ذاكرة القلب

بارت 16

سلام ☮ عليكم..

شلونكم شخباركم 🖤✨

#ذاكره_القلب

_______________________________________

ابو نور تخبل ورضه باي مبلغ نطلبه شكَد ما جان بس ما ننطي فصليه رغم هوه مو ابو الولد الي عال بينه..

بس جان كلش محتام وكلش دمه حار وعصبي..
ابو الولد مثل تمثال ولا يحجي  بهل الاثناء وناس محتركَه شفته اخذ تلفونه وراح طلع خابر ورجع..

كَلت صدك الي ما يربه ربه هذا خسران..

مو كَوه تسون واحد رجال..
ابويه كلش خجل من ابو نور لين جان يحجي ويا ابويه بادب وأخلاق  من حكمو العشيره فصليه و١٠٠ مليون..

ابو نور نتهه ابويه حب رد اله جميل أخلاقه كَاله..

حجي قاسم : ابو نور الي فصليه الي راح تنطوها يمي بنيتي ما انطيها لعباس ولده هذولي ناس ما يخافون الله  اخوي هوه بس كَلبي شالعه لا تخاف عليها والله  بطن عيني وهذا زود الي يمك..

جان ياشر عليه..
كَاله اخذها اله وهنه ٦ اشهر ويرجعها الكم ولا يلزمها ولا يوصل يمها هوه اصلا مزوج وعندا طفل..

اني نصدمت شأزوج اني ذيج ما ادري بيها اخذ وحده ثانيه وشلاع كَلب من جديد..

بس ابويه ما اكدر اكسر كلمته..
كتله تدلل ابو احمد الي تريده يصير..

بس توسلت بعدها لأبويه انو ما يخليني اخذها حتى لو حمادي يعقد  عليها  بس ماقبل كَالي هنه ٦ اشهر عوف البنيه بحالها مو يمك  ورا يومين خابرنا ابو نور..

كَال النا اني حنطيكم بنتي لين الولد ما عندا خوات..
استغربت اني الي اعرفه كالو عندا لذا رادو فصليه اصلا.. عساس يكسرون عيونهم بيها..

ابويه كَال ابو نور اذا بنيتك صدكني محد يطخ الها طرف..
اجه يوم ورحنا نجيب البنيه توسلو بيه كتلهم اني بغداد ما اروح..

صارت نور بنص عيني شلون اجيب مره مناك واجي واني ما عرفت ازوجها واجيبها خنكَتني عبره  بس سكتت وديت ولد عمي ثنين بكدي واصغر مني بسنه همه كلش حبابين احبهم واصدقائي همين..

اجتني دخلت وعبايه كوه تمشي عرفت اهلها وين واحنا وين شلون تعيش ويانا ما ادري بقيت أفف واهمس لابويه يعقد الها غيو واحد بس بعد ما ترهم خلصت واجتي بنيه....

كَالت اسمها واني راحت روحي هيه مستحيل نور حبيبتي ها سنين كلها هيه نفسها سكتت حتى نفس ما تنفست من ذكرت اسمي للشيخ ايدها رجفت عرفتها هيه. بس خلص شيخ..
بعده ما طالع اخذتها سحبتها من ايدها..
اهلي سوو الها غرفه جوه درج من يومين اسمعهم يحضرون..

اخذتها سحب واباع لهبه مبتسمه كَلت لا ياالله هيه ماكو غير شي اكيد هيه..

مرتي وامي  و زوجه احمد وجهال كلهم شافوني واني اجر بيها بس سكتو وخرت عبايه وشفتها نوب هاي كل سنه صير احلى عبالك عمداََ تشلع كَلبي نتهيت نخرست دخلت هبه وطلعت واني عيني ما شلتها يعني شنو متكبر ليش هيج هلكَد حلوه..