الحلقة الاخيرة
حط فارس ايده على رقبة على لقاه لسه بيتنفس بس يبدو انه اغمى عليه من شدة االالم
فارس:على لسه بيتنفس يعنى مامتش
روفيدة:بجد يا فارس
مروان(حاط ايده هو كمان):ايوة صح لسه بيتنفس
جت االاسعاف اخيرا واخدت على وركبت روفيدة جانبه فى العربية ومروان وفارس فى عربية مروان وراهم
مر الوقت ووصلوا اخيرا المستشفى ودخل عالطول على غرفة العمليات الامر كان ليس على ما يرام دكاترة داخلة وخارجة وروفيدة هتموت من الخوف والقلق عليه مر حوالى خمس سااعات على الوضع ده
روفيدة:كده كتير اوى هما بيعملوا كل ده ايه
طلع الدكتور فى الوقت ده وجريوا عليه بسرعه
مروان:ها يا دكتور طمنا
الدكتور:احنا قدرنا نشيل الرصاصة ولو عدى ال24ساعه على خير هيكون ان شاء الله كويس ادعوا ليه
روفيدة:ياااااارب
عرفت لجين عن طريق التليفزيون وقالت لروان وراحوا ليهم
روان(بعياط وهى واقفة ادام مروان):ايه الى حصل يا مروان
مروان(اخدها فى حضنه وطبطب عليها):بابا مات يا روان وعلى فى العناية المركزة لانه اضرب بالرصاص
روان:هو عامل ايه دلوقتى
مروان:الدكتور بيقول ادعوا ليه
لجين:ومين الى ضرب على بالرصاص
مروان(بعد ما اخرج روان من حضنه وبص ليها):ابوكى
لجين(بدموع):هو فين
مروان:مااااااااااااات
روان:ايه الى بيحصل ده باابا مات وانكل سامى وعلى بين الحيا والموت ومش بعيد هو كمان يموت وكل ده ليه
عندما سمعت روفيدة هذه الكلمة قامت من على الكرسى وراحت لعند روان ومسكتها من ايديها وبصت ليها
روفيدة:اوعى تقولى كده فاهمه على هيعيش ايوة هيعيش
وفضلت تعيط جامد اووووى
راح فارس لعندها وحط ايده على كتفها وفضل يطبطب عليها
فارس:خلاص يا روفيدة على ان شاء الله هيكون كويس
مر اسبوع وعلى على نفس الحال فى غيبوبة وروفيدة لسه برضه عندها امل انه هيكون كويس وهيفوق وكانت كل يوم تدخل ليه وتتكلم معاه وفى يوم دخلت تقعد معاه
روفيدة:على يلا اصحى انت وحشتنا اوى وحشت روان ومروان اووى ووحشتنى اووى يلا قوم الله يخليك احنا منقدرش نعيش غيرك ابدا ايه يا على روفيدة حبيبتك مش وحشتك
على(بصوت هادى):لا وحشتينى اوووى
روفيدة(بدموع الفرح):على انت فوقت
على:اه فوقت علشان اخد روفيدة فى حضنى واكمل معاها حياتى الجايه كلها
روفيدة:وانا نفسى اوى اجى فى حضنك واكمل حياتى معاك
على:بحبك
روفيدة:وانا كمان انا هقوم انادى على دكتور
على:وهتسبينى
روفيدة:مستحيل اسيبك تانى ابدا هاجى عالطول
على:طب بسرعه
روفيدة:حاضر
بعد مرور خمس سنوات
فى المكان الى بيدفنوا فيه الموتى يقف بطلنا وبجواره بطلتنا امام تربة امه وكان يقرا لها الفاتحه وايضا بطلتنا
روفيدة:تعيش وتفتكر يا حبيبى
على(وهو يلتقط يد روفيدة ليقبلها):متشكر يا حبيبتى اسف تعبتك من الوقفة
روفيدة:لا متقلقش ابنك تعبنى سواء واقفة او قاعدة من كتر الضرب الى بيضربه فى بطنى
