ذاكرة القلب

بارت 3

مرحبآ..

#ذاكره_القلب

..... *....... *........ *....... *.......*.......*.......*......
نبدي من 2010

جان عمري ١٨ سنه....

ام نور : جانان روحي كَعدي الجهال ساعه بال ٦ ونص لا يتاخرون على دوامهم..

ريام : ماما ما اريد اداوم شنو تعبت بطليني اريد العب

ام نور : شلون اني بهل مدللـه صار عمرج ١٢ سنه يا لعب هذا.. تقبلين بابا يكول ريومه بتي الحلوه مو شاطره ليش تخلي يزعل منج..

ريم : اني همزين صغيره حبقه العب

ام نور : هوه وكاحه منين انتي راس بله هل تخلينها ما تقبل تروح اسكتي لا اكتلج بعدين انتي بس يوم تغيبين مو عبالج... باجر داومين بلا مشاكل.. صغيره مثلا انتي عمرج ٨ سنين هسه

علي : هههههه شبيها ليش تحجون على حبيبه ابوها تعالي تعالي

ام نور : شلون شيطانه صار ساعه تحرض طفله عمود مداوم تالي سوت روحها مريضه بحضن ابوها

علي : محمد وين ليش ما على سفره؟ يوميه اعيد اني نفس سالفه شوكت ابنج هذا يصير براسه خير عمره ١٧ سنه شوكت اعلمه بعد.

نور... بست ابويه بخده عافيتي ليش عصبي من صبح واذا جان على هل حيوان غصبا علي يبدل يداوم وينجح لين يخاف ما تشتري اله سياره اذا ما طلع من خامس فدوه لوجهك لا تعصب هسه اسحله وانزله..
محمد : نجبي هييي انتي تسحلني خوش مره هيه اني رجال وانزل وحدي واعرف كلشي معليج

علي : ما صير مثل اختك... دار وجهه عليه وكَال.. بعد روحي انتي ولكم ويكَلولي ليش تحب بنات والله محد مريحني غيرج بهل بيت.. شاورني شوفي امج شلون راح تحجي

ام نور... رأستاََ كالت اي هوه اني شمحصله منكم بس شلاع كَلب وتالي ياخذونك مني هنيالي اي والله..

كلنا متنا ضحك على حجايتها وخصوصا اني وابويه لين دره تحجي هيج راح باس راسها وكلها انتي الخير و البركه يروحن الج فدوه والي يتعبج اموته موت بيدي... هيه بسرعه تتقشمر اصلا رضت وسكتت والابتسامه شكَت حلكَها

كلش احب امي و ابويه واحب سلوبهم سوه وحجيهم وكلش ارتاح من اشوفهم هيج تمنيت انو احد يحبني مثل ابويه وهيج يخليني ارتاح وطبعه مثله امنيتي هل شي جان..

نور : اكَلك بابا اني راجعت عقود بارحه محامي ليش مخلي الك هل مادات ترا كلش اوفر سالفته.. هذا محامي عرف لو لا؟

علي : لا بابا مو عرف هذا تعين قبل كم شهر و كَتله يجهز الي ملف حتى أوقعه من شركه باجر هذا شغل ضروري بي ربح زين الي..

نور : هااا بس اكَلك ترا ٩٠٪ العقد لصالح شركه **** احنا اقل خطأ يوكَع ضرر علينا بس ما يصير ترا اني مو محاميه ولا افتهم بهل الامور بس فهمتها هذا محاميك شنو بالضبط شيريد؟؟