الرجل الاربعيني باللهجة الليبية

البارت الخمسيييين

تعرفي مصراته ماشييلها جو الميناء والبحر خيااال عندهم اكله مش عاديه نسيت اسمها دايرهالنا ناصر ومرته لما كانو في مصراته ...
اسأليها اعليها بالله ...

داليا... تو نسألها اعليها حلوة مصراته زمان عمتي حاكيتلي عليها ...

اي كلهم زايرهم بن وليد الجنوب

داليا.. .. اني خاطري نمشيلهم كلهم اي منطقه زرتها نبي نمشيلها ...

قعدنا انهدرزو طول الطريق ....فرحت لي فرحه رعد يحكي واني مستغربه هو ماشي وزاير ليبيا كاامله اني منعرفش الا طرابلس بس ..حتي جدايم اول مرة انجييها ...

خطمنا من طريق ترااابي نزلت السييارة ..والمنضر الي انحبه قدااامي ...
البحر ..ازرق صااافي ..وهواااء بااارد ..هواء شهر تسعه ...

وصلت السيااارة ..وعيوني بيفروو...

نزلنا ..ونزل رعد بضااعتنا ... مشييت جيهة رشاد مش شط لاكن حللوة ...
خدينا جيها قعمزنا فييها ...نااس هللبه مش برووحنا

كلينا وشربنا وضحكت من اعمااقي ..يحكيلي علي وزياراته لي اصحااابه ...
ومواقفه ...واني خدااااني الوضع والجو وبديت نحكي ونضحك ..بجد نسيت ..كل شي
تغيير المكان والوجوه ايغير النفسيه ...
روحنا متهالكين علي الاخيير .مع اني خشيت الي نصي في البحر...
وصلنا الاستراحه الساعه 11 في الليل ...

خشيت طول دوشت ..هيا صغيرة لاكن حلوة اتهبل ..حسيت بالامان فييها ...

طلعت لقيت رعد ..امدوش قبلي ...

اسم الله وين دوشت ههههه

رعد... دوشت في الحمام الخاارجي قلت بنقعد انراجيها معش تخلس ...

داليا.. اخخ تعبنا واللا ...

رعد... تعاالي هو سرير نفر لاكن يمشي معانا ومع ضروفنا ...

داليا.. امم نرقدو عليه الاتنين...

رعد... بنرقدو علييه التلاته ..اني وانتي وبرق ...

داليا... حسيت علي رعد ايده علي بطني ...امتي بيشرفنا حبيب بووه ..ونقوول ولدي ..خلاص شيييبت واني انرااجي

داليا ..حضنت رعد ...وقتلا خلاص قريب معش بعيد شهر بس ...والشهر الاخر ايجي

رعد... اني نعساان بنرقد وانتي..

داليا... نخلس شعري ونجي ..

رعد... قعدت نشبحلها صغيرة وماشبحت شي في عمرها فكرتني في روحي اني لما كنت صغيير انحرمت من كل شي انحرمت من الاب والام لاكن لقيت من يحتويني واني احتويتها ... وحبيتها

شعرها عيونها شكلها برااائتها

حبييتها واعلنت الاستسلاام لو ايخيروني بينها وبين الف هذي قلبي وروحي
هذي الي تسمع في كلااامي هذي الي تعرف الصح من الغلط برووحها
هذي الي تعترف لو دارت شي غلط ....
اني حبيتها وفتت مرحلة الحب ..اني عشقتها وعشقت كل شي فيها ...