على:الواد ده شكله هيطلع شقى
روفيدة:لا ارجوك كفاية اخته هيطلع هو كمان
على:لا فى دى عندك حق
روفيدة:طب يلا نمشى بقى اصل بصراحة تعبت وكمان هتلاقى روان جننت عمتها وستها
على:مش هنروح نقرا الفاتحه لباباكى
روفيدة:نبقى نيجى مرة تانية اصل تعبت بجد
على:الف سلامة عليكى يا عمرى
روفيدة:الله يسلمك يا حبيبى
ثم مشيوا وركبوا العربية وتوجهوا الى فيلا فارس خبطوا وفتحت ليهم الشغالة لقوا روان بتجرى لعندهم اول ما شافتهم اخدها ابوها فى حضنه ورفعها
روان:بابى وحستنى
على:وانتى وحشتينى موت يا روح بابى
روفيدة:الله الله ومامى مش وحشتك يا رونى
روان:لا وحستنى كتير بس بابى اكتر
روفيدة:ماشى ماشى
ثم دخلوا لقوا روان وسمية وفارس قاعدين
روان(الكبيرة بقى):اهلا اهلا يا ندلة انتى وجوزك
على(وهو بينزل بنته وقعدها جانبه):ليه بس كده
روان:بقى تروحوا تقراوا الفاتحة لماما ومتقولوش ليه
روفيدة:يا حبيبتى قولنا لجوزك وهو الى قال لا مش هتروح
بصت روان لفارس بصة اخافته
فارس:يا حبيبتى يعنى تكونى فى الشهر التاسع وتروحى مكان زى ده
روان:وفيها ايه يعنى طب ما روفيدة حامل اهيه وراحت
سمية:يا حبيبتى خايف عليكى وكمان روفيدة لسه فى الخامس
فارس:خلاص بقى يا رونى متزعليش لما تقوميلى بالسلامة وعد منى هاخدك ونروح
روان:ماشى
فارس:يعنى خلاص مش زعلانة
روان:تؤتؤتؤ
فارس(وهو بيقرب راسه لوجهها):قمر مراتى يا ناس وهى بتقول تؤتؤتؤ دى وببطنها الى زى البطيخة دى
روان(بعدت راسها عنه):شوفت يا على بيقول عليه ايه
على:معلشى يا حبيبتى انا كمان كنت بقول كده لروفيدة وهى حامل فى روان
روان(الصغيرة):ايه ده هى ماما برضه كانت زى البطيخة كده زى عمتو
روان(الكبيرة):شوفوا البت المفعوصة بتقول ايه
روفيدة:بقولكوا ايه بطلوا رغى بقى انا هموت من الجوع وعايزة اكل
سمية:طب قوموا يلا زمان الاكل جهز
قعدوا ياكلوا وكانت روان قاعده وسط ابوها وامها وكانوا بياكلوها هما الاتنين
روان حست بوجع فى بطنها فضلت تقاوم بس كل شوية الوجع يزيد
روان:ااااااه الحقنى يا فارس مش قاردة
فارس(الى وقع الاكل من ايده):مالك يا حبيتبى
روان:شكلى كده هولد
روفيدة:ايه طب يلا بسرعه نروح المستشفى
سمية:طب تروح المستشفى ليه وعلى كده كده هو الى هيولدها طب ما يولدها هنا وخلاص
على:لا يا ماما لازم تروح المستشفى احسن
فارس(بنرفزة):انتوا لسه هتتناقشوا مش شايفناها بتتوجع ازاى خلصوا
روفيدة:طيب طيب يلا بسرعه
مشيت روان بمساندة فارس وركبت العربية فى الكرسى الخلفى بجوار فارس
اما روفيدة وعلى كانوا ادام وسمية ظلت فى البيت علشان تاخد بالها من روان الصغيرة
مر الوقت ووصلوا للمستشفى
روان(وهى على النقالة وماسكه ايد فارس):فارس متسبنيش لوحدى
فارس:انا موجود اهه يا حبيبتى جانبك وعلى هيدخل معاكى
