رجعتلگم بعد فتره 🙊
_____________
#نقطة_ضعـف الحلقة 7
علقت اميرة التوته وشافتله بتهديد ورفعت صبعها
عليه : اسمعني هني عندك شهرين والله العظيم كان ماجيتني وخطبتني زي خلق ربي والناس وبديت ع ذمتك ونطلع قدام الناس كلها معاك ماعاد مكلماتكرحب فرح : حاضر
اميرة : وعندي شرط !
رجب زالت ابتسامته : يافرحة ما تمت شنو ؟
اميرة : نبي حوش ولدك !
رجب ابتلع ريقه بصعوبة : ش شنو ؟
اميرة : ايه نبي حوش زي حوش الديب ولدك الي وريتهولي مرة وقتلي نبي ندير جبس زيه تتفكر وله ؟
رجب : ايه نتفكر ، حبيبتي خلي نخشو ع شقة وبعدين نديرو حوش
اميرة بحزم : لا !
رجب : باه كيف تبيني ناخد حوش ولدي والله يقتلنا قبل ما نخشوله
اميرة حطت ايدها في جنبها ووقفت بتمرد : والله حك جنابك ودير حوش زيه ، زيني زي ضرتي اني حوش وهي حوش !
رجب بترجي : يا عيوني خشت في شقة حتى هي
اميرة فنصت فيه : فقصة في عيونك شن دخلي فيها اني وين خشت انشالله حتى في دار اني الي يهمني توا هي في حوش حتى ني نبي حوووش !
رجب : يصير خير
اميرة اتجهت للكاصة وقعمزت : مايصيرش خير بتاخدلي حوش اللهم بارك ماتبيش ، انساني
رجب لحقها ووقف قدامها : حاضر
اميرة ابتسمت بدلع : ايواه هكي نبي رجوبي
وخشت زبونة وقطعت عليهم ، ف طلع رجب ومر اليوم ، وحل الليل ، واتصل الرقم بـ نور من الرقم الغريب الخامس ! شافت نور لهاتفها ببرود وداراته سايلنت ورداته لمكانه ، ورجعت شدت ريموت التلفزيون وقوت في الصوت رجع اتصل الرقم مرة تانية ، وتالته ، ورابعة ، وخامسه ، وصل للتسع مكالمات وردت في العاشر
نور : شن تبي ؟
المتصل بإنفعال : كيف مترديش ليا عام نتصل نسحابه ابصر شن صاير فيك ؟!
نور : هامك يعني ؟
المتصل هدي شوية : هامني ، هامني هلبا
نور : كان نعرفك انت مني بس ؟
المتصل : سمي !
نور : معاد ؟
المتصل من معاد ؟؟!
نور بإرتباك : خلاص انسى انسى
المتصل : ما ننساش ! من معاد ؟
نور : خلاص قتلك فوته الموضوع مانبيش نعرفك انت منو ومعاش تتصل بالله عليك
المتصل بعصبية : نور من معاد ؟؟!
YOU ARE READING
رواية نقطة ضعف
Mystery / Thrillerروايه منقوله يعني مش اني كاتبتها 🔥➕ قريتها وعجبتني مش موجوده في الواتباد قلت ننقلها 💓