ذاكرة القلب

بارت 24

مرحبا 👋

#ذاكره_القلب
_______________________________________

امير.. دخلت شفتها سبحان الله من يبدع بخلقه شنو بياض لو جسم لو اللون الي يلمع عليها من شفتها وخايفه مني .. ما كدرت احجي شي وياها واصلا اني حتى رجليه ما يعنني اكَوم اسوي الها شي من كثر ما احبها..

ما ادري كلشي بيه يخرب يمها حتى حجي مالتي يتلعثم..
بس قويت روحي علمود احاجيها..

امير :  نور شهل لبس شفتي شيماء لو هبه لو احد من خواتي هيج لابسات..

نور : ما ادري اني شعرفني هذا لبسكم وانتظرت هبه وهبه سحلتني ما لحكَت احجي وياك..

امير : انتي تعرفيني مفروض تدرين ما اقبل هل لبس شوفيني اني هادئ وما مصيح لهسه..

نور :  والله ما بالي شدراني انسب شي عندي هذا لكَيته شعرفني فدوه امير لا تصيح عليه..

امير.. باوعت الها تتوسل بيه واني اصلا من شفت هل خلقه  شلون الي كَلب واضل اصيح عليها..

هوه حجي كَوه حجيت...

تقربت منها كلش هيه غطت راسها اول نوب باوعت الي بمكاني واكَف جنت وخرت ايدها وحضنتنيي..

شنو هيج مي بارد على كَلبي نزل حضنها جنه يا عالم جنه والله جنه..
وخرتها..
امير : ليش هلكَد طالعه حلوه وين اضمج هسه

نور : مو خليتني بكَلبك من ٩ سنين ما تغير مكاني... مكاني حلو هنا اصلا..

امير : نور لا تدلعين عليه اني كَوه كامش روحي عليج موتيني تلعبين باعصابي هيج واني مو كَدج ترا..

نور : اووف أميري شسويت هسه..

امير... كَرصتها من خصرها  : لج لا ابتلي بيج  بطلي هيج حركات وياي..

نور : اوووي امير شبيك اذيتني..

امير : يول الله يكَلبي.. اذا رايده اخذج اخذج هسه
ترا بعد مابيه صبر... يا ناس هم حقي وهم ما تنطي الي..

نور : شبيك امير خوفتني خلص عوفني ابدل وامسح  وجهي..

امير : لا تغسلين وجهج بدلي وتعالي اكَعدي كَابليني اشبع من وجهج ومن جمالج .. بس كون الله ينطيني صبر..
قربت من اذنها همست الها..
كَلبي خلص صبرت صبر أيوب ما كافي ما حن كَلبج عليه..

نور.. كزبر جسمي ولحضه حسيت اريد اسلمه روحي كلها.. واصير مرته صدك... كلش خدرتني كلماته..

جان يندكَ باب ودخل عمر..

بس امير وجهه صار اعصاب..

امير : ابن الكلب ما لكَيت غير ساعه هاي تجي انت شنو سالفتك شتريد خرب اهلك

عمر : ما.. اا.. امي.. هناا.. اا...

نور : تعالي حبيبي تعال كَولي شنو تريد معليك بابا..