اخخ مااصدك واخير تحقق حلمي
يارب يكمل ع اخير وتصيرين زوجتي كدام كل العالم
وانام بحضنج للصبح
احبج خوخه احبج والله
ياحب الطفوله والمراهقه والشباب
والشيب احبج واليحب على العشك مايكدر
احبج والحيب بلوه
ههههه شنو هذا شعر
ماادري والله جنه شعر طلع من لساني
تدرين مافرحان هيج من سنين
لج والله منايم من البارحه اتكلب واتخيلج يمي
تفتهمين يعني شنو
صدك بنتك خوخه شلونها
غيري الموضوع غيري
وين اطيرين الكفج الكفج
يله مالك اروح اخذ علاجي مع سلامه
اوكي مع سلامة
سديته واتبسم ع كلامة
شردت منه مااكدر عليه
فرحانه كلش اخاف من الفرح
اخاف ميوكعلي
اه اتمنى اكوله اني هم احبك
اني هم اريد احضنك واحس بالامان من انام بحضنك
اكيد انت راحتي وسندي بالدنيا
ضيعتك مره بعد مااضيعك لو اعرف اخسر كولشي ع مودك
نسرين هي الي اخذتك مني
هي الي اجت علي مو اني اجيت عليها
اي اي كافي اشعر بالذنب اتجاها
هي اخذته مني
انت الي انت حقي حك سنين عمري وطفولتي واني احلم بيك
مراح افرط بحقي ابد
..................
بعد مرور شهر ونص
بدت صحتي ترجعلي الحمد لله كمت امشي وكعد واكوم عادي
كل وجع راح مني
حتى الدكتور تعجب كل طبتي بسرعه
لان التزمتي بالعلاج
وحركه ماكو
هنا بدت المدارس تبدي
حسون هاي اول سنه اله
ونرجس رابع
ومريم ثالث
بديت اجهز الهم ملابس مدرسه
ام زينب خوش مره طلعت امينه وفقيره
وشاطره بقيتها يمي
تساعدنا وراده الوحشه علي
احجيلها وسولف وياها
وانطيها فوك راتبها مني فلوس
خطيه تتعب
فديوم كاعده اسولف وي مالك
واندك الباب حيييل
سديته وطفرت
ركضت ام زينب فتحته
دخل سيف
يصيح عمه عمه
ها عمه خير شبيك شصاير
عمه ابويي
شبيه يمةةة
ابوي اخذوه الحرس وطني
ضربت ع صدري ليش
ماادري عمه
صعدوه بالهمر وشدو عيونه واديه
ياااا ولك ليش شسوه
ماادري
فدوه دكول امي خلي تخابر جدو ابو عثمان
ياااا ام زينب اطيني عباتي
اخذت عباتي لبستها
كتلها لحد يطلع عوفي الجهال يمج
تعال سيف
سيف هنا صف ثاني متوسط
ركضت بالدربونه
اشوف لمة ناس ابابهم
وهدى واكفه
ولجج شكو ليش اخذوا حازم
كالت ماادري عفيه خابري خالج خلي يشوف شكو
يعني انت متعرفين ليش اخذوه
لا
هو اخوج يحجي
بس هو هالايام متعصب وقلق ومااعرف شبي
زين منو ذول الي اخذوه
فرقة..........
يااااا وليش
ماادري بس اسمعهم يكللوله حرامي اله نخيسك بالسجن
ياااا شنو حرامي عايز الهم
لزمت المبايل خابرت ع خالو
حجيتله
كال هسه اجي
دخلت للبيت وكعدت ادك وابجي ع رجلي
اجت حضنتني شهوده عمه عمه
بابا ضربوه واخذوه
حضنتها وابجي
يربي مالي احد بس حازم
وراضيه بشينه وبزينه
ربي لا تضره ورجعه لبيته ولجهاله
الاخيير
Start from the beginning
