ذاكرة القلب

بارت 1

مرحبآ..
طبعا القصه حقيقه وابطالها موجودين بالحياة الواقعيه وعايشين لحد هسه..، 🖤 ✨

وقبل لا تقرون اني هاي قصه وحيده الي كاتبها لين اكتب رويات فصحى... واكتب خواطر  وما شاكل  بالسوشل ميديا بس كلش ترجتني البنيه وما حبيت اكسر بخاطرها اتمنى تعجبكم واكَدر انقل جزء من الي صار....
وابد ما بيها اي مبالغه او جذب الي حجو كتبته اتمنى نبتعد عن تجريح والاساءه..

متابعه ممتعه 🖤✨

#ذاكرة_القلب

_______________________________________

اهلا.. اني نور مواليد 92  من بغداد عايشه حياتي حالي حال اي بشر اني عندي 4 عمام عمامي كلهم عدهم ولد واحد و2 بنات  كلهم طبعا اني اكبر وحده بيهم عدا ابن عم واحد اكبر مني هوه واخواته  اسمه حسن  وعندي عمات 3 وحده ازوجت على حب وعدها كومه ما شاء الله وحده لا عدها بنيه  و 2 ولد وحدة ما مزوجه طبعا عماتي جهالهن كلهم اكبر مني ابويه حالته ماديه نكدر نكَول عليها كلش زينه عدنا بيت بالكراده وعدنا املاك حمد الله احسن من عمامي باقين بابا جان كلش يحب يتشغل وكلش متدين  و يؤمن الارزاق بيد ألله لدرجه يطلع صبح لدوامه وهوه متأكد انو الله ضام اله رزقه بمكان وجان يحب يعلمنا على دين ويحب يكعد يسولف النا قصص دينيه ويحب يوعينا بهل شي ودائما يكَول المال الي بيدكم. لازم اقل شي نصه صدقه حتى الله يبارك بمالكم وتصيرون صاحبين شأن يم الله والله يبارك بهل مال الي عدكم  جانت هاي حجايات كلش باذني بكل وكت اشوف احد ما عندا او شي جنت اذكر هل حجيات عبالك كاعد وياي بكل وقت وين ما اروح احنا  5 اخوان 3 بنات و 2 ولد طبعا اني اكبرهم وراي محمد  اجه اصغر مني بسنه مواليد 93 محمد يختلف جذرياََ عني اني جنت جديه وعصبيه وكلش اكل بنفسي وكلشي افكر بي هواي وكلشي احب انطي حقه وابد ما اسخت بشي وكل همي انو اوصل لمكانة يفتخر بيها ابويه وإجازي هذا تعبه الي تعبه كل هل سنين. بس محمد لا جان كلشي عندا ضحك ونسه و شقه يحب يطلع ويطب وفلوس وسياره وفره وكل جماعته  جانو مثله  بابا يسميهم العفطيه مال محمد وجانو همين ويا همه لين هذا مبذر بشكل عزايم وياخدهم وطلعه وهمه شبه عدهم طمع بي وابد ما فد يوم فكر ياخذ شغل مكان ابويه او يساعده او يحاول يتعلم شغله كل همه جان  شلون يتونس وشلون يطلع ويطب ويونس جماعته ويا ...

جنت اني صغيره رغم هذا اني جنت اساعد ابويه بشغل بسيط انو ارتب ملفات انقل عقود  ادقق الأرقام جنت اريد اساعده بأي شي لين اشوفه يتعب وينقهر لين ما يكدر لمحمد  وما جاي يقصر بشي علي وهوه ما شايل مسؤليه نفسه ولا عارف يصير انسان يعتمد علي واخوي ثاني هذا صغير  واخواتي اصغر بعد.

#فلاش_باك
لسنه 1979
ابويه من مواليد 1660

  اني جنت كلش احب سوالف نسوان  وهشكل يعني  جان كل همي بنات وهيج لين حبيت بت عمي  وعمي ما قبل ينطيها الي لين جانت حالتي ماديه مو هلكد على كدي بعدني  يعني نص ونص بس عمي جان تاجر وعندا معارض سيارات وكذا وبيهن فلوسه حرام لين يتشغل بالفايز وهيج رغم هذا ابويه جان رجال كلش فقير وينحط على جرح يطيب ويعشق الجهال كل امنيته يشوف احفاده تارسين البيت اخوي الجبير ازوج اول واحد بس مرته وهوه نفس خباثه ما يقبلون ينزلو حسن او  البنات عمود يشوفهم ابويه وهوه كلش جان ينقهر بس ما يريد يسوي مشاكل و ما يكول لاحد بعد ما شافني  تدهورت أوضاعي لين ما انطي بت عمي  بده    يضغط عليه عمود  ادرس واجتهد و اعوف سوالف بنات..