الرجل الاربعيني باللهجة الليبية

البارت الخمسيييين

رعد ...توة خليك اهني انزل لبضاااعه ونمشوو ..
مش مكانه هذا لنووم بس بنشدهالك هياااجه لين اتقوولي ردني رعد لي حوشي...

داليا... وين بنمشوو ...

رعد..تو تعرفي...
وقفت علي جيهة قعدت نشبح منطقه كااامله شجر عنب وزيتون ..وخضراااء ومنضمه بعيدة علي الفووضي ..
تمنيت لو عمري كاامل انقضييه اهني ...
في استراحه جنبنا فيييها مراء ومعاها بنت وراجلها ..كيف واصلين شورهم زيينا ..
اني لفتت انتبااهي وتخيلت اني ورعد ..ومعانا برق وحياتنا منضمه وحلوووة. ....
منسجمه نشبحلهم ... حسيت رعد ايدييه شدني مع كتااافي ...

رقيت وجهي لقيته يضحك ..

رعد... عجبك منضرهم ...

داليا.. ايجي يووم وبرق يبدي يجري ويلعب زي البنووته هذي ... محلاه منضرهم...

رعد.. انتي علاش سوداويه اتجي اياام احلي من الي فاتت باذن الله ..
هيا سيااارة تنتضر ...

داليا ..ركبنا في السييارة وطلع من الاسترااحه ...مشييينا طرييق السااحلي ..وبعدين طريق فرعي ..قعدت نشبح للافتات والحياش... مقهي الربيع العربي ..
درس السيارة ونزل ..خدي منه حاجات واني نتفرج ..الجيهة التاانيه مقااابله فيها حاااجات كبيرة ومغطيه معرفتهااش...
شفت رعد.جااي بتجاااهي وقفتلا سيارة قص الطريق وجي ايهرول ...
اني لي فرحته وحبه في الحياااة معرفتش فرحت طووول ...
ركب في السيااارة ...

رعد..... ااخخخ الجو بدي ايسقع من الاخيييير شهر تسعه ديما جوه اقنين ..

داليا... رعد هذوكه الي قداامنه شن هما نشبحلهم ..

رعد... وييينهم ..

داليا... غير قدم شوي تو ايبانو ...ايوااه همااه ..

رعد... هههههههه متعرفيهمش هذوما ..ايقلوولهم صوباات ...يغرسو فيهم طماطم سلاطه خيااار تقعد دائمه الخضرة وسيله تدفئه تكبر فيها الخضرة...

هذا جوها جداايم منطقه زرااعيه وفي قدام شوي مصنع الالباان ..وبقر اشبحي البقر هذو ..

داليا.. الله محلاااااهم ..في طرابلس مافيش ...

رعد.. حتي في طرابلس فييه وفي الجبل اكثر والشرق اجمل غير احني سااكنيين في منطقه بعيدة شوي...

داليا... مااشي لي الشرق والجبل انته ..

رعد... زمان في الالفيينات ماشي لي الشرق قاعد فيها شهرين تعرفت علي انور صااحبي ..ناااس قمه في الدوووق ...
متقدرش تمشي لشرق وميضيفووكش ..شديناها من حوش لي حوش ...

داليا.. الله سفهتننني بااهي الجبل تعرفه...

رعد.... اوووووو الجبل الاشم ..زايرة مرتين مااشي في عرس خييري ...امالي مرته في الجبل ....
شي عجيييب ...
منطقه صحراويه وجبااال وخضرة وناااس من اهل قبل طيبه ونخوة عندهم عجييبه
تعرفي مرة كل حووش نمشوولا ضروري باااطحين كبش ودابحيينا .ويحلفولك متطلعش من غير غدي ولا عشي ...
اني ليبيا ماشي لي جميع مدنها جمااعتي كلهم عازمني ...
مصراته الزنتان ترهونه البيضاء وبنغازي. .والزاويه
ان شالله...توة لما اتجيبي برق بخير وسلاامه ...
نمشوولهم كلههم ...