- #نقطة_ضعـف الحلقة 4
طلعت فادية بإستعجال ايضاً ، وعرفت نور ان فتحو الباب من لما سمعت صوت الزغاريط والدوشة ، حست بضجيج الاصوات بدي يقترب ، مع صوت مش غريب عليها ، خشت وخش بعدها حسام
زينب وهي تقول : اهي جداك راقدة
زينب شافت لنور المذهولة والمستغربة ورجعت شافت لحسام : حقا هادي الدكتور امتع جداك ! دكتورة هذا ولدي الي قتلك عليه
الذيب رفع حواجبه بدهشة : الدنيا صغيره يا دكتورة !
نور معاش عرفت شن نقول وقعدت مصدومة
الديـب عقد حواجبه وقال بإستفزاز : مسرع خديتي الشهادة وبدو ينادو عليك دكتورة حق !
امه : خلاص ولت توا دكتورة من غير حتى الشهادة
وقطع عليهم صوت جداه المتعب : حسام !
الديـب تلفت لجداه وابتسم : جداي
جداه بتعب : روحت وليدي
الديـب اتجه لجداه وقعمز بحيث وصل راسه للسريرها وقال : اي روحت ، كيف حالك باهي ؟
جداه : الحمدالله ، الحمدالله ع سلامتك
الديـب عقد حواجبه : شن كنت مسافر ؟
جداه : مش كنت في الجبهه ؟
الديـب : اي
جداه : باهي الي روحت
وبينما كان حسام يتبادل في اطراف الحديث مع جداه ، كانت نور تشبحله وهي مستغربة في كمية اللطف يلي في كلامه ، وكإن مش نفس الشخص القاسي يلي شافاته في المستشفى بدمه ووجهه المرهق واسلوبه الخشن
وقف الديـب وشاف لـ امه : مروحش ؟
امه : لا !
طلع الديـب وطلعت بعده
امه وهي تحاول تهديه : حسام حسام !
الديـب بعصبية اتجهه للباب وجي باش يفتحه
لكن امه دفاته ووقفت عليه : ديب اسمعني !
الديـب بعصبية وهو يحاول يتكلم بصوت واطي باش متسمعاش نور : عارفه معاها توا خليني خلي نمشي نعدمه قبل ما يجيبلنا العار !
امه : عيب عليك متقولش هكي علي بوك
الديـب : تي كان نلقا ننكره الزفف حولي خلي نطلع نجيبه
امه : خليه بينهم وبين ربهم
الديـب : تي يبي يجيب عليك مرااا برزقك وانتِ تقوليلي بينهم وبين ربهم ، حولي يام متخلينيش توا كان انتِ ترضي يضحك عليك اني ما نرضاش
فتح الباب وطلع.. امه زينب قعدت تفكر في كلامه ، وتدعي ان ربي يحفظه ويهديه اتجهه للقهوة امتع بوه ، درس بالتسطريب ، ونزل وهو ناوي الشر خش للقهوة المتواضعة ولقاها مقعمزه بلبسها الضيق ومكياجها الاوفر وتضحك بدلع متصنع ، اما بوه كان مقعمز ويضحك كذلك وكأن مش نفس اشخص يلي كان مجرد ما يعتب الباب حواجبه تلقائياً ينعقدو ، والجو يتكهرب ، والعصبية علي سبلة !
BINABASA MO ANG
رواية نقطة ضعف
Mystery / Thrillerروايه منقوله يعني مش اني كاتبتها 🔥➕ قريتها وعجبتني مش موجوده في الواتباد قلت ننقلها 💓