ذاكرة القلب

بارت 9

مرحبآ 👋

#ذاكره_القلب

_______________________________________

يحجي بابا وادموعه على خده  واني ابد ولا تحركت ولا نطقت عبالك صاعقه ضربت راسي ما ادري شصار بيه حتى ما بجيت..

علي : بابا فدوه كَولي شي لا تخوفيني عليج..

نور : شنو يا خوف هذا الي تحجي علي تدري شنو كسرتني اني هذا فوكَ ضيم كَلبي تنطيني فصليه... ليش بابا اكثر واحد ثقيت بي بهالدنيا اخر من توقعته يطلع هل طلعه..

علي : شرحت الج وضع والي صار شنو واني اندمهم والله وهاي سعاد ( ام حسن) والله ابجيها دم على سوايتها هاي بويه والله حاجيت الولد اصلا مزوج وماله داعي لاي شي مجرد عقد بسيط و٦ اشهر وترجعين لا تاذيني...

اباوع علي مكسور بس ما يبرر فعلته وكامش ايدي ويحجي اتخبلت اني بس صرت قويه  وخرت ايد بابا ودفعتها كَتله حصعد ابدل  انتظرني...

رغم  علامات تعجب بوجهه بس مشيت  وصعدت ابدل واني بلا وعي  لكَيت جانان مخليه  بنطرون اسود وفانيله ربع ردن بيضه وقمصله سوده جلد لبستهن ولبست بوتين ابيض وشال اسود عادي حد بحد البس من ورا جامعه تغير شويه لبسي من ورا سفر مهم ما ادري شنو موجود لبسته لكَيت  جنطتي صغيره خليت شاحنتي سماعتي عطري واشياء نواعم مالتي صغيره يعني حتى ملابس ما اخذت امي واخواني على درج يياوعون وكلهم يبجون..

باوعت عليهم كتلهم لا تخبصوني بيه كافيني كلهن ٦ اشهر واجي  ولحد يدكَ عليه ما اريد أوجع كَلبي وابجي..

امي حضنتني بس ما بادلتها  بس حسين وريم حضنتهم حيل  محمد تخبل ما ودعني حتى بس اسمع عياط من غرفته حسيته كلش نقهر...

باوعت لابويه كتله انسه عندك بنيه منا ل ٦ اشهر ومن ارجع يصير خير..

دمعت عيونه يدري بيه قاسيه وكَلبي حجر بس ما عباله هلكَد...

اصلا جنت كلش متاذيه َما ادري شحجي بس كتمت بداخلي هواي بجي وخلاني احجي بهل طريقه بحيث عيوني كلش حمر واني ابد ما باجيه بس هيه هاي مشكلتي من كثر ما بيضه هيج يصير بوجهي دائمآ ...

وصلت للحديقه شفت رجال جبير بالعمر ويا ثنين شباب بس رجال فر سبحته وما عجبه الوضع وهذوليج مثل ثولان فاتحين حلكَهم عليه...

نور : سلام عليكم..

ردَو السلام والحجي كَال يلا امشونا..
عرفت من لهجتهم مو بغداد.. اجتني مصيبه لخ حتى ما سالت وين ماخذيني..

مشت سياره بينا هواي طبكَ مره جاب اكل ومي بس اني اكتفيت اشرب مي طريق كله بالي مو يمي ..

كلساع يدكَ الفون وارفضه  بدون ما اشوف منو..

؟ : جاوبي. عمي يجوز واحد من الاهل...