ذاكرة القلب

بارت 6

سلام عليكم ✨🖤

متابعه ممتعه..

#ذاكره_القلب

_______________________________________

طبعا ورا. شهرين اجتي عطله ال ٤٠ يوم تقريبآ مراجعه قبل الامتحانات  مال اخر سنه مالتي

بديت اقلل شغل كلش  و بابا ما بقه ينطيني شغل  يكَول اريد تطلعين معدل هذا ذكائج ما اريد يندفن داخل الشركه والشغل اني هنا مكفي وبعدني بحيلي

جنت رايده اطلع معدل صح بس جان واهسي قليل كلش ما اعرف اقره هواي ما متعلمه اقره اني وحابسيني بالبيت ما يقبلون اطلع ولا يقبلون اشتغل يردون اقره وبس وكلش ضجت تخبلت.. كَوه لازم اعصابي ما اعرف شبيه..

ساعه اطلع بالبلكونه ساعه اتمدد ساعه تلكَوني بالغرفه الملابس كَاعده و ساعه اتمدد بالكَاع  مرات اكَعد حتى العاب ريم الي بالحديقه كَعدت اقره تعريف لو تعليل وازحلكَ لو شي..

عبالهم تخبلت ياهو يجي يباع عليه ويضل يضحك همه ما يدرون لو باقيه اكثر بالغرفه جان متت. من ضوجه

جنت انام  ارتاح هواي واقره باليوم كله فد ٣ لو ٤ ساعات  جنت بهل وقت ادرس لغه تركيه  عندي كورسات. دزوهن الي باليل اقره لغه وبالنهار يا افتر بالبيت واكل يا كهوه اشرب وبس كامشه كتابي يادوب  ٣ ساعات لو ٤ باليوم اقره بيهن..

اجتي متحانات وجنت اجي من وكت وبده ييّن تعب والضغط عليه عبالهم ما مجاوبه لين ما اقره يدرون بس افتر بالبيت واجي من وكت من المركز الامتحاني جانت امي تاكل روحها بس ابويه يكَول عوفوها ما اخسرها اني عمود دوام..

ان نجحت او لا.. مكانها يمي بس خلي تاخذ شهاده كافي... بس يبقه كَلبه احس بي يريد مني شي يريد معدل ما بيدي قابليتي هاي..

جنت اجاوب بس ما اكَول الهم جان الي يسالني حمد الله لا اكثر اجاوب خلصن متحانات بالف عافيه ياله خلصن روحي راحت نفسياََ تعبت مو من القرايه

امي كلساع تكَلي بكم درس تطلعين كَتلها الله كريم لهذاك الوكت..

شي الوحيد الي جنت مستغربته انو اني ابد ما خفت من متحان لو من شهاده لو من اروح امتحن امتحن برحابه صدر و احل على الله.. ما حسيت روحي طالبه مثل هذوليج الي وياي الولد والبنات جانو قلق ماكلهم اباع عليهم يبجون بجي قبل لا يدخلون يمتحنون..

بس يمكن كثر الدكَ على حديد يفك!

ابد  ما حسيت اي احساس جان برود والعصبيه والابتسامه الي بسنه مره تطلع بوجهي ماخذه وقتي كله..

اجه يوم نتائج ما ردت اعرف نتيجتي مالي خلكَ امي  وحجيها رغم اني جنت واثقه بنفسي انجح بس هيه تكَلي اكيد راسبه لو مكمله محد ينجح بهاي قرايتج واني  اسكت اكتفي بالسكوت ما اكدر ارد عليها شكَول الها مثلا هيه هلكَد ما ثاقه بيه..