الحلقة 23
نعم هى من مسكت يده ونظرت له تلك النظرة لا تستغربوا من ذلك فهى لم تعد تطيق ذلك الرجل لانه فعل الكثير هو من دمر اقرب الناس اليها ولكنها لم تعد تتحمل اكثر من ذلك نعم يا فاروق ساقف فى وجهك وامنعك ان تالم اقرب الناس لى حتى ولو كان الالم خفيف
مسكت يده ونظر لها نظرة استغراب ظل ينظر لتلك العيون الزرقاء الذى يشع منها الشر والحزن معا
نعم الشر لهذا الرجل الذى كان السبب فى عذابها وعذاب ابيها والحزن على ما حدث اليها وما سيحدث ايضا
روفيدة(بحدة)\بيتهيالى مافيش داعى للى حضرتك هتعمله ده مروان بس مضايق علشان مامته وقال الكلام ده غصب عنه لو انت ميهمكش حاجة زى دى هما لازم يهمهم لانها امهم عارف يعنى ايه امهم
بعد ايده عنها بعنف ونظر لها نظرة توعد لكن روفيدة لم تبالى لهذه النظرة ابدا
فاروق\ماشى يا مروان حسابك تقل اووى معايا بس مش دلوقتى انا برضه هقول انك قولت كده علشان موت امك وانت اتاثرت اوى بكده
على\بابا لازم نعمل اجراءات الدفن بقى ومافيش وقت للى بيحصل ده بقى
فاروق\ماشى تعالى ورايا على المكتب انت بس لوحدك علشان هنشوف هنعمل ايه (ثم بص كده حواليه)اه صحيح هى فين روان
روفيدة\باتت عند واحدة صاحبتها
فاروق\هى متعرفش
على\لا
فاروق\كويس ومش عايزها تعرف الا لما ندفن عزة ماشى
على\الى تشوفه
فاروق\ماشى يلا يا على تعالى
ذهب على خلف ابيه ودخلوا المكتب بتاعه
مروان\ليه عملتى كده ممكن يحطك فى دماغه ويعرفك
روفيدة\معدتش فارقة خلاص يا مروان كل حاجة راحت بسبب الانسان ده
مروان\ساعات بتمنى انه ميكونش ابويا بس ازاى
روفيدة\معلش دا قدرك بقى ونصيبك المهم يلا علشان نروح لروان
مروان\انتى هتيجى معايا
روفيدة\اكيد لازم اجى
مروان\ماشى يلا
ذهبا معا الى بيت سلمى وصممت مامة سلمى انهم يقعدوا يفطروا معاهم وانتهزوا الفرصه وقعدوا لانهم مش عايزين يروحوا الا لما عزة تتدفن وفضلوا جالسين سويا لفترة طويلة لكن مروان استاذن فى نص القاعدة علشان يحضر جنازة امه
اما بالجهه الاخرى كانت عزة اغتسلت وادفنت خلاص وحضر سامى ولجين ايضا من ضمن الحاضرين
فى بيت سلمى
روان\ايه يا ست فوفو استحليتى القاعده ولا ايه ونسيتى ماما الى محتاجاكى دلوقتى
نظرت روفيدة لروان وكانت تريد ان تبكى ولكنها مسكت نفسها بالعافية
روفيدة\عمرى ما اقدر انسها بس انا مستينه مروان يجى ياخدونا علشان مش نروح لوحدنا هو الى قال كده مش كده ولا ايه
روان\ اوك
رن هاتف روان وكان فارس فقامت ووقفت فى البلكونة عشان تعرف تتكلم
روان(برقة)\الو
فارس\فى حد صوته حلو كده برضه
روان\ طبعا انا عندك اعتراض
فارس\ انا اقدر برضه اعترض
روان\ايون كده اتظبط يا حضرة الظابط
فارس\تمام يا فندم
ضحكت روان ضحكة سحرت فارس
فارس\وحشتينى اووى
روان\يا سلام
فارس\ايوة ايوة اتكسفى بقى واتقلبى فراولة
روان\فارس بطل بقى غلاسة
فاروس\ماشى بس بشرط
روان\شرط
فارس\ ايون
روان\ وايه هو شرطك بقى ان شاء الله
فارس\ اشوفك النهاردة
روان\لازم يعنى
فارس\اه لازم اشوفك عايز اقولك على حاجة ضرورية اووى
روان\طيب انا دلوقتى عند سلمى هاروح بس اغير هدومى واحاول اتحجج ليهم باى حجة وهتصل عليك هقولك نتقابل فين
فارس\ماشى
روان\سلام
فارس\سلام يا حبيبى
احتضنت روان هاتفها وقبلته ولكنه فجاءتها روفيدة من وراها
روفيدة\كنت بتكلمى مين كده
روان(اتخضت)\حرام عليكى يا روفيدة خضتينى كنت يا ستى بكلم فارس
روفيدة\مش ناوية تقوليلى الفارس بتاعك ده بقى اسمه ايه الحقيقى
روان(جت تتكلم لكن جائت سلمى)
سلمى\مروان جه برة
روان\كويس اوى يلا بقى عايزة اروح بسرعه
طلعوا لمروان
مروان\يلا يا رونى اطلعى جيبى حاجتك علشان نمشى
روان\ماشى
طلعت روان ومعها سلمى وظلت روفيدة ومروان
روفيدة\خلاص خلص كل حاجة
مروان\اه الجنازة خلصت خلاص
روفيدة\طب كويس
مروان\بس لسه الضيوف الى جايين يعزونا موجودين دول الستات مليين الفيلا انا سبت لجين هناك تستقبلهم المفروض روان تكون موجودة دلوقتى هناك
روفيدة\يبقى لازم نقولها هنا قبل ما تروح هناك وتشوفهم كده
