الحلقة 29
وقع مروان من اثر الضربة واتالم منها اووى ندم على انه عمل كده فى اخوه بس على بيحب ابوه بجنون حبه لابيه عاميه خالص ومخليه مش قادر يصدق ابدا اى حاجة وحشة على ابوه
على\اوعى تقول على بابا ابدا كده فاهم
وقف مروان ووهو حاطط ايده على مكان الضربة
مروان\ماشى يا على بكرة االايام هتثبتلك بس ساعتها هتكون خسرت روفيدة بجد
على\اطلع برة يا مروان احسن
مروان\ماشى انا طالع
طلع مروان اما على قعد على طرف السرير وفضل يبكى اوووى
على\اه لو تعرفى انا محتاجك قد ايه جانبى فى الوقت ده يا روفيدة
روفيدة قاعده فى اوضتها خبط عليها فارس ودخل
روفيدة\ايه يا فارس خير
فارس\انا قررت خلاص انى هسافر
روفيدة\هتسافر فين
فارس\انقل شغلى فى بورسعيد
روفيدة\ليه
فارس\خلاص معتش قادر اقعد فى البلد دى مش قادر اكون انا وهى فى مكان واحد ومحروم انى اشوفها
روفيدة\هتهرب يا فارس
فارس\لو كان الهروب هيريح يبقى ههرب
روفيدة\طب وانا
فارس\اسف يا بنت خالى كان نفسى اكون جانبك بس مش قادر انا بتقطع من جوايا
روفيدة\خليك يا فارس هنداوى جروح بعض احنا مر علينا قبل كده اصعب من كده بس قدرنا بوقفنا جنب بعض اننا ننسى ونعيش
فارس\مافيش اصعب من انك تتحرم من حبيبك
ثم تركها فارس وذهب لغرفته
روفيدة\عندك حق يا فارس انا حاسة بيك اه يا على لو تعرف انا محتاجلك دلوقتى قد ايه نفسى اترمى فى حضنك وتضمنى اووى
مر كذا يوم والاحوال زى ما هى على تعبان اوى من فراق روفيدة وهى كذلك وفارس خلاص قرر يسافر وقدم الطلب وبينتظر القبول ااما مروان بدا وهو ولجين يحاولوا يلاقوا هما الدليل وعلى ومروان لسه زعلانين مع بعض ومش بيكلموا بعض خالص وروان بتحاول تشغل نفسها بالمذاكرة
فى يوم كانت روفيدة فى اوضتها لقت فارس داخل عليها
فارس\روفيدة فى ناس تحت عايزينك
روفيدة\مين
فارس\انزلى وانتى تعرفى هما مين
روفيدة\هو لغز يا فارس
فارس\بطلى كتر كلام ويلا انزلى وانتى تعرفى هما مين
نزلت روفيدة مع فارس وطلع الضيوف مروان ولجين
روفيدة(وهى بتحضن لجين)\لجين وحشانى اووى
لجين\وانتى كمان والله
روفيدة(وهى بتسلم على مروان)\ازيك يا مروان
مروان\تمام الحمد لله وانتى
روفيدة\الحمد لله
لجين\بس انتى عملتى كده ليه دا انتى خسيتى خالص
فارس\اصلها عامله دايت
روفيدة\اه الواحد هو خفيف كده احسن
جاءت سمية وبتشد كرسى حسين
سمية\يا اهلا وسهلا
ثم سلمت على مروان ولجين
مروان\اهلا بحضرتك (ثم نظر لحسين ومال لمستواه وسلم عليه)
مروان\ازى حضرتك
حسين\انا تمام وانت عامل ايه
مروان\كويس
روفيدة\مروان اكيد طبعا عارف ان ده بابا
مروان\ايوة طبعا عارف
روفيدة\اما دى بقى فهى عمتى وامى كمان
مروان\اهلا وسهلا
روفيدة\بابا عمتو ده بقى مروان ودى لجين خطبته
حسين\وانت بقى مروان ايه
مروان\مروان فاروق الدمنهورى
ذهل حسين عندما سمع االاسم
مروان\عارف ان حضرتك مستغرب اووى بس مش لازم علشان الاسم تانى فاروق الدمنهورى اكون زيه هو مجرد بس اسمه جنب اسمى وبس
سمية(محاولة تلطيف الجو)\بقولكوا ايه الغدا جاهز ويلا بقى ناكل وبلاش الكلام فى الموضوع ده
مروان\وانا طبعا موافق على الكلام ده هو مش طفاسة يعنى
