Story ni Nerd

Chapter 78

Makatulog nga muna, para makapagpahinga naman ang utak ko.

-----------

(IAN)

Hindi na ako magtataka pa, dahil sa mga masama nilang tingin sa amin. Hindi ko alam kung anong binabalak ni zoe, at dito pa niya napiling pumasok kami.

Wala akong magagawa dahil isa lang akong utusan niya. Hanggang ngayon ay aso parin niya ako, utos lang siya ng utos sa akin habang ako naman ay sunod ng sunod.

Kung hindi lang sana ako bantay sarado at kung sana ay mapansin naman ng tatay ko ang mga nangyayari sa akin. Ngunit wala, wala siyang pakialam.  Si tita naman bigla nalang nawala. Hindi ko alam kung san ba pumunta.

Papasok na ako sa class room ko ng may bumangga sa akin na isang estudyanteng lalaki.

"Ang kapal ng mukha mo!" Sabi niya sa akin at nagpakawala siya ng isang malakas na suntok na aking ikinagulat. Kaya pumutok naman ang labi ko. Dahil sa lakas ng suntok niya sa akin.

Sh*t ano bang problema niya?

Napahawak ako sa labi ko dahil sa sakit,  at dugong dugo na ito. Tinignan ko kung sino ba ang ulagang sumontok sa akin.

"Ano problema mo ha?!" Naiinis na sabi ko sa kanya. Akmang susuntukin na niya ako ng may umawat sa kanya. Si nicko... ang tagal ko na din hindi siya nakikita, at may iba pang lumapit. Ang mga kaibigan ko na iniwan ko noon.

"Ang kapal ng mukha mong bumalik pa dito matapos mong iwanan at hinayaang pagbintangan si sam na kumidnap sayo! Yun pala kasama mo ang haliparot na zoe, kung sino man ang babaeng yun!!!" Bakit ba siya galit na galit sa akin? Anong meron kay sam?

Ha? Napagbintangan siya? Bakit hindi ko alam yun? Bakit hindi sinabi ni zoe sa akin.

"Tama na yan liam, mahuhuli ka ni miss niyan eh" pagaawat ni jiro sa kanya. May nagbago sa kanya. Hindi na siya si jiro na cold, pero iba. Iba na sila ngayon, hindi lang si jiro ang nag iba lahat sila.

"Hindi ko alam yang pinagsasabi mo" pagpapaliwanag ko sa kanya. Hindi nalang nila ako pinansin at umalis nalang sila. Pero tinignan muna ako ng masama ni nicko at saka siya sumabay sa mga kaibigan niya.

Pambihira naman hindi pa ako nakakapasok sa loob ng class room may nangyari kaagad sa akin. Papunta ako ngayon sa clinic, dahil hindi pwede pabayaan ko itong labi kong pumutok. Si zoe naman bigla nalang nawala ng makapunta na kaming office kanina. Hindi naman nag paalam sa akin.

Pagkabukas ko ng pintuan ng clinic ay agad ko naman nakasalubong si miss pom, laking gulat naman niya ng makita niya ako.

"Oh?! Ian, kailan ka pa bumalik?" Tanong niya sa akin. Pero hindi manlang niya napansin ang labi kong nag dudugo na.

"Ngayon nga lang, may sumuntok nga sa akin eh" sabi ko sa kanya habang tinuturo sa kanya ang labi ko. Nagulat naman siya ng makita niya ito.

"Ano naman nangyari diyan?" Nagaalalang tanong niya sa akin.

"Paano naman kasi may isang estudyanteng nanuntok bigla dahil kay sam" pagkwekwento ko sa kanya. Hindi ko alam kung anong meron para bigla nalang mag iba ang mood niya sa akin.

"Hindi ko alam kung anong konekt ni sam sa akin?" Nagtatakang tanong ko sa kanya. Habang ginagamot niya ang labi ko.

"Alam mo bang pinagbintangan nila at ng papa mo na si sam ay kinidnap ka? Hindi ko alam kung bakit, pinalagpas yu na papa mo. Kung kilala niya ang taong kumidnap sa sarili niyang anak. Tapos nabalitaan ko na pinalayas siya sa kanilang bahay, kaya palaboy siya non pero may tumulong sa kanya. At ang taong yun, yun yung sumuntok sayo. Ayan okay na labi mo, wag ka muna kumain ng masyado para hindi yan magdugo" hindi ko alam kung ano bang sasabihin ko sa kanya o mararamdaman ko dahil sa nalaman ko.