ذاكرة القلب

بارت 25

سلام ☮ عليكم

#ذاكره_القلب
_______________________________________

حجي قاسم : اوف يا بعد ابوك هلكَد تحبها جاهلت كل حجيي وفكرت بس هيه سامحك لو لا..

امير : بت كَلبي اول حب هيه هم ٨ سنين عز ودلال والف واحد يتمناها من صدك وما قبلت باحد واني الحيوان ازوجت وعفتها..
وهيه رغم كل هذا بقتني بكَلبها.. تدري علاقتنا شكَد تحسنت هل فتره تخليني انام يمها  كلش مرتاح جنت َ...

حجي قاسم : اني منطي وعد لابوها لازم ارجعها نوب نروح نخطبها وناخدها هل مره غير...

امير : لا بويه ما سامحني بعد لو شعلت الدنيا الها شمع  لا طلكَها عاد خليها بس باسمي يم الله..

طبطب ابويه على ظهري وكالي كله خير يصير الكم ان شاء الله لا يضل بالك..

عفت ابويه وكَمت اباوع عليها من جامه ماكو بس نايمه قهر امه محمد كلها بـ صدري..

مرت ايام و اني ساكن مستشفى ابد ما اطلع  وحتى انام يمها  على سرير وليل كله ابقه احجي وياها واتوسل بيها تكَعد عفت شغلي وعفت كلشي..

كَوه ابويه ياخذني بس اسبح وارجع  حتى ما ادخن ولا جكَاره اشرب خاف ما يقبلون لو مو زين عليها ريحه..

اكل يادوب لكَمتين  يوم كله.. مر سبوعين وهيه هيج..
ما خليت دكتور يعتب عليه كلهم نفس جمله يم الله..

هبه خطيه ماتت بجي عليها تجي بين يوم ويوم شوفني كم ساعه وتروح..
اهلها ما خابرتهم رغم يدكَون عليها بس شكَول الهم قفلت تلفوناتها..

الى ان نايم يمها حسيت ايدها تحركت..
كَلت متوهم اخر شي كمشت ايدها حيل جان تتحرك صدك...

كلبي يدكَ يمكن الف دكَه قليله.. ركضت للدكتور اجه فحصها كَالي كم ساعه وترجع لوعيها..

حط الها مغذي وقلل جرعه الأوكسجين وبدت يا الله
تصحه..

تفتح عينها وسدها واني كامش ايدها بس من كثر ما كبريائها حقير جرت ايدها مني عبالك نامت نامت َبس تكَلي ما نسيت..

كلشي اتحمل  جفاها ميخالف بس خلي صير زينه..

غمضت عينها رجعت واني افتر بالغرفه يمنه ويسره خابرت ابويه وامي  وياهو يجي كَبالي اخابره اكَله نور كَعدت من فرحتي صليت ركعتين واني يمكن صار ١٢ سنه ما مصلي ابد..

شفتها تباوع الي بس نظرتها ما فسرتها اني بقيت من مكاني اباع الها بينا مترين يمكن خفت اروح احضنها خفت اتقرب منها ما اريد يصير الها شي..

بس جانت نظرتي الها من مكانها كافي مكفيتني كلش رغم ودي من كل كَلبي احضنها  حيل ابجي بحضنها اكَلها شسوه بيه فركَاها اكَلها شكَد خفت عليها.. بس وين هاي مو اي وحده هاي نور .. ونور كلش تختلف..