الحلقة العاشرة
روفيدة واقفة مرعوبة حاسة ان رجليها اتشلت مش عارفة تعمل ايه كل شوية بيقربوا وخلاص الباب هيتفتح
لسه فاروق بيفتحه روفيدة استخبت بسرعه ورا الستارة دخل فاروق وسامى معاه ولحسن حظ روفيدة فاروق مقعدش على الكرسى الى خلف المكتب لا قعد قصاد سامى على كرسى من الكرسين الى ادام المكتب وسامى قصاده وقعدوا يكملوا كلامهم الى كانوا بيتكلموا فيه وهما جايين فى العربية
فاروق\ياااه دا انا قرفت يا اخى
سامى\يا سبحان الله يا اخى الى يشوفك وانت هتموت وتتجوزها مش يشوفك دلوقتى
فاروق\والله عندك حق بس طلباتها بقت كتيرة اووى وشغالة زن زن وكمان معدتش بتريحنى زى الاول
دا انا اتجوزتها علشان استريح شوية من عزة طلعتلى هى افظع
روفيدة بقى وهى فى مكانها(يا بنى الايه يا فاروق وكمان متجوز دا انت تستاهل الحرق مش القتل مسكينه يا ماما عزة دا انتى طيبة اوووى)
سامى\يا سيدى فكك لو مليت منها طلقها واتجوز واحدة تانية
فاروق\لالا صحيح هى بتزن كتير بس بصراحة هى بسطانى على الاخر فاهم انت يعنى ازاى
سامى\ الا فاهم يا صاحبى دا انت طول عمرك وانت حريف
قهقه فاروق وايضا سامى اغتاظت روفيدة من قهقهتهم وارادت لو تخرج من وراء الستارة وتخنقهم بيدها ولكن هيهات يا فاروق ليس الان
رن هاتف فاروق وكانت سما
فاروق\ايوة يا سما
سما\فاروق تعالا دلوقتى حالا
فاروق\ليييه
سما\تعالا وخلاص
فاروق\بقولك ايه انا روحى فى مناخيرى ومش فاضيلك عايزة ايه
سما\عايزاك فى حاجة ضرورى الله يخليك تعالا وابقى امشى عالطول
فاروق\طيب جاى سلام
واغلق الهاتف دون ان يسمع منها رد
سامى\فى ايه
فاروق\ مش عارف سما بتقولى عايزانى هاروح اشوف عايزة ايه
سامى\ماشى وانا هروح بقى
فاروق\طب تعال اوصلك فى طريقى
سامى\ماشى يلا
خرج فاروق بصحبة سامى اما روفيدة بعد ما تاكدت من خروجهم نهائيا خرجت من خلف الستارة وتنفست تنفس الصعداء
روفيدة\الحمد لله يارب كنت هاروح فى داهية بس ربنا سترها اطلع بقى بسرعه لحد يجى تانى
خرجت روفيدة من المكتب والحمد لله لم يشاهدها احد وهى طالعه على السلالم لقت على نازل يجرى قلقت اووى
روفيدة\فى ايه يا على مالك
على\مافيش اصل اتصلوا بيه فى المستشفى وقالولى فى حالة ولادة مستعجله
روفيدة\طب براحة بتجرى كده ليه
على\مينفعش انى اتاخر يلا سلام
روفيدة\سلاااااااام
مشيت روفيدة ووصلت اوضتها ودخلتها وفضلت ماشية ورايحة فى الاوضة (دا انت طلعت داهية يا فاروق بقى متجوز على مراتك اه بس لو تنكشف حقيقتك والكل يعرف انت ايه واشوفك وانت فى السجن ومحكوم عليك بالاعدام بقى ساعتها هفرح فرح عمرى ما فرحته قبل كده صحيح مين الى كان معاه ده انا سمعت صوته قبل كده اه هو الرجل الى كان قاعد جانبه يوم حادثة بابا انت بقى يا سامى واخيرا التقينا انا واعدائى الاتنين فى بيت واحد طب وعلى ياترى هو كمان عدوى ولا ايه بس ازاى حد زى على يطلع كده مستحيل
ايه الى بتقوليه دا يا روفيدة مستحيل ليه احساسى بيقول كده ومن امته والظابط بيمشى ورا احساسه انا لازم اعرف واتاكد اذا كان على معاهم ولا لأ انا هأجل حكاية انى الاقى اى دليل على اعمال فاروق السودا دلوقتى وهخلى هدفى انى اعرف على ده ايه بالظبط)
فاروق وصل عند زوجته التانية فتح بالمفتاح ودخل لقاها قاعده فى انتظاره
فاروق\خير يا سما
سما\طب ما تقعد االاول وانا هقولك
فاروق\بقولك ايه قولى عايزة ايه علشان انا مش فاضى
سما\ انا حامل
كان فاروق بارد جدا وكانه لم يسمع اى شىء مشى خطوتين وجلس على الاريكة وحط رجل على رجل
واشعل سيجارة
فاروق\ها وبعدين
سما\يعنى ايه وبعدين
فاروق\سما مش دى ثالث مرة تحصل والمرتين الى فاتوا نزلتيه والمرة دى كمان روحى نزليه
سما\بس انا المرة دى عايزة البيبى يا فاروق
فاروق\نعم يا روح امك انا قولت هينزل يعنى هينزل
سما\لا يا فاروق انا مش هنزله
فاروق\هعمل نفسى ماسمعتش الكلام ده وهجيلك بليل اخدك نروح للدكتور ماشى يا حبى سلام
