ذاكرة القلب

بارت 7

مرحبآ ✨

#ذاكره_القلب

---------------------------------------------------------

نور : هاي سيارتي من العام عندي انتم ما منتبهين..

صادق : نور تدرين لو سيارتي جان نص جامعه خليتها بجيبي..

نور : تعالو اصعدو واني اشرح الكم انتم أصدقائي وحقكم تعرفون  تعالو نروح مكان نتفاهم ماشي..

باوعت صادق ومرتضى عادي حسين مصدوم جان ولاحظت قسام وسيف كلش ما عاجبهم وضع وباقر  يضحك اصلا مو مهتم..

اعتقد ضاجو لين حسو اني استنقصت منهم وما كَلت الهم بس نيتي شي وهمه فهمو شي سيف كلش صديقي لذا ضاج وقسام على ضوجه سيف ضاج لين كلش قريبين من بعض همه...

صعدو.. مشغلين اغاني عاديه واسوق اباوع بالمرايه على باقر ومرتضى عرك وشقه بس يضحكون.. دكَ تلفوني..

درت وجهي عليهم..

نور : اششش  ما اريد صوت مكالمه مهمه عفيه...

همه سكتو عادي ونصيت مسجل فتحت التلفون على سبيكر  واسوق واحجي جان الي مخابر عليه من إيطاليا قبل ٣ اسابيع رحت هناك كملت عقد يسالني على شي او نقص كل مره من نوقع هشكل...

ستيفانو : مرحبآ نور كيف حالكَ..

نور : اهلا استاذ ستيفانو اتمنى ان لا يكون هناك خطباََ ما؟

ستيفانو :  هناك بعض المشاكل التي خصت شركه بترا في  فرنسا يجب عليكِ ان تحلي الأمر في الاسبوع القادم

نور :  حسناََ سأحاول انهي اعمال هذا الأسبوع واذهب لفرنسا..

طبعا جنت احجي بلغه ايطاليه وهمه  صدمه صارت  مضاعفه عليهم ما متوقعين مني كل هذا..

سديت تلفون كَبل حجو شنو هاي شنو جنتي تحجين
كتلهم شغلي هذا لازم اتعلم لغات..

رجعت دكَيت على ابويه و كَتله بالي حجاه ستيفانو. أبويه كَال اكبر زبون عندي  وزبون دائم هذا ولازم اخلص شغله...

كَتله يكمل حجز الاسبوع جاي اروح وارجع ب ٣ ايام عندي متحانات..

وكتها نزلت للشركه ونزلتهم وياي وكلهم ما عرفين شنو و شكلي الجدي والحاد شافو بالشركه وكلش مستغربين..

رغم وضع اربكني الكل يسلمون عليه ويخافون مني و الكل شغل يخلونه كبالي. وهذا يريد توقيع ومدري ايش ...

طبيت لغرفه مالتي وكَعدو اجتي سكرتيره وراي دخلت...

نور :  سرى كل اجتماعاتي الغيهن. وبلغي ابويه يدخل مكاني اليوم واريد  اسبريسو واحد وعصير وكيك ٧  وما اريد ازعاج بعد اوك..

هزت براسها وطلعت و اني نسيت نفسي بال أوامر باوعت الهم..

سيف : شوكت يخلص هل عرض مالتج ... ما اعرف هسه شويه وتطلعين بت رئيس وزراء هنا كلش ما استغرب..