ذاكرة القلب

بارت 8

سلام ☮ عليكم..

#ذاكره_القلب
_______________________________________

بيت نخبص خبص اجوي عمامي ولدهم  و جدو وناس شيوخ كومه ولد عم ابويه همين اجوي وصارو ناس  كومه  وجاي مي وهوسه  بحيث كل خدامات يتشغلون وامي ساعدهم يادوب ملحكَين عليهم..

اباع حتى ولد عمتي اجوي رغم منعوهم يدخلون لين غير عشيره همه وما النا خلكَ صير عشاير هواي وهوسه..

جان حسن صديقهم كلش بعمرهم  و يشوفونه  وهيج دائما..

اني بقيت الوب فوكَ اجني ريم و ريام يمي ريام كَالت

ريام : همزين عندا اخوات ثنين ما متزوجات يصير ما يصير ما يوصلون النا..

نور : شتحجين ما فهمت وشدخلنا احنا..

ريام : حقج وين تعرفين انتي بهل سوالف بالج بالشغل مثل ثوله لا فهم لا علم لا شغله..

نور : ليش ما تنجبين  ترا والله خلكَي هلكَدوته احجي عدل فهميني راسي هلكبره ترا...

ريم : عوفيها تولي نور فدوه اهدي لا تتخربطين اني هم ما اعرف هسه تحجي غصبا عليها..

ريم كرصت ريام وكَالت الها لا تضلين تمسلتين مشوفيها شلونها  احجي شنو..

ريام :  شوفي عدنا قانون يكَول انو اذا نكتل احد  ياخذو مريه من عشيره ثانيه وينطون فوكَاها فلوس وهاي يسموها فصليه..

نور : مافهمت فصليه شنو  بله فهميني..

ريام : باعي هاي فصليه ياخذونها ويعقدون عليها اي احد من اهل ميت بس عقد سيد بدون محكمه بدون حقوق بدون اي شي..

فوكَاها الله يعلم بعد الي اعرفه يذلوها ويبقون يلوموها ويبوووووو مشاكل ما يعوفوها الا تجيب الهم ولد ياله..

ريم : صخام صخمني. شنو هاي يمه عفيه لا ينطوني..

نور : اني اكبركم ملج علاقه بهل سوالف بعدين عده اخوات احنا شكو اسم الله اسكتن. ما اريد اسمع هل سوالف بينجن  وبال بالجن اسمع وحده تاكل تبن وتحجي وصير خيره  وتبقن هنا هسه اشوف سالفه شنو واجيكم...

تكَعدن بغرفتي  محد تطلع هسه اجي...

نزلت اشوف امي دخلت للمطبخ سالت امي..

نور : ها  امي شصار شبيج تبجين..

ام نور. : والله ما ادري شيصير ما هدو بس صياح  و هوسه  ياهو اساله  يكَلي سالفه تعبانه..

نور : تعبانه شنو امي اروح ادخل اشوف شكو اني احسن ..

بعدني هستوني كَمت من مكاني وجان تصيح امي..

ام نور : عزا عزاني ولج تردين تفضحيني كلها شيوخ وناس كبار وين داخله يمه فدوه اروح الج استري عليه تردينهم نوب يحيرون بيج..