مر يومين وماكو خبر عن ريهام والجهال عذبوني
واخذوا كل وقتي منا امي مريضه والبيت صار كله علي
كمت مااحك راسي اركض منا واجي منا
حازم يوميه يجينه
كال اخلاص قدمي استقاله
وادزلج راتب شهري اضعاف
تره ريهام سافرت
البارحه رحت سئلت عليهم كالو سافروا
صدك
اي والله وبعد ماباليد حيله
امي متكدر اتداريهم وحدها
بعد لازم انت تكابليهم
ادري بيه دا اظلمج وياهم
بس ذول جهال اخونه مستحيل نعوفهم
احد يربيهم
لا هاي هيه اني اصلا مقرره اترك
ماعندي وقت ادووم
بس والله مع الاسف ع ريهام
شلون اطاها كلبها تعوف جهالها
اووف والله قهرتني
بجيت ع البنات وحسون
شلون راح يعيشون بله ام واب
يارب قدرني اكدر اعوضهم عن امهم وابوهم
راح حازم
وسالفت ريهام متروح من بالي
عود صدك راحت وعافت جهالها
اخخخخ اويلي عليكم عمه
زين هسه شلون اكولها لامي
واني صار يومين أاملها ترجع
ياربي قوينه ع مابليتنا
خابرت مالك كتلك سافرت ريهام
وراح اقدم استقالتي
صدك تحجين
اي والله مالك لعد اشون مااعوف جهال ازهر ابد منو العم
هذا قدري من الدنيا
اكول سبحان الله جان اله بيها اراده
من خلاني بله زواج
يمكن ع مود الايتام ذول
لو اني مزوجه
وين يرحون
يضلون تحت رحمة هدى
هي جهالها مترحمهم
ترحم جهال ازهر
الف الحمد لله بقيت
دا احجي وسمعت صوت نسرين تصيح وتغلط
بسرعه سديته اهووو اني ناقصتج
شويه دك مالك
مالك عفيه مااريد مشاكل فدوه
اذا مخابرتنه تسببلك مشاكل لا تخابر بعد
جان تحجي نسرين
لج ك..... س.... كفي من زوجي بطلي بايره
لازكه نفسج لزوجي متستحين
جوزي لو اجي افضحج فضيحه
سديته مجاوبتها وقفلت الجهاز
وكعدت ابجي
شلون نزلت مستواي لهاي وهيج تغلط علي
يربي وين انطي وجهي
تعرف انت بنيتي والله مو قصدي شي
بس من احجي وياه ارتاح
احسه قريب علي ويفهمني
بجيت والله ع حضي
وعذرت مرته بس كرهت اسلوبها والفاظها
اليوم كله جهازي مغلق
البنات كامن يتنحسن
كلت لامي نروح لبيت خالي ناخذهم ونروح
امي مطالعه ابد من البيت من موتت ازهر
كالت اي نروح بس خلي يترفهن البنات
هنه يحبن يلعبن وي ولد عثمان الله يرحمه
بدلت الهم وامي تحضرت اجرنه تكسي ورحنا للاعظميه لبيت خالي
البنات انطلقن يلعبن هناك
همزين لكينة ولد عثمان هنا
البنات يحبن يلعبن وياهم
امل خطيه كيفت بيه
ايي همزين اجيتي شوي نفهي عن نفسج يمعوده
شنو الاخبار صدك امهم عافتهم
اي والله اموله
واحس تركت مسؤوليه جبيره ع عاتقي
بنظرج اني اكدر اربي ٣ اطفال وحدي
والله شايله هم الهم والقران
من راحت لهسه عقلي مشلول احس
موتت ازهر بجهه وسفرتها بجهه
اووي خطيه الله يساعدج
زين ودوامج شلون
قررت اقدم استقاله
واتفرغ الهم لعد شسوي
اي الله الج اجر بيهم
سكتت
كالت شبيج
اموله اني مااظم عليج تعالي احجيلج
اني اتصل بمالك من اضوج واحجي وياه
واليوم نسرين سمعت مكالمتنا
وخابرتني تغلط وتفشر
شكد كرهت نفسي وخجلت من خالتي اكيد هسه تسمع
كالت شنو نوع العلاقه بينكم
الله شاهد اصدقاء صح هو يحاول يجرني
بس اجنب اني
اعرف غلطانة بس مدري شلون انجريت اله احس نفسي محتاجه لشخص مثل مالك بعد موتت ازهر
بعدج تحبي
اكذب عليج لو اكلج لا
بس اني مسيطره ع مشاعري وخافيتهن
والله شكلج اخلاص
بالنسبه لنسرين كلش صايره صلفه
خصوصا هسه بعد ماحبلت
ونهار كله مشاكل وي امي ومالك
وهو يكول تعبت منها
وامي دكله بينكم اطفال
اني مااريد اخرب حياة احد الله شاهد اموله
تعرفيني انتي
اكيد اخلاص معليج منها لا تلومين نفسج
هي الي وافقت عليه وتعرف كلش زين
هو يحبج
كم مره سمعته يكلها احبها تكوله انسيك اياها عادي
اووف كافي اموله كلبي يوجعني من اسمع هيج كلام
دخل محمد كال ليش@منطلع ناخذ الجهال لبو حنيفة نزورهم
وهناك اكو متنزه بيه العاب نلعبهم
اي والله ياريت حمودي
كال يله اتحظروا
خليت حسون يم امي
واخذنا الجهال اني وامل ومحمد
زرنا وصلينا
اشترالهم العاب وحلويات
واخذناهم للالعاب جان متنزه جديد بي مجيحات وزحليكات
كيفن البنات ويلعبن
كلش فرحت ع فرحهن
يضحكن واضحك وياهن
من يومها البنات وحسون صارو كل حياتي من الدنيا
عفت كولشي وتفرغت الهم ولتربيتهم
وللحكايه بقيه ام مصطفى
