رواية نقطة ضعف

(11)نقطـة ضـعف💜🍃

#نقطة_ضعـف الحلقة 11

وسكت آلديب لثواني قبل ما يتجه لباب المحل ويقول : هي السلام عليكم

طلعت وراه المنقبة وقالت : دقيقة استنى

شافلها الديـب بعد ما طلع من الدكان ،

وقفت عليه وقالت بصوت واطي : عادي توصلني ؟

حسام عقد حواجبه بإستغراب : نوصلك ؟

المنقبة : خلاص عادي لو ماتقدرش

حسام : لاعادي نقدر وركب معاها للسيارة وطلع وهو يسأل فيها عن اوضاع المدينة ، بعد ما عطاته اجابات كافية

سكت الديب لثواني وقال: قوليلي بكري قلتي ان الملتحي قالك زوجتك نفسي ؟ مافهمتش بالزبط ؟

المنقبة تنهدت وقالت بأسـى : من ضمن القوانين الداعشية والمعتقدات ان المجاهد في سبيل الله يحقله يتزوج اي بنت يبيها ، اي بنت عدا المتزوجة ! والي عليها العدة ! يعني مطلقه او ارملة ما رمتش عدتها ، مجرد ما انه يحط ايده ع راسها ويقوللها زوجتك نفسي يعني خلاص ولت مرته ويحقله يروح بيها للحوش

الديب بعدم تصديق : شن هالجهل هذا بجديات تدوي
؟

المنقبة : ياريتني نكـذب !

الديب : باهي ساهلة معناها تقدري تقولي اني ارملة اومطلقة ويفوتك

المنقبة : الارامل والمطلقات ما يطلعوش من حياشهم بكل ، واصلاً اغلب المدينة بدت ارامـل

الديب : لحول ولا قوة الا بالله ، تجنبي الطلوع حتى انتِ وخلاص

المنقبة : اني وامي بس في الحوش ، وامي مريضة بروحها ما تقدرش تتحرك مافيش غيري يعول عليها

الديب شافلها بحزن : ربي يفرج عليكم

المنقبـة : أميـن يارب

وسكتو لثواني غاص فيهم الديب بأفكاره ، الوضع مأساوي اكثر مما كان يتخيل وقطعت عليه المنقبة حبل افكاره

وقالت : انت مش من المنطقة

حسـآم بكذبة جاهزة : لا اني جاي نزور في قريبي يسكن هني

المنقبة : اهااا ، المهم اني نسكن في الحوش هظـا الابيض ، لو صارت اي حاجة تقـدر تجينا

حسام بسخرية : تبي الدواعش يذبحونا !؟

المنقبة بغيض وقهر : مش خايفة لا منهم ولا من غيرهم خلي يلي يبو يديروه خلي يديرو ، قتلو بوي وخوتي الاثنين ذبحوهم قعدنا غر حني ! ربي يوريني فيهم اليوم يلي ينتقتلو فيهم كلهم

الديـب وهو يطمن فيها : هانت قريب بإذن الله

المنقبة : انشالله يااااارب ، المهم معرفة خير

الديـب : مع السلامة

المنقبة بعد مافتحت باب السيارة وجت بتنزل رجعت شافتله وقالت : شكلك مألوف عندي !؟