الرجل الاربعيني باللهجة الليبية

البارت الرابع والاربعين

... معرفتش هذا شن ايديير بيييه ... ولحيووط حدييد ...مش شاامنت ... متعووب اعلييه المكان

وطحتت يااارعد ..بنقببح بييك وواني مودة  ...
قعدت مدة اندوور فييه  ...وطلعت ...
وصلت في الفم نسمع في اروي اتكلم ...

خليتها لييين بعدت ..
وطلعت ... ورديته في مكاانه لاكن مش تغبرت تراااب ...ورطووبه  ....

وقفت انفض في دبشي ...
لقيت اروي تشبحلي ...

اروي...وين كنتي اتقوول طالعه من قبر ...

مودة... طلعت قعمزت شوي البراء وخشييت ..لقيت روحي تراب كلني.. نفضته ... اي استفساار...

اروي... سلاااامتك مافيش اي كلام معااك انتي ...

رعد طلع ...

مودة... توة فاات عليا زي البارود طاالع. ..

اروي ..وين مراام نمشي انشوووف ..داليا ..تعاالي شوفيها واعتدري منها عييب البنت ورطتها وقعدت حااصله....

مودة... مشااله وانتي من قااالك ...ومن وين سمعتي ..توة ديروني دايرة علاقه وانهدرز معااه ..هيا مكاالمه وحدة ورسالتيين ...درتو منهم راس مال  تورة وضرب ومشاااكل ...

اروى... والله انتي عااارفه من وين سمعت ..ومكالمه وحدة ورساالتيين .. متنسيش انه مش تليفووونك ...وزي ميقول المثل غلطة الشااطر بالف ...

مودة... نمشي للحمام ارحملي...
خشيت نفضت حواايجي ورااسي زي الطبل ..من التفكيير لو بنقووول لي رعد ولا نوري شن صااار فييه ... ولا دااليا ..اووف ...
كيف بنطلع سمعت صوووت اروى ..اتعييط

خييرك اروي شن فييه تعيطي ..

اروي.. مراااام مهنااش وين مشت سااعه انضبح اعليها ملقيتهاش ...

مودة... شن هيا الي مهناااش ... توه كانت جنبي توة توة ...
قتلي عطيني شنطه صغييرة وخشت لداار..

مشيت بتجاه الدار فتحتها لقيتها مهناش ...
كيف مشت ..حتي نص ساااعه مخدتهاش ...

مشيت نجري ..لفلوسي مهناااش ...
عيطت بصوووت عااالي . .

الحيواااااااانه خنبت فلووووسي ...وساااعتي الي هاديهالي بوووي ...

التااافها... الحقيييييييرة نفتح في الشنطة ونبي نتأكد

اروييي كلللمي رعد بسرعه ايلحق فيييها ...

اروي... خلاص معش عرفت شن اندييير كلمت رعد الساعه خمسه العشيه  قالي شوي وجاااي ..
وين بتمشي بس طلعت للاسطبل دورت ..وراي الحوووش... تمشيت فتحت الباب الرئيسي ...

اخر شي قلت ممكن مشت  لداليا في الملحق.. مشيت نجري  ...

وجهان وراااي تبكي واني كل همي انه مرااام وعملتها تهرب هذا الي نااقص ...