بقيت مااعرف شسوي
بس كلبي وجعني وخايفه
يارب عديها ع خير
ماكو ساعة ودخل حازم علينه
وجهه ميكصة السيف مثل ميكولون
سلم ع امي وكعد
اني بقيت بالمطبخ
وهمه بالصاله كبالي
اشوفهم واسمعهم
كلها يوم شنو هاي السالفة الي سمعته
شكوو
ع اسأس خالتي خاطبه اخلاص لمالك
اي يمة صح
هااا وانت شنو رايج
والله وليدي اشوفه خوش ولد وماناقصة شي والنعرفة احسن من الي منعرفة
هااا هيج يعني
واخلاص خانم شنو رأيها
موافقة عليه
كام وكف
ليش شعدها وياه وتوافق بهالسرعة
استغفر ربك وليدي شهدها قابل
صاح
صخمان اخلاص تعاي
كمت ارجف
ها
تعالي قد سؤال بله زحمه ليش رفضتي عثمان وقبلتي بمالك الفكر
سكتت
احجي
شحجي ماعندي جواب محدد
يعني عادي
لا مو عادي
من ترفضين عثمان الي نسبه يرفع الراس
وعدهم املاك وعقارات
وتقبلين بواحد حافي احنه نتصدق عليه وع اهله
وليهسه اني مموقف شهرية خالتي
اكول صدقة جارية لابوي
امي حجت مو من حقك توقفها
وبعدين شبيكم سويتوها سالفة شكبرها
المره خطبت
مسوت جريمه
الجريمه بتج سواها من تقبل بهذا وترفض ذاك
حجيت اني
كتله بكيفي تره حياتي واني حره بيها
خزرني لج الصمي
حياتها هي
يمة دزي خبر كوليلهم مموافقين
اي ليش
لان حافي وماعنده شي
واكيد طمعان بورث اخلاص
عفتهم دخلت لغرفة امي
امي حاجته ميصير هيج
البنيه جايه قسمتها ليش توكفون بقسمتها
هاي هم قسمه
شنو النسب الجايف هذا
استغفر الله شبيك احجي عدل
يمة من الاخير مااوافق وماتزوج مالك ع جنازتي
ابوي مات من حركة كلبه ع عثمان
مات بيوم الخطبة اعرف انقهر
من وراها ومات
جان رايد الها مكان الزين
استغفر الله هذا حجي جديد
لا مو جديد من زمان بكلبي
واجه وكته احجي
وهسه وبعد اكلج ماكو زواج لهاي
إله تجيها قسمه زينه
ورجال عنده خير مو طمعان بورثها
واني رايح دزي خبر ماكو نصيب
وخلي يسدون الموضوع لا يفتحوه ابد
مو همه يدورون النسيب الزين واحنه ندور حفاي
شوفي اميله اخذت محمد
من طاح حضج يا اخلاص
شوفيها صاحبتج شلون تفكر
عافنه وطلع
اجيت يم امي
هو شعليه بيها
اني بكيفي
شلون شعليه غير اخوج الجبير
يعني شنو
يعني ادز خبر ماكو نصيب وخلص
اني مالي خلك مشاكل وي اخوانج
اثنينهم رافضين
همه يعرفون مصلحتج أكثر مني ومنج
لاهمه ماميتين علي اهم شي الورث ليش همه مو كل واحد ازوج الي يريدها
خلي يعوفوني اختار بكيفي
شنو قصدج عدج شي وي مالك
لا
لعد إذا ماعندج شي
عادي الله يعوضج بقسمة احسن
معرفت شحجي بس نار بضلوعي
تمشي شسوي يربي
صاحت اطيني التليفون
شسوين بيه
اخابر خالتج وانهي الموضوع
ليش ماما
مااريد مشاكل
انتي مو جنتي مكيفة بي شغيرج
اخوانج رافضين
شلون اعوفهم وراي اهم شي همه عندي
واني
انت شبيج بنتي شجاج احجي بينج وبينه شي صاير لا تخوفيني اخلاص
