ذاكرة القلب

بارت 28

مرحبا 👋

#ذاكره_القلب

_______________________________________

كَعدت صبح..
لكَيتهم رايحن...
رحت تريكَت ريوكَ توب كرواسون و كَهوه وكلشي احبه وجانان تجيب وتخلي..
ما ادري شكَد اكلت بس اكلت هواي كلش..
رحت بدلت ولعبت رياضه وسبحت بالمسبح..
ورحت كَعدت بالحديقه اقره كتاب..

هدوء الي بي اني محد يتخيله شكَد مرتاحه بس احس شي نقص ما ادري مكان امير كلش خالي..

بدلت بنطرون اسود كافته  وقميص احمر  وشال اسود وبوتين احمر واسود ومكياج  توب.. ردت ارفه عن نفسي باي شي..

طلعت شافتني امي..

ام نور : خير نور شهل مكياج وملابس وين رايحه..

نور : ضايجه اريد اطلع افتر صار ٦ اشهر ما طالعه باب بيت حتى باب غرفه ما طالعته..

امي ما حجت عادي البس هيج بس من اسافر هنايه اول مره البس هيج..

رحت فتريت بغداد كلها مخليت مكان يعتب عليه بس ما ادري ليش هلكَد احس روحي وحدي..

خابرني امير..
فزت روحي مو بس كَلبي من شفت اسمه..

طبكَت سياره..

نور : الووو..

امير : اووف وينج ولج ليش هيج هنت عليج..

نور : أمير اذا ما رايد شي  اسده نسيت احنا ما بينا شي وانت متزوج..

ضل يغلط ويفشر وعصب كلش اني ما ادري اكتل روحي علي نوب من احاجي اذكر كلشي واقسي علي بكلشي..
متحملت اسمع غلط مالته سديته..

كَلت احسن شي سويته هوه هذا خلي يولي ما افكر بي بعد واذا على حبي اله الله ياخذني ولا اريد هيج حب..

*************************
مر شهر اني بيتنا رجعت للشغل والف عافيه ياله رجعت للمستشفى أوراقي نقلت من جنت هناك وصارت مشاكل كَوه رجعت داومت..

شغل شركه ما ادخل اجتماعات ولا شي مجرد ارتب كل عقود واحل كلشي يبقه بس توقيع.. ادخل حسين مكاني ابويه تعب يادوب يشرف علينا..

هيج خلصتها صبح اداوم بالمستشفى وارجع بال ١ لو ٢ ظهر.. انام ساعه اكَعد اكمل شغل الشركه اطلع افتر..

بس هل فتره رجعت احجي ويا سدن.. سدن ازوجت وعدها بنيه جنن مثلها فطومه...

بقه الوضع هيج لحد ما خلصت سنه...
طبعا جان وياي واحد بالمستشفى.. بنات كاتلات روحهن علي يتمنن من عندا نظره..
صدك ستغربت يعني شمعنه هذا اذا على جمال اكو هواي دكاتره حلوين و همه كلهم همين حالاتهم ماديه زينه شمعنه هذا مافهمت..

مهم جنت كلش مالي علاقه وبالي مو يمي امير يدكَ كَمت ابد ما اجاوب وحظرته من كل مكان طبعا جانت فكره سدن والا اذا بقت عليه كَلبي رهيف ما اتحمل الا اجاوبه واحاجي..