الحلقة 25
فارس\يااه حصلك كل ده ومتقوليش ليه
روان\هقولك بس ازاى وانا اصلا مكنتش مدركة بالى حواليا
فارس\معلشى يا حبيبتى دا قدرها ونصيبها بس حبيبى لازم يكون قوى
روان\حاضر
فارس\كان نفسى اكون جانبك اووى فى الوقت ده
روان\وانا كمان اووى
فارس\بس اوعدك لما اخلص بس القضية الى شغلانى دى هاجى اخبطك من اهلك عالطول
روان\فارس انت مش ملاحظ حاجة
فارس\ايه هى
روان\انك متعرفش عنى اى حاجة خالص ولا حتى اهلى مين
فارس\قولتلك قبل كده انا كفاية عليه انك روان الى بحبها وبعشقها بجنون وبس ومش عايز اعرف حاجة تانية
روان\ربنا يخليك ليه يا حبيبى
فارس\ويخليكى ليه
لاحظت روان دخول على ومروان
روان\طب انا هقفل بقى دلوقتى ماشى
فارس\ماشى يلا سلام
روان\سلام
شاهدا على ومروان وروان وهى قاعده على الارجوحة ابتسموا لان اختهم اخير خرجت من الاوضة وان شاء الله هترجع لحالتها الطبيعيه
على\وانا اقول الحديقة منورة ليه
مروان\اكيد طبعا علشان انا فيها
روان\يخربيت غلاستك
مروان\بس عسل برضه غصب عنك
على(وهو واضع يده على كتف روان وضمها لصدره)\فرحت كتير اووى انك اخيرا نزلتى من اوضتك بقى كانت روان الحلوة الشقية وحشانا اووى
روان\كله بفضل روفيدة لولا كلمها ليه ما كنتش قدرت انى اعمل كده بجد وجودها مهون عليه كتير اووى يارب يوفقكوا يا على وتتجوزوا بقى واشوفك عريس قمر كده
جاءت روفيدة
روفيدة\هو مين الى هيبقى عريس قمر ده
على(شال ايده من على كتف اخته وراح لعند روفيدة وقرب ليها قوى)انا مش برضه هبقى عريس قمر
روفيدة\يعنى مش بطال
على\لا والله بقى كده
روفيدة\ ايون
على\ماشى
تفاجأت روفيدة وهو يحملها واتوجهه الى البسين وروان ومروان بيضحكوا على منظرهم وسابوهم ودخلوا هما جوه
روفيدة\يا مجنون انت بتعمل ايه
على\الى انتى شايفاها لازم اوقعك فى البسين بقى انا عريس مش بطال
روفيدة\خلاص خلاص انا اسفة يا سيدى نزلنى بقى
على\ماشى بس بشرط
روفيدة\ايه هو
على\تقوليلى الكلمة الى مش سمعتها منك الا مرة وحدة
روفيدة\نزلنى بقى يا على
على\تؤتؤتؤ يلا قوليها
روفيدة\بحبك نزلنى بقى
على\لا قوليها بصوت عالى مش سمعتها كويس
روفيدة(بصوت عالى شوية)\بحبك نزلنى بقى
نزلها على واوقفها امامه وحاوطها بذراعه وقرب ليها اوى وهمس فى اذنها
على\شكر اووى
روفيدة\على ايه بقى
على\على وقفتك جانبى وجنب اختى فى المحنة دى
روفيدة\انا مش هرد عليك اصلا لان كلامك بايخ اووى
على\ماشى
روفيدة\على انا بحبك عارف يعنى ايه بحبك يعنى انا واجب عليه اعمل كل الى بعمله ده ومش محتاجة اسمع كلمة شكرا دى ابدا
مسك على يد روفيدة وقبلها
على\ربنا يخليكى ليه يا روحى
روفيدة\ويخليك ليه يا حبيبى
سكتوا لدقائق ظل على ينظر لعينيها كانه لم يراها بعد وهى ايضا ظلت تنظر له كانها ستتركه
روفيدة\على
على\عيون وروح على
روفيدة\اوعى تبعد عنى ابدا
على\انا مقدرش ابعد عن روحى يا بت بحبك والله
روفيدة\طب ما انا كمان بحبك
على\طب يلا ندخل بقى جوة هموت من الجوع
روفيدة\ماشى يلااااا
