الحلقة 15
روفيدة(بصريخ)\على
روان طلعت فى الوقت ده لقت روفيدة قاعده جنب على على الارض ووقعت الشنط من ايديها وجريت لعندهم
روان\فى ايه
روفيدة(بعياط)\على انت كويس
على\اه كويس متقلقيش الضربة جت فى دراعى بس بطلى بقى عياط
روفيدة\طب يلا قوم هنوديك المستشفى
روان\انا هتصل بمروان بسرعه
روفيدة\مش وقته تعالى الاول نركبه العربية وابقى اتصلى بمروان بعدين
روان\حاضر يلا
وبالفعل سندوه البنتين وركبوه فى الكرسى الخلفى وكانت روفيدة بجانبه اما روان كانت لسه هتقود السيارة
لقت واحد من الناس الى كانوا واقفين بيتفرجوا على الى حصل فتح باب السيارة الامامى ودخل الشنط الى كانت وقعت من روان
الشخص\الشنط بتاعتك يا هانم
روان\ماشى شكرا
روفيدة\يلا يا روان خلصى
روان\حاضر حاضر
قادت روان السيارة بسرعه جدا وهما فى الطريق روان اتصلت بمروان واخبرته وقالها انه هيروح ليهم المستشفى
روان\على حاسس بايه
على\هكون حاسس بايه يعنى حاسس بالم فى دراعى
روفيدة\معلش يا على استحمل علشان خاطرى قربنا نوصل اهه
على\ماشى
مرت كذا دقيقة واخيرا وصلوا لاقرب مستشفى من المول بسرعه رهبية والممرضات اول ما شافوه اخدوه بسرعه
روفيدة\يارب استر
روان\ ان شاء الله هيكون كويس دا خبطة بس فى دراعه
روفيدة\انتى مش شايفة كان بيتالم قد ايه وكمان الدم الى كان بينزل منه الله يلعنهم الاغبية هما السبب(وفضلت تعيط)
روان قعدت جانبها تطبط عليها وتعيط هى كمان جه مروان فى الوقت ده
مروان\فى ايه ماله على بتعيطوا كده ليه حد فيكوا يرد عليه
روان(بعياط)على جوه فى الاوضة بيكشفوا عليه
مروان\هو ايه الى جراله
روفيدة(بتقطيع)شباب ضربوه بالمطوة فى دراعه
مروان(قعد على الكرسى)\حرام عليكوا بقى عملين ليه ميتم ومناحة علشان ضربة مطوة فى دراعه دا انا فكرته استغفر الله العظيم مات
روفيدة(باندفاع)\بعد الشر عليه
خرج الدكتور فى الوقت ده وجريوا عليه
روفيدة\دكتور على عامل ايه
الدكتور\كويس والله دا مجرد بس خبطة فى دراعه وخيطنا ليه الجرح وبقى تمام وممكن يخرج بعد شوية لو عايز
مروان\يعنى هو تمام يا دكتور
الدكتور\ايوة تمام
روان\طب احنا عايزين ندخل نشوفه
الدكتور\ماشى ادخلو بس بلاش تتعبوه
روفيدة\حاضر يا دكتور
الدكتور\يلا حمد لله على سلامته بعد اذنكوا
مروان\اتفضل(ثم انصرف الدكتور)شوفتوا الدكتور قال ايه يعنى حاجة بسيطة مش خطيرة ولا حاجة ولا تستدعى الى كنتوا عملينوه ده
روفيدة\احنا قلقنا اوى عليه هنعمل ايه يعنى
مروان\طب ماشى ادخلوا ليه بقى وانا هنزل ادفع حساب المستشفى وجاى
روان\ماشى بس متتاخرش
مروان\حاضر
دخلتا روفيدة وروان لعلى
روان(وهى ماسكة ايد على)\على انت كويس
على\تمام يا حبيتى والله هو وجع بسيط بس واكيد هيروح
روفيدة(ماكنتش قادرة تتكلم لانها ماسكة نفسها بالعافية وعايزة تعيط)
روفيدة\الف سلامة عليك
على(بابتسامة)\الله يسلمك
نزلت دمعه من عيون روفيدة غصب عنها شافها على واضايق اووى
على\ممكن اعرف بقى ليه الدموع دى بس دلوقتى
روفيدة\لالا مافيش دموع ولا حاجة
روان\يا بنى دى حاجة بسيطة امال لو كنت شفتها من شوية بقى دا كانت عيونها دى عاملة زى الحنفيه
روفيدة\يا سلام ما انتى كمان
روان\بس انتى كنتى اكتر
رن هاتف روان
روان\دى ماما
على\بقولك ايه ردى عليه عادى بس مش عايزها تحس باى حاجة ماشى
روان\ماشى يا معلم هطلع ارد عليه بقى برة
طلعت روان اما روفيدة ظلت مع على فقط كان يريد ان يغير مكانته فاحست روفيدة بذلك وساعدته
روفيدة\كده كويس
على\اه متشكر اووى
قعدت روفيدة على السرير وكان وجهها فى وجه
روفيدة\على انا اس
على(حط ايده على فمها)متتاسفيش
روفيدة\بس انا السبب فى الى حصلك ده
على\لا طبعا مش انتى السبب ولا حاجة وكمان انا لو طولت اطعهم كنت والله عملتها (اقترب شوية وبصلها اووى فى عيونها)انا الى يضيقك بس متعرفيش انا ممكن اعمل فيه ايه
روفيدة(اتكسفت اوى لانه اقرب اوى ليها )ربنا يخليك لينا
على\ويخليك ليه انا بس مش لينا
روفيدة(بصت ليه بصة استغراب )
على\مالك مستغربة كده ليه
روفيدة\لا عادى
على\روفيدة انا ب
دخلت روان فى الوقت ده
بعد على بعد ما كان مقرب اوى من روفيدة وروفيدة قامت وقفت
روان\كله تمام ماما محستش باى حاجة خالص
على\شطورة
روان\من يومى يا بنى
على\بس انا مش عارف ماما ليه مطولتش معاكى فى الكلام
روان\لا انا الى قصرت بسرعه
على\اه فالحة من يومك
ضحكت روفيدة بس ضحكة مكتومة اما على بص ليها وابتسم
جه مروان فى الوقت ده بس خبط قبل ما يدخل
مروان\عليوة ايه يابنى قلقتنا عليك
على\انا تمام جداااااا والله
مروان\طب الحمد لله
على\انا عايز اروح لانى مش هكون مستريح ابدا هنا الدكتور قال همشى امته
روفيدة\الدكتور قال انك كويس ولو عايز تمشى ناو ممكن عادى
على\طب كويس
دخل الدكتور فى الوقت ده وتفحص على
الدكتور\لا انت بقيت عال اوى يا دكتور على
على\طب امشى بقى لانى مش هقدر ابات هنا خالص
الدكتور\ماشى بس لازم تاخد بالك من نفسك والدوا تاخده فى مواعيده
على\يا دكتور انا دكتور وعارف كويس
الدكتور \طيب ماشى انا هكتبلك اذن خروج دلوقتى وحمدلله على سلامتك
على\الله يسلمك
بالفعل كتب الدكتور لعلى على اذن خروج وخرج وذهبوا الى الفيلا