مروان\انا خايف اوى عليها هقولها ايه بس
روفيدة\بص اتشجع كده وقولها بكل قوة روان مامتك ماتت
جاءت روان فى هذه اللحظة وسمعت تلك الجمله وقعت الشنطة الى كانت فى ايديها وذهبت لعند مروان
روان\مين دى الى ماتت يا مروان ها قول
مروان\ماما ماتت يا روان
روان\بطل هظار انت دايما كده بتهظر فى كل حااجة انا مش هسالك اصلا انا هسال روفيدة هى الى هتتكلم بجد (ثم ذهبت لعند روفيدة)قولى انتى يا روفيدة هو بيهظر صح
روفيدة\لا مش بيهظر يا روان ماما ماتت بجد
روان(بصريخ)\انتوا كدابيييييييييين ماما مش ماتت بطلوا كدب بقى حراااااااااااااام عليكوا لالا مش ماتت لالالالالا (ثم وقعت مغشيا عليها)
روفيدة\رواااااااان
حملها مروان وصعد بها لغرفة سلمى وطلبوا لها دكتور وقال انها حالة انهيار عصبى وهتكون كويسة ان شاء الله و ظلت روفيدة بجانبها اما مروان ذهب للفيلا ليكون بجانب على
ظلت روان على هذا الحال لمدة يومين وظل فارس يتصل بها كثير وكان قلقان اووى عليها وفى اليوم الثالث الصبح فارس قاعد بيفطر وماسك الجرنال قرا النعى بتاع عزة الى فى الجرنال
فارس\يا نهار اسود
حسين\فى ايه يا فارس
فارس\الست مرات فاروق ماتت
سمية\وطب وفيها ايه ماتموت
فارس\انتى مش فاهمه حاجة يا امى انا لازم امشى دلوقتى
مشى فارس وظل وهو فى طريقه يتصل على روفيدة لان قلقان اووى عليها
روفيدة كانت انتقلت للفيلا لما روان فاقت اخيرا بس لسه ساكته ومش بتتكلم خالص وقاعدة فى اوضتها لوحدها وهما سايبنها على راحتها لما فارس بقى رن على روفيدة كانت قاعده مع على ومروان ولجين بيفطروا قلقت من اتصاله ده واطضرت انها ترد عليه
روفيدة\بعد اذنكوا هرد على التليفون
وتركتهم وطلعت برة فى الجنينة ووقفت بعيد شوية
روفيدة\ايوة يا فارس
فارس\روفيدة طمنينى عليكى انتى عاملة ايه
روفيدة\تعبانة اووى يا فارس ومحتجالك اووى
فارس\انا برضه حسيت كده انا مش هستنى ليوم االاجازة لازم اشوفك النهاردة
روفيدة\مش هينفع
فارس\حاولى الله يخليكى
روفيدة\طيب هشوف كده وهبقى ارد عليكى
فارس\ماشى يلا سلام
عندما انتهت روفيدة من كلامها مع فارس ذهبت اليهم
على\مين الى بيكلمك
روفيدة(يالله هكدب عليك يا على اانا خلاص الموت اهون عندى من انى اكذب عليك بس اعمل ايه بقى)\دى مامة واحدة زميلتى
على\طب وتتصل بيكى ليه
روفيدة\اصل صاحبتى دى تعبانة وطلبت من مامتها انها تقولى علشان اروح اشوفها
مروان\خلاص روحى شوفيها
روفيدة\ها وانت ايه رايك يا على
على\موافق طبعا بس استنى هوديكى
روفيدة\ماشى
لجين\مارو مش يلا بقى نمشى هتاخر على الشغل كده
مروان\ماشى يا حبيبتى يلا
ذهبا كل من لجين ومروان
على\ها يلا بينا
روفيدة\طب هطلع اجيب شنطتى
على\ماشى هستناكى فى عربيتى ومتتاخريش بقى
روفيدة\اووك
صعدت روفيدة اما على خرج وركب عربيته وظل ينتظرها وجاءت اخيرا
روفيدة\ انا متاخرتش اهه
على\اه ما انا عارف مش عايزك تتاخرى عند صاحبتك دى بقى علشان روان
روفيدة\حاضر
قالت روفيدة لعلى على عنوان غلط ووصلها لعنده ثم مشى ولما تاكدت انه مشى اتصلت بفارس واتفقت معاه انه هيقبلها فى شقة بابا فارس
فى شركة فاروق
فاروق\بس تعرف البت الى اسمها روفيدة الممرضة الى حكتلك عنها دى بحس انها غريبة اووى
سامى\ازاى يعنى
فاروق\مش عارف بحس كانى بينها وبينى طار
سامى\تحب اعرفلك كل حاجة عن البت دى
فاروق\لا سيبك احنا مش فاضين اننا نهتم بواحدة زى دى كده كده انا همشيها النهاردة معتش ليه لازمة لوجودها
رن هاتف فاروق وكانت سما المتصلة
فاروق\ايوة يا سما
سما(بسهوكة)\فاروق حبيبى وحشتنى اووى انت مش هتيجى بقى
فاروق\مش فاضيلك يا سما ورايا شغل
سما\الله يخليكى يا فاروق انت من يوم ما مراتك ماتت وانت ما جتش خالص
فاروق\طيب هشوف كده وهعدى عليكى بليل
سما\لا تعالا دلوقتى اقعد بس ساعه معايا وامشى
فاروق(بنفاذ صبر)\حاضر انا جاى سلام
قفل الخط مع سما وقام من على الكرسى
سامى\على فين
فاروق\رايح لسما يا سيدى
سامى\ماشى يا معلم سلام
فاروق\سلام