دخلا كل من على وروفيدة ووجدا روان ومروان جالسين
روان\على شوفت اخوك الرزل عمال يضايق فيه من ساعتها
على\بطل بقى يا اخى شوية
مروان\دى هوايتى المفضلة مقدرش ابدااااااا ابطلها
روان\طب مارس هوايتك دى على حد تانى مش عليه
مروان\لا مينفعش لازم عليكى
روان\يا سلام على غلاستك
مروان\بقى بالذمة يا فوفو انا غلس
روفيدة\لا طبعا اخص عليكى يا روان دا حتى مروان عسل
اغتاظ على من مروان وهو يدلع روفيدة واغتاظ اكتر من روفيدة عندما قالت عليه عسل
على\ممكن تبطلوا لعب العيال ده وتخلوا الشغالين يحضروا الغدا بقى وانا طالع اغير هدومى
ثم تركهم وصعد لغرفته
روان\ماله على قفش مرة واحدة كده ليه
مروان\مش عارف
روفيدة\انا هطلع اشوف ماله وانتى يا رونى استعجلى الشغالين بقى
روان\حاضر يا قمر
صعدت روفيدة لغرفة على طرقت الباب كان هو فاتح ازرار قميصه وفكر انها مروان
على\ادخل يا مروان
دخلت روفيدة وماكنتش بتحسبه بالمنظر ده
روفيدة(وهى حاطة وشها فى الارض)\ممكن اعرف مالك قفشت مرة واحدة ليه
على\وانتى هتفضلى حاطة وشك فى الارض كده وانتى بتكلمينى
روفيدة\طب اقفل زراير القميص وانا ارفع وشى
جذبها على اليه بعنف لدرجة ان لامست روفيدة صدره العارى
على\طب ما تقفليه ليه انتى
روفيدة\على كده غلط الى انت بتعمله ده
على(وهو ينظر لها نظرة اخافت روفيدة)\مروان معتش يقولك فوفو دى تانى وانتى حسك عينك تقولى كلمة عسل دى ليه تانى
ضحكت روفيدة ضحكة استفزت على كثير
على\انتى بتضحكى على ايه
روفيدة\انت هتغير من اخوك يا على
على\واغير من الهوا الى بيلمسك
روفيدة\حاضر اخر مرة خلاص بقى سبنى هتفضل مكتفنى كده كتير
على\ماشى هسيبك
روفيدة\طب سيب يلا
على\اتحايلى عليه شويه
روفيدة\الله يخليك يا على سيب ايدى بقى
تركها على اخيرا
روفيدة\يلا بقى العشا زمانه جهز
على\طيب اقعدى هنا هدخل الحمام اغير وننزل سوا ولا اغير هنا احسن
روفيدة\على
على\خلاص خلاص بهظر
روفيدة\طب يلا بقى
دخل على المرحاض واخد شاور وغير ملابسه وطلع لها وهو بكامل وسامته
روفيدة\يلا بقى
على \يلا
نزلوا سويا كان على واضع يده على كتفها وهما نازلين وكان بيداعبها فى انفها وكانوا بيهظروا وبيضحكوا
روان\سبحان مغير الاحوال
على\بقولك ايه بطلى لماضة انا جعان وعايز اكل
دخلت لجين فى الوقت ده
لجين\بقى تاكلوا من غيرى برضه
مروان(الى وقف وهو مبسوط اووى)\هو الاكل يكون ليه طعم من غير حبيبى اصلا
روان\ايون بقى بكش اوعى تصدقيه يا بنتى دا بكاش كبير
مروان\وانتى مالك يا غلسة خليكى فى حالك
روفيدة\بطلوا رغى بقى يلا يا لولو تعالى علشان ناكل
لجين\ماشى
جلسوا الخمسة سويا وتعشوا وكان العشا ملىء بالهظار ومغازلة على لروفيدة ومروان للجين ايضا و مشاكسة روان وبعد الانتهاء من العشا جلسوا مع بعض ودخل فاروق وسامى عليهم
فاروق\اازيكوا يا ولاد
كلهم\الحمد لله
وقف فاروق ادام روفيدة ثم نظر لها
فاروق\ازيك يا روفيدة ولا اقول يا حضرة الظابطة دا حتى الاحترام واجب برضه
