رواية نقطة ضعف

الحلقه 13

تفاعلوا قربت الحلقه الاخيره😻
تابعوا صفحتي مشان توصلكم كل الحلقاات الضايعه
__________________________

#نقطـة_ضعف
الجزء الثاني
الحلقة 13
قعمزت نور خمسة دقايق حتى تستجمع قواها وهي تفكر شن يقصد بالـ "vise versa " , وطلعت روحت
وبعد نصف ساعة ، فتحت سحـر الباب لـنور وانصدمت بيها !
نور بنظرات حزن : سحر !
سحر حظنت نور وناضت تبكي ع فراق خوها وكأنها تشم في ريحته عليها
طلقت سحر نور وشافتلها ومسحت دموعه وقالت : تفضلي !
خشت نور مع سحر للصالة وقعمزو
سحر بحزن : مش عارفة علاش الدنيا اخخي هكي ، كنا نبو نفرحو بيكم ونجيبوك كنة لينا ، فجأة كل شي تغير !
نور نزلت راسها لثواني ورجعت شافتها وقالت : نصيـب !
سحر : محرها كلمة نصيب !
نور هزت راسها بنفي وقالت : لا والله لا ، احني يلي نستعجلو بحاجات مفروض نخلوها تجي زي ما ربي كاتبها !
سحر عقدت حواجبها وقالت : شن قصدك ؟
نور تنهدت وهي تشرح : اني مش قصدي حاجة ، لكن يلي صار بيناتنا غلطة وانتِ عارفة كل القصة من بداية علاقتنا لن نهايتها لما تزّوج !
قعدت تشبحلها سحر وقالتلها وعيونها يلمعو : لكن هو انقتل ع خاطرك ؟
نور عقدت حواجبها بإستغراب وانزعاج وقالت : كيف انقتل ع خاطري ؟ تلقا رصاصة عليا ولا حارب ع شاني ؟!
سحر فقدت اعصابيها وقالت بإنفعال : راجلك هو يلي قتله ! بات بسببك !
نور : لانه كان يهدد فيا !
سحر بعصبية وهي قريب تبكي : يهدد فيك تمشي تقتليه ؟! بعد هالعشرة يلي بينكم تمشي بدم بارد تقتليه !؟
تفذ صبر نور وقالت : مش اني يلي قتلته وماندريش عليه انه ح يمشي يقتله ، مروان هو يلي هددني برسايلي وحاجاتي
سحر شافت لنور بكره وقالت : وتوا ؟ شن جاية تبي ؟
نور تنهدت وهي تستعيد في صبرها وقالت : نبي تنازل لـ حُسام
ضحكت سحر بقهر وقالت : مصح وجهك !
نور تنهدت بصبر وقالت : سجنه مش ح يرجعكم مروان حي ! لكن التنازل يمكن ينقذ حياة رامي
سحر عقدت حواجبها بإستغراب
اما نور كملت كلامها وقالت بهدوء وثقة : رئيس لجنة المصابين والجرحى في الخارج كان دكتورتي في مادة الجراحة ، وعندي معزه كبيره في قلبه ومايرفضليش اي طلب !
سحر شافتلها وهي تفكر في العرض المغري لإنقاذ خوها رامي يلي يصغر مروان بعامين والمصاب بمرض الكلى ويلي تعب من الغسيل ولازم يزرع كلية جديدة
نور ميلت راسها ورفعت حواجبها وقالت وهي تحاول تغريهم : عارفة عملية زرع الكلية مكلفة ، هذا لو حصلتي فصيلة دم مطابقة اصلاً والعملية تعتبر في ليبيا مجازفة ، فـ انتِ كلمي امك وخوتك واختاري ، يا حرية راجلي وشفي خوكم ، يا ..
قطعت عليها ام مروان يلي خشت للصالة ويلي باين كانت تسمع لحديثهم وقالت : امتى نجو نوقعو التنازل !؟
وقفت نور وابتسمت وقالت : امتى ما يناسبك ابلة عبير !
وهي طالعة سلمت عليها وقالت : الف سلامـة ع رامي !
عبير : نبي نوقع التنازل من هني ولدي يسافر من هني
نور بثقة : حاضر انشالله !
وطلعت من الحوش وهي حاسة بصيصي الأمل بدي يتسلل لقلبها وينور وجهها ، ومطاقهاش صبر لن روحت للحوش وحكت لـ فادية كل شي
فادية ابتسمت بسعادة : الله عليك يا نور وعلي تفكيرك مستحيل يخطر ع بالي لو اني في مكانك
ابتسمت نور بلطف وقالت : نبيه يطلع في اسرع وقت !
فادية : ربي يفرحنا برجوعه يارب
نور : انشالله يارب
فات اليوم ، وخش كل واحد لفراشه ورقـد ، بما فيهم نور يلي خشت رقدت وبعد ما خداها النوم
حست بإيد تسللت لبطنها والتفت ع خصرها ووخرتها حتى تلصق في الديب
فتحت عيونها بنعاس وعقدت حواجبها بإستغراب وتلفتت حتى شافت حسام لاصق فيها وحاضنها وهو مبتسم ، ابتسمت هي كذلك وقالت : استاحشتك
الديب كمل عليها وقال : مـوت
رجعت شافت نور القدام وغمضت عيونها وهي حاسة بأمان في حضنه ، حتى حست بيه باس كتفها وقاللها : نحبك ❤️
ابتسمت هي وقالت : خليني نرقد
الديب شبك يده يلي كانت ماسكتها من بطنها وقاللها : النوم قاعد اني لا
نور فتحت عيونها وقالت بإستغراب : علاش وين بتمشي؟