توصل الي من كَبل هيه تكرهني اياك تدري مرتك لو امك اني منو..