ذاكرة القلب

بارت 33

مرحبا 👋

#ذاكره_القلب

_______________________________________

مر يومين اني بغرفتي  وناس جوه صايرين ملحمه تروح وتجي واني ابد ما اريد اسمع اي اخبار ولا اعرف شصار جانان تجي تخلي الاكل  و تشيله مشكله لا ابجي لا احجي لا انام لا اكل بس احس من تفكير راسي باقي اله ذره وينفجر..

نايمه على جربايه  مخليه اديه جوه راسي ومكوره روحي مثل الطفل وحلقتي على جربايه كَبالي اباع الها..

احجي ويا نفسي.. يوم حبيت امير اكثر من روحي تزوج ويوم صرت مرته  مرته حبلت يوم عفته وقررت ابدي مرته ماتت...عفته وخلصت ونعجبت بادم وشخيصته وحبه  طلع نفس طينه.. اني لشوكت هيج  حظ ما عندي..

ندكَ الباب..

دخلت سدن.. وبيدها فطومه..
من فرحه ما اعرف شسوي هاي شجابها وهيه غير محافظه واصلا ما داكَه عليها..

رحت كَمت ركض حضنتها  وبست فطومه بس هيه دمعه بعينها..

نور : شبيج سدن ليش هيج عيونج مدمعه..

سدن : كل من وراي اني قنعتج تحاجينه..

نور : لا تتخبلين قنعتيني احاجي بس ما قنعتيني أنعجب بي..

حضنتني وضلت تبجي اني احس كَلبي يريد ينفجر وصدري مليان حجي  واريد ابجي بس ما اكَدر ابجي  بس اختنكَ..

وخرتها وكَعدت يمي بالبلكونه.. صحت جانان تنزل فطومه بالألعاب برا تلعبها..

نور : شجابج مناك لهنا.. منو كَالج اصلا..

سدن : نور اسمعيني للأخير وانوب احجي.. ماشي.

نور : اي تمام احجي..

سدن : بهذا حجيي ما ادافع لاي احد.. بس باعي انتي مسولفه لادم شصار بيج من عافج امير. وهوه يلوب عليه وخابر على رجلي وقنعه اجي ومن حجيت ويا ما بجه ولا شي بس عصبيته ماكلته اكل..

و دز الي سياره اني و بتي و زوجي وجابنا لبيتهم  وانتظرت شويه يم امه وامه حجت شويه فهمت مكسر عربيتها  بس ولد لا اكل ولا شرب مثل المخبل..
اهلج من رايحين للانبار امير معتذر من الكل و كَايل الهم هاي فتره زواجي منها  مصورهم و جانت مريضه ما تدري اصلا...

وادم حالف الا يكتله وكلش متعصب لين هيج ضاحك علي وهوه تعرفينه انفعالي وما يفكر تأكله العصبيه ويخرب الأول وتالي..

نور :  لا تكملين فدوه راسي ما يتحمل هلكَد بعد...

سدن :  اسكتي واسمعي حتى تفكرين وتقررين...
اهلج مهدين ادم و حجي قاسم قابل بكلشي بس ما ينفضحون...

امير  بته ماتت ورا ما جاج ب ٤ ايام ومن يومها متخبل وكاره اهله كلش يكَلهم انتم ورطتوني خليتوني اكسر كلبها و كَلب شيماء وتالي خليتوني اعيش بعذاب و ماتت بتي وعشت اكبر ألم ممكن اعيش..