تره كنت اشك
يمة شبيج شصاير قابل
لعد جيبي التليفون
جبته الها واني افور
اخاف احجي بعد وتشك لو تفسر غير شي
دكت الرقم
الو
هله خاله مالك شلونك شخبارك
امك وين
انطيني اياها
هله ام مالك شلونج حبيبة
اني بخير
بس ام مالك الشغله الي طلبتيها مني متصير
قسمت مالك مو يمنا
والله البنيه رافضه واخوانها هم
اعذريني خيه يله مع سلامة
سدته واني صفنت
ليش كتيلها اني رافضه
احسن بنتي حتى ميفتحون بعد الموضوع
نترت بعصبيه وصعدت
شبعت بجي ومانزلت حتى متغديت
دكت الباب رهام كتلها مااريد
لليل هم
صعدت امي انزلي
كتلها مااريد وغطيت راسي اريد انام عوفوني
نزلت بعد ماملت مني
لهناك
واسمع صياح ازهر
طلعت وكفت ع المحجر
يكلها لامي
شعدها وياه ليش هيج متأثره لان رفضناه
تره كمت اشك ابتج
وهي قبل يومين بايته عدهم
اسكت لك احترم نفسك ع شنو تلمح
يوم تره مبينه الشغله
والله لكوله الحازم يكطعها تكطع
امي تعيط عليه
استقويتوا علينا انت وحويزم
شنو عبالكم اخاف منكم
يوم شغلت بنتج مو خاليه حابسه نفسها لا اكل ولا شرب
شنو تفسيرها
جان استحت ع الاقل بس هاي صلفة
نزلت الدرج
كتله شبيك ازهر
اسكتي لج شكد نزلتي من عيني
ليش شسويت
ع الزواج بطلت بعد ماازوج
مو بس مالك اي واحد ماازوج
ابقى يم امي شعندي قابل
وكافي سدوا الموضوع
واحنه ع اساس كلش هسه زوجناج
مخابيل احنه ننطيه نص الورث لميلك
اي هو هذا انتم الهامكم الورث
متنازله منه اخذوه الكم كله
كمت اصرخ واصيح
تعبت نفسيتي
شبيهم هيج وياي شسويت اني
مطلبت شي منهم
عادي حالي كل البنات حبيت واريد ازوج
مر يومين هدوء ماكو شي
اني بغرفتي انزل واصعد
دك التليفون جاوبت ريهام
كالت امل تريدج
اوف اعرف شتريد
اخذت منها السماعه
الو هلو اموله حبيبتي شلونج
هلو خلوصة شلونج شو اختفيتي فجأ
اي بعد ازوجتي انتي وشهر عسل مااريد
ازعجكم
لا حبيبتي لا دكولين هيج
انت اختي والله
حياتي شعور متبادل
المهم اخلاص
خابرني مالك وطافره الدنيا من عينه
صدك انت رافضته
انتي شدكولين اني صح ارفض مالك
لا مستحيل
لعد مثل مكتلي مستحيل ارفضة
لان تعرفين شنو مشاعري
زين ليش خالتي هيج كالت
لان حازم وازهر رافضين رفض قطعي
وصارت مشاكل
يااا صدك ولا مصدكة
زين ليش يرفضوه
لان مو من مستوانا يكولون
صدك تحجين شنو مو من مستواكم
ليش احنه مو اهل واقارب احنه غربة
مااعرف بجيت
لا تبجين اخلاص
والله صدمتيني ممتوقعة هيج شي
زين انت شنو سويتي
حجيتلها كلشي الصار
وع ازهر شكال
تخبلت عزه هيج واصله
اييي
وكولي لمالك خلي ينساني مااريد مشاكل لامي فدوه امي مريضه
ومااريد يصيرلها شي بسببي
لان حجايت حازم ادك باذني
ابوي مات قهر لان رفضتي عثمان
وللحكاية بقية ام مصطفى
