عساني ميته وخلصانه منكم ابوي مات
وضليتوا تتحكمون بيه انتي وولدج
لج بنتي شبيج اني شبيدي
شنو شبيدج غير امي انتي
احجي واصيح نزل ازهر
هيييي ليش تصبحين ع امي
عفته وركضت لغرفتي
كمت اعضعض باديه املخ بروحي
ليش هيج يصير جنت مدلله بجال ابوي
وهسه انذليت
وينك بويه كوم شوف حالي
يردون يزوجوني كوه
شبعت بجي وقهر ما نزلت لثاني يوم
امي موهنا بالسوك
وازهر بالدوام
بس ريهام بالبيت
شافتني مورمة عيوني
كالت اسويلج ريوك انت
ماتعشيتي
لا اني اسوي
والله اخلاص من اشوفج يتكطع كلبي عليج
اتمنى اسويلج شي
بس ازهر شفتي شلون ذاك اليوم سكتني
ادري حبيبتي مقصرتي
كالت الله يهدي النفوس
دك التليفون جاوبت ريهام
هلو
ها اي
اندارت علي اخلاص مالك يريد يحجي وياج
عززه انصدمت شلون هيج يجرء
ميخاف امي هنا الولد
باوعتلي ريهام
اني صاعده اخذي راحتج بالحجي
جاوبت الو
الو اخلاص شلونج
جان صوته يرجف
الحمد الله خير مالك صاير شي
اي صاير
صارلي اربع ايام منايم
معقوله ولد خالتي يرفضوني
زين ليش
وانت ليش ساكته الهم
مالك فدوه
سد الموضوع وانسى
شنسى اخلاص
انساني وانسى موضوع الزواج
صدك تحجين هو لعب شنو
هذا حب وقلب يدك
اني صار ايام منايم
لج كلبي يوجعني عليج
حتى بجي بجيت اكول ليش رفضوني
شنو نقصي
تره اني مو فقير ابن خير ذولاك عمامي يسدون عين الشمس بديالى
بس امي عافتهم واجت
واذا خالي الحجي جان مسوينه راتب شهري ومكعدنا ابيته
لان جان معتبر امي مثل اخته مو غير شي ليش هسه عمتج مو زوجها معوق وابوج مسويلها راتب
قاطعت كلامة فهمت شيقصد
مالك مالك
اعرف والله كلشي اعرف
مدامج تعرفين ليش قابله الهم دافعي عن حبنا وانطي رأيج
مالك مااكدر كلها ضدي وامي تكلي ماادخل
واحسهم شكو عندي شي وياك
عادي خلي يعرفون حبنا طاهر وشريف
شنو ممسوين غلط احنه
انت هيج دكول بس همه عدهم غلط هالشي
اكلج اني محترك كلبي وانتي تحجين ابرود شنو عاجبج هالوضع
اييي كلش
والاحلى حازم يريد يزوجني لاخو هدى
فكلش متونسى حاليا
شنو شنوو عيدي شكلتي
مثل مسمعت
وانت شنو رأيج
رفضت اكيد
مالك تعبانه اني وصلت مرحلة اتمنى الموت مااعرف ليش هيج ديصير وياي
اخواني ليش انكلبوا ضدي
تعبت تعبت مااعرف شسوي
كافي لا تبجين تره دا اموت
اني راح اصرف
شسوي
راح اروح لحازم واحجي وياه
لا لتروح ماكو فايده
شنو ماكو فايده
شترديني ابقى ساكت واتفرج لحد متزوجين غيري
يله مع سلامة
اي شي يصير ضلي رافضة هذا
لا تخذليني اخلاص
اني راح اسوي المستحيل ع مودج
ان شاء الله
مع سلامة سده
حسيت ارتاحيت واكو امل
فعلا اني لازم هم اوكف وياها لازم اسوي شي
اه ردت روحي من سمعت صوته وشلون يحجي بحركة
يارب عديها ع خير
نزلت ريهام
كتلها شكرا
ع شنو يمعوده كولنه مارين بهاي الفتره
تره بس الماعندة قلب ميحب ويعيش تجربة الحب
اني هم مريت بهيج ضروف
ابن عمي رادني واني احب ازهر
وصارت مشاكل بس اني وكفت وكتلهم مااريده لو اموت مااخذه
وصارت مشاكل وي بيت عمي خصوصا مرت رحيم اتصير بنت عمي
وراحت لهلها زعلانه واخوي
شد وياي فد شده
بس اني فهمته انو هاي حياتي
واتي الي اختار واني الي راح اعيشها
بعدين تفهموا للوضع
وتقدملي ازهر وكتلهم اريده وصارت القسمه
انت اذا تحبين ضلي مصره ولا توافقين ع زوجج من غيره
ريهام يجوز اهلج بيهم مجال
اني خواني قافلين
لج والله ازهر عوفيه علي
بس حازم عليج
هو حازم المشكله كلها
إجت امي
ريهام لا تكولون خابر مالك
لا شبيج شنو القصة سرج ابير
دخلت للمطبخ اتريك
وامي فاتت
ها صباح الخير بنيتي
صباح النور كلت وماالتفتت عليها
اخذت صينية ريوكي وصعدت فوك
اكل وافكر شنو ممكن اسوي وشنو بيدي
مااكدر اسوي شي غير ارفض هذا جبار
الي طلع لي صفح
لا وجماله كوه قابل بيه عشتو
اخ لو بيدي اكض هدى املخها تملخ
اعرف هي تخطط تريد تسيطر ع كولشي هي واهلها
.........
العصر اجه حازم يصيح نزلت اركض
جان يكول لامي من باجر خالتي تفرغ البيت لا والله اشمر غراضها بالشارع
اميلك صاير زلمة علي
ويكلي احبها وغصب اخذها
ومتزوج غيره
والله اقتلها اقتله المهتلف هذا
اعرفه ليش كاتل روحه مو لسواد عيونها
بس طمع هذا
امي حجت عيب يمة شنو هالحجي خالتك وين تروح
مشكلتها والله
مو صارلها سنين اهنا
لعد متحترم نفسها هي وابنها لو هم نزل ويدبج
اسكت عيب عليك تسوي هيج وي خالتك
بعدين مااعرف انت ليش رافض مالك
تره ماكو سبب مقنع
واني ساكته مااريد مشاكل
هااا لازم بتج حشتج عليه
وينها هي هاي اخلاص
نزلت شكو شتريد
لج طايحت حض احجي عدل
شعدج وي هذا مالك
شعندي ابن خالتي وأحبه واريد ازوجه
جان يفرني براشدي طير اني
ولزمتني من شعري
وضرب حصرني ع الحايط
ملخني تملخ
امي تفرغ بيه اتجر ولك عوفها
الله لا يوفقك
عوفيني خلي اريح كلبي بيها
مثل مااليوم سحلت مالك سحول ودميته
ادميها
من كال هيج تبنجت احس يضرب مااحس بالضرب
ضاربه
سوده عليه
كمت ابجي عليه
وامي تجر وهو يدفع بامي
وريهام وازهر كلها تفرغ وهو مجلب بشعري
ازهر دفعه حيل عوفها
كافي
خلي تزوج مالك مدام هي تريده
والله لو تموت
اله بحاله وحده
تتنازلين عن كل الورث
ونتبره منج ومالج طبه بعد لهذا البيت
كتله انت ماهامك غير الفلوس
امداهن اخذهم مهنه بيهن
امي تصيح وازهر يحجي وحازم يتوعد
اندك الباب
سكتوا كلهم
فتح الباب ازهر
كال تفضل
وللحكاية بقية ام مصطفى
