كتله وشسميتوها سميناها نرجس ع اسم امي
تمنيت ولد واسميه حسن ع اسم ابوي
من كال هيج اتذكرت بابا وانقهرت
كتله الله يرحمه
كال يله راح نطلع بس ماما كالت خابرها ضل بالها هسه
اي عاشت ايدك
يله باي
سديته هم دك
امل الوو
الو ها شكو
لج صدك زعلتي غير اشاقة وياج
لا روحي لحمودي
شبيج صدك تحجين
ههههههه لا طبعا اشاقة
اكولج جابت رهام بنوته تخبل تشبه ماما
صدوك اي
يله خلي ابشر امي
روحي وسلميلي عليها
اوكي باي
سديته
وكمت ارتب بالبيت
سويتلي لفة من الثلاجة خياره بصمونه وفكاهه ملح جعت لان
وره ساعتين دخلت امي وازهر
ركضت وينها
شنو شبيج
لعد وين رهام
راحت لاهلها اخذتها امها
والطفله وي امها غير
ليش ماما اريد اشوفها
ماما خطيه رادت تروح يم اهلها وكتلها روحي
حازم : اني مردت تروح اريدها يمنا
وليدي هي هاي بصفنه
شبيك خطيه خليها يم اهلها يداروها وترتاح عوفها
وتلحك عليهم
خلي اتوضه واصلي فاتتني صلاة العشة
راحت امي
ازهر كال جوعان
سويلي اكل
اي تدلل
سويتله نواشف
امي خلصت
كعدت تاكل وياه
وتسولف ع البنيه دكول تخبل مدبدبه تشبهج
ها ازهر دكول تشبه امي
يعني بعد لا تقلد علي
هم عندك دبه
ضربني بعود الريحان مالت الخضره
ولي لج ترحيلها فدوه
وره اسبوعين اجت ريهام
واني كيفت بالطفله
اموت ع الاطفال هاي بنتي تره
اي بنتج
واحنه منو
شبيك ازهر اطينيها الي
اي هاي هيه
فدوه جنها لعابة
ريهام كالت اخذيها موتتني الليل ماانامة من وراها اخذيها الج بالليل والي بالنهار
صدك ميخالف قابله
ههههه صدكتي ..........
.
بدت تنفش نرجوسة واني صار شغلي الشاعل افتر بيها ليل نهار شايلتها
حتى شهوده من تجي هملتها
حبيت هالطفله مدري ليش تعلقت بيها
بعد مرور اربع اشهر دارت السنه مالت بابا
وامل نخطبت لمحمد مكدرت اروح بوكتها لان حزنانين ع بابه
من عاداتنا مانحضر اعراس وافراح قبل دورة السنه
امل بوكتها انقهرت
كالت تمنيتج وياي
كتلها ان شاء الله ع الحنه والعرس اعوضج ابات يمج
وصدك حددوا الحنه العرس
امي ذبت مني الاسود كالت كافي بعد
بنتي الاسود مو قياس الحزن
تره الحزن بالكلب
رحت لحنة امل ورحت وياها للصالون
جانت كلش فرحانه ومكيفة
ومحمد اكثر فرحان
طلعت تخبل بالحنه بدله حمره لابسة
وهي بيضه ضاويه جانت عليها
البنات شغلوا مسجل وركص طاحوا
حاولوا يجروني بس رفضت
بقيت حنه وعرس يمها
مالك بقى كل شويه يسولف وياي
احلى يومين بحياتي عشتهن يمة
احتار شيسوي الي
سوالف ودلال وكل شويه جايب علاكة حلويات
بقينا اني وياه وامل سهرانين للصبح
دك سوالف وضحك
لثاني يوم العرس هم رحت وياها للصالون
ورجعت صاحلي مالك جوه الدرج خاتل تعاي
شكو
بس احجي وياج
شنو
شبيج خايفة شسوي قابل
بس مااريد أحد يشوفنا نسولف
رحت يمة بخوف
شافني ارجف
شبيج يمعوده
بس ردت اكولج امي حاجت امج اليوم
ع موضوعنا
وكالت راح تاخذ رائيج وانت بعد اتصرفي زين
ابتسمت
صدقة لهاي الابتسامة
هيج وتكمل واجيبج يمي
ان شاء الله
تعاي شويه
شكو
بس بوسة
عززه
جرني
ضربته ركضت مرعوبه
شجاه ليش هيج اجرء
هاي اول مره هيج يكلي
رحت كعدت يم امل
فات هو يباوعلي ويتبسم
دنكت منه
شويه واجت الزفة
وهم رحنا لبيت خالي
تالي رجعت وي امي وازهر وامرته
لبيتنا
امي من رجعنا وصعدوا بيت ازهر
كالت اخلاص يمة اليوم
خالتج خطبتج لابنها مالك
اني كتلها مالك خوش ولد وتربات ادينه
بس اشوف اخلاص شدكول
كتلها بكيفج
يعني شنو
بكيفج يمة
كلتها وطلعت
صاحت عياره كولي اي اريده
بيها الخير بنتي ان شاء الله
وللحكاية بقية ام مصطفى
الخامس
Start from the beginning