روفيدة\ايه الى بتقوله ده لا طبعا اتفضل بقى
جلسوا سويا ليتناولوا الغداء
اما فى الفيلا على كان قاعد تحت فاتح اللاب بتاعه جت ميار عليه وهى لابسه شورت وبلوزة قط وقصيرة اووى
ميار(وهى بتقعد جانب على اووى)\انت هتفضل مطنشنى كتير كده
على(الى اتفاجأ من وجودها)\ميار
ميار\اه انا ميار
على\وانا هطنشك ليه يعنى
ميار(رفعت ايدها وحطتها على كتفه وقربت وشها ليه)\انت اصلا مكلمتنيش من اول ما جيت وانا زحلانة خالص منك
على(بيحاول ميتاثرش)\معلشى اصل كنت تعبان شوية
ميار\طب اعطنى فرصة وانا اخفف عنك خالص
بعد على ايدها وقام من جانبها بس هى قامت ووقفت قصاده وحاطت ايدها حوالين رقبته وهى بتلعب فى شعره
ميار\انت ماشى برضه وهتسبنى
على\ميار عيب الى بتعمليه ده
ميار\عيب ليه بقى
على\مش شايفة انتى بتعملى ايه وكمان ايه اللبس الى انتى لابساه ده
ميار\ايه مش عاجبك دا حتى حلو اووى
على(وهو بيحاول يشيل ايديها من حوالين رقبته)\ميار ابعدى ايدك دى واتعدلى ارجوكى
ميار\على حرام عليك الى بتعملوه ده دا انا بحبك (ثم قربت اوى لشفايفه شاف على ميار على انها روفيدة ومحسش بنفسه وهو بيقرب هو كمان ثم فاق فى الاخر قبل ما يبوسها وزقها على الاريكة ومشى وسابها)
ميار\ماشى يا على هجيبك برضه
فى شركة فاروق
فاروق\احنا هنبدا بقى ننفذ العملية لان القضية اتقفلت خلاص
سامى\مين الى قالك
فاروق\مصادرنا الى هناك
سامى\كويس اووى امته بقى هنستلم البضاعه
فاروق\انا هتصل بالجماعه وهتفق معاهم وهبقى اقولك
سامى\طب استعجل شوية وحشنى شكل المخدرات
فاروق\متستعجلش
سامى\قولى بقى على عامل ايه
فاروق\لسه تعبان شوية
سامى\بقولك متجوزه بقى علشان ينسى البت دى
فاروق\تصدق انا فكرت فى الفكرة دى والعروسة موجودة كمان
سامى\مين
فاروق\ميار بنت خالته
سامى\طب ما يلا واهو نعمل فرحه مع فرح مروان ولجين
فاروق\ماشى بس نخلص العملية ونفوق بقى ليهم
سامى\ماشى
فاروق\انا همشى بقى
سامى\رايح لسما
فاروق\اكيد
سامى\ماشى يا معلم سلام
فاروق\سلام
فى الفيلا بتاعه حسين
بعد ما خلصوا االاكل قعدوا كلهم سوا تليفون فارس رن
فارس\الو اممم طب كويس اوى يعنى على اول الشهر كده طب خلاص متشكر اووى اكيد بكرة هاجى مكتب حضرتك
ثم اغلق االخط
روفيدة(الى كانت متابعه)\مين يا فارس
فارس\دا اللواء
روفيدة\عايز ايه
فارس\وفقوا على طلب النقل وهتنقل اول الشهر
سمية\يعنى خلاص يا فارس هتمشى وتسبنا
فارس\ماما اتكلمنا فى الموضوع ده خمسين مرة وخلاص انا مش هرجع فى قرارى بعد اذنكوا
وسابهم وقام استاذن مروان ولجين علشان يمشوا وقامت روفيدة توصلهم
مروان\طلب نقل ايه دا يا روفيدة
روفيدة\هيتنقل بورسعيد
مروان\ليه
روفيدة\معتش قادر يقعد هنا
مروان\علشان روان صح
روفيدة\انت عارف
مروان\حسيت بس مرضتش اسال
روفيدة\روان مفكره ان فارس حبه ليها كان خداع وبيلعب بيها علشان الزفته القضية
مروان\انا هحاول اتكلم معاها
روفيدة\ياريت والنبى يا مروان
مروان\حاضر يلا سلام
لجين\سلام يا روفيدة
روفيدة\مع السلامة
وصل مروان لجين لفيلتها ثم توجه لفيلته ودخل اوضة روان
مروان\ممكن ادخل
روان\اكيد طبعا تعالا
مروان(بعد ما قعد)\روان فارس هيسافر
