الحلقة 34
روان:روفيدة استنى
روفيدة(بفرحة):هتيجى
روان:اه هاجى
روفيدة:طب يلا بسرعه بتعرفى تسوقى بسرعه
روان:اكيد دا انا حريفة فى كده
روفيدة:طب يلا يا حريفة بسرعه
ركبوا العربية وبالفعل قادت روان السيارة بسرعه جنونية
روفيدة(بهظار):احنا كده مش هنروح لفارس هو الى هيجى لينا المستشفى
روان:المهم فى الاخر هنشوفه يعنى
فى فيلا حسين
فارس:دا حتى تليفونها مقفول يعنى هسافر كده ومن غير حتى ما اكلمها
سمية:لما توصل ابقى كلمها يا سيدى
حسين:انت هتمشى دلوقتى
فارس(بص فى ساعتها):لا لسه نص ساعه وكمان مستنى الاستاذ علاء علشان هو الى هيجى يوصلنى
حسين:ماشى
دخلت روفيدة فى الوقت ده
روفيدة:انا جيت
فارس:لا والله كنتى فين يا بت انتى
روفيدة:بت اما تبتك ال بت ال
فارس:انا كنت هزعل اوى لو سافرت من غير ما اسلم عليكى واحضنك
روفيدة:ومين الى قال ليك انك هتسافر اصلا
فارس:طبعا هسافر
روفيدة:لا مش هتسافر ومش انا الى بقول الكلام ده فى ناس هما الى بيقولوا كده
فارس:ومين الناس دول بقى
دخلت روان الى كانت مستخبيه وسامعه الحوار
روان:انا
فارس(بذهول):روان
روان(وهى بتمشى وصلت لعنده وقفت ادامه):هتسافر وتسبنى
فارس:لو قولتى ماسافرش مش هسافر
روان:طب ما تسافرش
شدها فارس وحضنها جامد اوى ورافعها من على الارض وفضل يلف بيها وهو شايلها
وسمية وحسين وروفيدة مبسوطين اووى
وبعدين نزلها ووقفها ادامه وحاوط وشها بايده
فارس:مش هسافر يا قلبى
روفيدة:ايوة ايوة بدام روان قالت متسافرش يبقى مش هسافر يا قلبى(وهى بتقلد فارس)انما انا لا هسافر يعنى هسافر
روان:الناس مقامات يا بنتى برضه
روفيدة:بقى كده ماشى يا ست رونى
روان(كانت واقفة وفارس حاطط ايده على كتفها):وحشتنى اوى رونى دى من زمان مسمعتهاش انتى وعلى بس الى كنتوا بتقولها
اتغير وجه روفيدة اول ما سمعت اسم على وحسين لاحظ كده وفهم ان على هو الى روفيدة بتحبه
سمية:ماتيجى يا مرات ابنى المستقبلية فى حضنى بقى شوية
روان(راحت لعندها وحضنتها اووى حست بنفس الاحساس الى كانت بتحسه وهى فى حضن امها)
روان:الله حضنك حلو اوى يا ماما زى حضن ماما عزة الله يرحمها
نزلت دمعه من روفيدة فروان ذكرت اعز اتنين راحوا من حياتها ولم تشعر بنفسها ووهى تركض وخرجت لتبكى بعيدا عنهم
روان:هو انا قولت حاجة ضيقتها اوى كده
حسين:لا يا بنتى متاخديش فى بالك المهم مش هتسلمى عليه انا كمان
روان(راحت سلمت عليه وباسته)
فارس:روان دا بقى خالى وابويا كمان
روان:طب دلوقتى اقوله يا بابا ولا يا خالو زى ما بتقوله
حسين:قوليلى يا بابا دا حتى هتبقى حلوة اوى منك
روان:خلاص يا بابا
فارس:انا هتصل بعلاء بقى علشان اقوله ما يجيش
روان:يجى فين
فارس:اصله هو الى كان هيوصلنى
روان:يبقى روح بسرعه وقوله
فارس(بابتسامة وحرك شفتيه علشان محدش يحس وقالها بحبك)
روان(برضه بحركة شقتيها بحبك)
سمية:يلا يا واد روح اتصل بيه
فارس:حاضر يا سمسم
فى الفيلا بتاعه فاروق كان مروان موجود فى مكتب ابوه بيحاول يفتح الكمبيوتر بتاعه وبالفعل نجح وطلع الباس ورد اسم على بالانجلش
ظل مروان يبحث فى الحاسوب الخاص بابيه عن اى شىءيثبت جرائمه كاد مروان ان يمل ويترك الجهاز ولكن اخيرا وجد ملف فى مكان يصعب ان يصل احد اليه ولكن بذكاء مروان تمكن من الوصول اليه كان هذا الملف مسمى باسم (سرى جدا)فتح مروان المف وقرا كل ما فيه كان يقرا بذهول لا يكاد يصدق ما يقراه ابدا
مروان:كل ده عملته يا بابا وطلعت كمان تاجر سلاح مش مكفيك المخدرات وحمايا العزيز كمان شريك معاه فى كل حاجة كان هناك ملف اخر لم يقراه مروان فتحه وجد هذا الكلام
صفقة العمر فى يوم الاتنين الموافق 27\3\2012التسليم الساعه 4.30 ومكتوب عنوان التخزين نظر مروان فى هاتفه وجد ان اليوم 27\3والساعه 5.30
مروان:فات ساعه ونص اكيد هما دلوقتى بيخزنوا فى البضاعه لازم اقول لروفيدة وبسرعه
اتصل مروان بروفيدة وكانت هى فى الوقت ده جالسه على الارجوحة الى فى الحديقة وكانت بتبكى فعندما سمعت رنين هاتفها جفف دموعها واخرجت هاتفها من جيبها وردت
روفيدة:ايوة يا مروان
مروان:روفيدة انا عرفت الباس ورد بتاع جهاز باابا وفتحته كمان
روفيدة:ها ولقيت حاجة
مروان:دا انا لقيت بلاوى سودا تودى باابا ورا الشمس دا طلع تاجر سلاح كمان
روفيدة(باستهزاء):كملت هو دا الى كان ناقص يعمله ومعلومة اضافية كمان من عندى ابوك كان متجوز على ماما الله يرحمها
مروان(بدهشة):ايييييييييه عرفتى ازاى
روفيدة:سمعته مرة وهو بيكلمها المهم مش موضوعنا لقيت ايه كمان
مروان:لقيت فايل مكتوب فيه وقال ليها على المكتوب فى الفايل
روفيدة:دا عنوان الشركة صح
مروان:ايوة صح اكيد البضاعه بتتخزن فى المخزن الموجود فى الشركة
روفيدة:وفين المخزن ده بالظبط
مروان:فى الدور الارضى بيدخل ليه من الباب الخلفى بس بيبقى موجود حراس عليه محدش بيدخلوه كده بسهولة
روفيدة:بس انا هقدر ادخله سلام دلوقتى
مروان:استنى رايحة فين
روفيدة:رايحة اخد حقى من ابوك
مروان:لوحدك
روفيدة:ايوة لوحدى ثم قفلت السكة
مروان:استنى يا روفيدة متروحيش المكان ده لوحدك يا مجنونة
