#ضلموني
البارت السادس
بقلمي ام مصطفى
اخلاص
من كالتلي امي ع مالك طرت فرح واستحيت منها عفتها وطلعت صاحت وراي
عياره كولي اريده
_اييي ماما
وطرت لغرفتي فوك حتى منزلت بعد
فرحانه كلش واتخيل نفسي عروس ولازمني مالك
مثل ما اليوم امل ومحمد فرحانين
هيج تفرح
كمت احلم احلام اليقظه
واضحك ع كل صوره ارسمها باحلامي
واذكرت من جرني جوه الدرج
وضربت
شلون وجها ينطي الوان
ابتسمت للموقف
اه ان شاء الله قريب اصير يمك
بقيت فوك منزلت تمت بغرفتي
اول مره اعوف امي جوه وحدها من يوم مات ابوي
مكدرت انزل من الخجل حسيت غرفت
اني رأيته
لثاني يوم نزلت جوه
ريهام لكيتها نازله قبلي وبيدها نرجوسة تلاعبها
وماما تحضر بالريوك النه
صباح الخير كلت
التفتلي امي بايتسامة صباح النور والسرور حبيبتي
البارحة استوحشت الغرفة مكانج خالي
دنكت خجل
اغسلي وجهج حبيبتي وتعالي تريكي
اي اي ان شاء الله
رحت بيت نرجوسة
فديتج يا وجه الخير كله
رهام كالت يا الله شكو
ابتسمت بعدين تعرفين
رحت المغسلة اغسل بوجهي
ورجعت ازهر مبدل وانزل
امي مخليه الاكل
كعدتها ناكل نرجوسه بحضني وابوس بيها
ماما كالت
البارحه خالتك خطبت اخلاص لمالك
جان ازهر مدنك ياكل
من سمع هيج
عاف اللكمه البيده ويباوع لامي رافع تك حاجبة متعجب
شنو
مثل مسمعت خالتك خطبت اخلاص لمالك
اي وانت شكتيلها
كتلها اسئل البنيه واردلج خبر
ايي
اي سئلت اختك ماعدها مانع
باوعلي باستغراب
انتي موافقة عليه
سكتت محجيت
يعني شنو موافقة
ترفضين عثمان وتوافقين ع مالك المهتلف
عندج عقل انتي
امي حجت ليش شبي مهتلف ابني
اشو مخلص اداره واقتصاد
ومتوضف واشتره سياره
وعدهم بيت
يوم وين كاعد
ابيتنه احنه صار سنين نتصدق عليهم
ابوي جان معيشهم
وشنو يعني
يعني فكر مو من مستوانه
استغر ربك شنو مو من مستواك
كلنه من طينة وحده
ماربيناكم هيج
ماما
اخلاص متاخذ مالك اني رافض عن نفسي
كام وكف هسه اروح لحازم واشوف شنو راييه
اكيد مثل تفكيرك وأكثر
هاي انت عود الزين ابو كلب الطيب هيج حجيت وهيج ردت فعلك
لعد ذاك شرائح يكول
كامت هاي مابيها طيبت قلب ولا مجاملات
هذا زواج ونسب
نريد نسيب نتباهه بيه مو واحد احنه نتصدق عليه
ليش شبيها اخلاص ناقصها شي وتزوج مالك
حجت ريهام
اكلك ازهر تره هاي حياتها وهي تقرر والفلوس مو قياس السعاده
والنسب الزين
النسيب الزين باخلاقة ترفع راسك بيه
ومالك تره ابين خوش ولد
واختك موافقة عليه
عاط بيها
انتي منو طلب رائيج
منو صخم وجهج وكلج احجي
لا تدخلين بالي ميخصج
خطيه فشلت وكامت للمطبخ
امي لزمت السبحة وضلت تسبح
بغضب
حجه مجاوبته عافنه وطلع
انقبض كلبي ولا متوقعة هيج
كمت ابجي خليت نرجوسة بالكاع ودخلت لغرفة ماما بجيت
صارت كبالي صورة بابا
باوعتله ياريتك موجود بأبا