ومشى فاروق وترك لها البيت اما سما فاخدت المخدة الى كانت على الاريكة وحدفتها على الارض
لجين ومروان كان قاعدين فى مطعم
لجين\عارف انا كان نفسى نخرج اوى النهاردة
مروان\طب ليه ماقولتيش
لجين\لانى مش حابة ازن عليك كل شوية لانك بتعتبر ده منى انى مش مقدرة شغلك بس صدقنى انا حاسة انى وحيدة بابا دايما فى الشغل وماما الله يرحمها انت بس بوجودك جانبى هتعوضنى ومش هتخلينى احس بالوحدة دى بس شغلك بقى اهم عندك منى
رق قلب مروان واحس بالفعل انه غلطان (حط يده على يديها)اسف يا لجين
لجين\اسف على ايه عادى انا اتعودت على ان الناس الى بحبهم بتطلع ليهم حاجات تانية تشغلهم عنى
مروان\طب خلاص وعد منى من هنا ورايح كل يوم هفضيلك نفسى ساعه نقعد فيها
لجين(بفرحة )\بجد يا مارو
مروان\بجد يا روح وقلب مارو
لجين\مروان كنت عايزة اقولك على حاجة
مروان\هاااااااا قولى
لجين\عايزة اشتغل
مروان\تشتغلى
لجين\اه
مروان\ليييه
لجين\اهه نفسى احس بالمسئولية دايما انا مستهترة نفسى يكون ليه مكانة وكمان اهه هسلى نفسى الله يخليك وافق
مروان\طب هتشتغلى فين
لجين\مع بابا طبعا فى الشركة
مروان\لا
لجين\ليه
مروان\كده انا هدورلك على اى مكان تانى تشتغلى فيه بس الا الشركة بتاعة ابوكى وابويا
لجين\طب ليييه يا مروان
مروان\مافيش كده احسن وكمان مش هتكونى مبسوطة فيها اووى وكمان بدام انتى عايزة تعملى ليكى مكانة لازم تشتغلى فى مكان مش بتاعك وتبداى من الصفر زى كده
لجين(اقتنعت بكلامه)\خلاص الى تشوفه هتدورلى بقى على شغل
مروان\ماشى هقول لعلى هو عارف اكتر منى وهيلاقى ليكى شغلانة
لجين\بجد
مروان\بجد يا ستى انتى تامرى بس
لجين\ربنا يخليك ليه يا حبيبى
مروان(وهو يقبل يدها)\ويخليكى ليه
لجين(فى سرها)\ياترى يا مروان ليه مش عايزنى اشتغل فى شركة ابويا وابوك ايه الى غيرك تجاهم اوى كده غريبة اووى كمان ايه الى خلاك ترفض تشتغل معاهم مستشار فى الشركة رغم انك كنت بتقولى دايما اول ما اخلص جامعه هشتغل مع بابا كان حلم من احلامك حاسة انك مخبى عنى حاجة بس هى ايه مش عارفاها
مروان(فى سره)\لازم ابعدك عن المكان ده يا لجين واحميك منهم بس كويس انك سمعتى كلامى نفسى كمان على يسمع كلامى ويبعد عنهم هو كمان ومعتش يشتغل فى الشركة دى بس حب بابا عاميه ومخليه رافض حاجة زى دى مع انه ميستهلش حبنا اصلا
جه المساء وذهب فاروق لبيت روجته الثانية دخل بعد ما فتح بالمفتاح
فاروق\سما انتى فين
طلعت ليه سما من اوضة النوم
سما\انا اهه
فاروق\انا مش قولتلك اجى الاقيكى لابسة
سما\ليه
فاروق\علشان نروح للدكتور انا مش بحب اعيد وازيد فى الكلام
سما\وانا قولتلك انا مش هروح للدكتور انا عايزة البيبى ده حرام عليك ليه عايز تموته
فاروق\سما متقرفنيش واسمعى الكلام احسنلك
سما\لا يا فاروق مش هنزله ماشى
فاروق\دا اخر كلام عندك
سما\ايوة
فاروق\ماشى يا سما
ترك فاروق لها البيت وهو غضبان بشدة وركب سيارته وتوجه الى صديقه العزيز لكى يساعده فى حل هذه المشكلة
اما فى فيلا فاروق فكانت روفيدة جالسة مع عزة ولكنها كانت شاردة كانت تفكر هل على حقا انسان سىء ولكنه لابس قناع الطيبة وام هو حقا حسن والاحتمال الذى قال عليه اللواء غلط ولكن كيف اتاكد من ذلك يجب انا اتاكد وباى طريقة وفى اقرب وقت طرق الباب على فى ذلك الوقت
روفيدة(وهى تعتدل فى جلستها)\ادخل
على(بعد ما فتح الباب ودخل)\السلام عليكم
وذهب لامه وقبلها من يدها ثم راسها
روفيدة\عزة\وعليكم السلام
على(جلس على السرير جنب امه)\عاملة ايه يا ست الكل
عزة\تمام يا حبيبى
على\يارب دايما تكونى تمام
عزة\قولى بس انت اتعشيت
على\والله انا على فطارى من الصبح
عزة\يعنى كمان متغدتش
على\لا
عزة\طب يلا انزل قول للشغالين يحضروا ليك الاكل وتاكل
على\بس انا ماليش نفس
روفيدة\يعنى ايه مالكش نفس لازم تاكل
عزة\شوفت يلا اسمع كلامى انا وروفيدة
على\بس يا ماما انا
روفيدة\خلاص بقى يا على لازم تاكل
على(بابتسامه لروفيدة)\هاكل بس بشرط
روفيدة\وهو ايه الشرط
على\تاكلى معايا