روان دخلوها اوضه الولادة وعلى طبعا هو الى هيولدها مروان ولجين طبعا عرفوا من روفيدة وجاءوا
مروان:ها ايه الاخبار
روفيدة:لسه من وقت ما دخلت منعرفش حاجة
لجين:اكيد على الى بيولدها
روفيدة:اه
كان فارس مش على بعضه رايح جاى
مروان:ايه يا فارس ما تهدى يا بنى شوية مش مستهلة يعنى دى ولادة كلها ساعه بكتير وهتطلع
روفيدة: الى يشوفك وانت بتقول كده مش يشوفك خالص ولجين بتولد على
لجين:ايه ده هو كان بيعمل زى فارس كده
روفيدة:دا فارس كان ارحم منه كمان وشوفى دلوقتى بيعطى مواعظ
لجين:طب وانا بولد (بتول )كان برضه خايف كده
مروان:لا يا حبيبتى كنت خلاص اتعودت فمكنتش خايف والمرة الى جاية مش هخاف برضه
لجين:لا والله بما ان فى مرة جايه بقى كفاية علينا اوى على وبتول
مروان:خليكوا شاهدين يا جماعه علشان لما اروح اتجوز واحدة تانية متزعلش
لجين:هو انت تقدر اصلا
مروان:لا طبعا
سمعوا فى الوقت ده صوت المولود
فارس(بفرحة):ولدت
روفيدة:اه ودا صوت ابنك
طلع على ليهم وجريوا عليه
فارس:ها يا على طمنى
على:اطمن يا ابو صحيح انت هتسميها ايه
روفيدة:هى جابت بنوتة
على:ايوة بس بنوتة قمر زى مامتها كده
فارس:المهم روان عاملة ايه
على:روان تمام الولادة كانت طبيعية جدا
مروان\لجين:الحمد لله
على(وهو بيبص لروفيدة):حبيبى استعدى انتى الى عليكى الدور
روفيدة:لسه بدرى يا على
لجين:بدرى من عمرك دول هما اربع شهور بس
روفيدة:يوووه انتوا هتخوفونى ليه من دلوقتى االمهم عايز اشوف بنت اخويا
على:هتتنقل دلوقتى غرفتها وبعدين نروح نشوفها
وبالفعل اتنقلت روان الغرفة العادية وكانوا كلهم قاعدين معاها
روفيدة كانت قاعده على الكرسى(حامل بقى)وعلى واقف جانبها ومروان حاطط ايده على كتف لجين وهما واقفين وفارس قاعد جنب مراته وحامل بنته وسمية كمان كانت موجودة
فارس:بسم الله ما شاء الله كان على عنده حق لما قال انها امورة زى مامتها
روفيدة:هتسموها ايه بقى
فارس:مامتها هى الى هتسميها
روان:انا هسميها اسم بحبه اووى ويارب تطلع زى صاحبه الاسم فى طيبتها وحنيتها وشخصيتها القوية
على:شكلى كده عرفت الاسم
روان:طب قوله كده
على(وهو بيبص لروفيدة):طبعا هتسميها روفيدة صح
روان:ايوة صح ها ايه رايك يا فارس
فارس:طبعا موافق
على(وهو بياخد روفيدة الصغيرة من فارس):طب هاتلى بقى حبيبة خالها دى الى هيبقى ليها معزة خاصة علشان اسمها الحلو ده
روفيدة:لالالا انا شايفة انك تسميها اسم تانى شوفى من اولها وبيقول معزة خاصة ومش بعيد يحبها اكتر منى كمان
على:وانا اقدر احب حد اكتر من حبيبة قلبى الى قلبى بيعشقهااا
الكل:يااااااسلاااااااام على الحب
واخيراااااا خلصت قصتى (قلبى يعشقك)ويارب تكون عجبتكوا بجد عايزة بقى رايكوا بجد فيها وتقولوا رايكوا فى
على
روفيدة
فارس
روان
مروان
لجين
واشوفكوا على خير فى قصه تانية بس ان شاء الله
