الحلقة 14
فى المساء روان وروفيدة قاعدين تحت بيدردشوا مع بعض
روان\كان نفسى تيجى معايا اوى يا روفيدة والله
روفيدة\معلشى بقى يا روان مش هينفع اسيب مامتك واجى معاكى صدقينى
روان\امم ماشى خلاص بس تيجى حتى معايا بكرة نشترى الفستان الى هاروح بيه
روفيدة\طب خلاص ماشى بس نروح فى الوقت الى تكون مامتك نايمة فيه
روان\خلاص ماشى
دخل على ومروان فى نفس الوقت
مروان\شكلكوا كده بتنموا على حد
روان\طب حتى قول مساء الخير سلام عليكم اى حاجة مش داخل تتهمنا بهذة التهمة الشنيعه
مروان(بعد ما جلس)\تهمة شنيعه انتوا اصلا يا بنات مش بتعملوا حاجة فى حياتكوا االا انكوا تنموا وبس
اما على جلس على الكرسى ورجع ظهره للورا وكان باين عليه التعب
روفيدة لما لاقته كده قلقت اووى عليه وكان بالها مشغول اووى عليه
روان\طول عمرك وانت ظالمنا يا مارو مش كده برضه يا روفيدة
روفيدة\ها اه طبعا
روان\مالك يا على
على(بصوت هادى)مافيش يا روان مرهق بس شوية
روان\لا الف سلامة عليك من الارهاق بقولكوا ايه هقوم اذاكر بقى يلا سلاموز
مروان\خدينى معاكى يا اختاه
روان\ليه هتذاكر انت كمان ولا ايه
مروان\لا ياظريفة هنام
روان\طب يلا بينا يا اخى
وانصرف كل من روان ومروان وتبقى فقط روفيدة وعلى
روفيدة\مالك يا على
على\تعبان بس شوية
روفيدة\من ايه
على\كان عندى حالة ولادة النهاردة وللاسف الجنين مات
روفيدة\لا حول ولا قوة الا بالله معلش يا على دا قدره
على\لاول مرة يحصل كده حاسس انى السبب
روفيدة\ليه بتقول كده دا ده مكتوب ليه من قبل ما يتولد
على\مش عارف بقى حاسس بالذنب اووى لان انا اصلا كان بالى مشغول جدا وحاسس ان بسبب كده اهملت فى شغلى
روفيدة\خلاص يا على متحملش نفسك فوق طاقتها هو دا قدر ومكتوب مالكش دخل فيه
على\مش قادر يا روفيدة
روفيدة\لا هتقدر وكمان انت انسان مؤمن وعارف ان الموت عمره ما كان بايد حد وان شاء الله ربنا هيعوضهم
على(وقد احس بالارتياح من الكلام مع روفيدة)\عندك حق متشكر اووى حسيت براحة لما اتكلمت معاكى
روفيدة(بهزار)متنساش بقى الجمايل دى
على\حاضر
روفيدة\قولى بقى ايه الى شاغل بالك
على\بابا مسافر النهاردة استراليا ولما جيت سالته قالى شغل وخلاص ومروان الى حاسس انه مخبى عنى حاجة وانتى يا روفيدة
روفيدة(ارتبكت)انا ايه يا على
على\حاسس انك مخبية عنى حاجة
روفيدة\لالا هخبى عنك ايه يعنى
على\روفيدة احنا اصحاب وقولى ليه اى حاجة انتى مخبيها عنى دلوقتى لان لو عرفت من اى حد غيرك انك مخبية عنى حاجة صدقينى مش هقدر اسامحك ساعتها لانى مبحبش كده ابدا
روفيدة(فى سرها)نفسى اوى اقولك على كل حاجة بس مش هينفع يا على دلوقتى بس هقولك فى الوقت المناسب ويارب ساعتها تسامحنى
على\ايه بتفكرى فى ايه
روفيدة\لا ابدا قولى بس جعان احضرلك الاكل
على\بس تاكلى معايا
روفيدة\الله الله يا دكتور شكلك كده اتعودت على انى كل ما اقولك تاكل تقولى لازم تاكلى معايا
على(وهو بيبص لروفيدة اووى)اصل اتعودت خلاص انك تاكلى معايا
اتكسفت روفيدة من نظرته لها قامت من على الاريكة\طب انا هقولهم يجهزوا الاكل
على(بابتسامة)\وانا هقوم اغير هدومى على ما الاكل يجهز
روفيدة\ماشى
صعد على لغرفته لتبديل ملابسه اما روفيدة دخلت المطبخ لتحضير الطعام
فى اليوم التالى
روان بتخبط على اوضة روفيدة
روفيدة\اادخل
روان\يلا بقى يا فوفو كده هنتاخر
روفيدة\معلشى بس يا روان لسه مامتك نايمة دلوقتى
روان\طب يلا بسرعه بقى الساعه 7 وكده هنتاخر
روفيدة(بعد ما انتهت )\خلاص اهه دا انتى رغاية
روان(وهى بتضحك)\طول عمرى يلا بقى
روفيدة\يلا يا ستى
ذهبا كلا من روفيدة وروان لشراء فستان لكى ترتديه روان فى فرح اخو سلمى صديقاتها
فى المول
روان(بعد ما ارتدت احد الفساتين )\ها ايه رايك فى ده
روفيدة\حلو
روان\ما انا عارفة انه حلو يعنى ايه رايك فيه عليه طلعه فيه جميلة ولا
روفيدة\انتى فى اى حاجة جميلة والله
روان\يووه بقى يا روفيدة بلاش مجامله وقولى هو حلو عليه ولا
روفيدة\طب بصى تعالى ندور على واحد تانى ممكن نلاقى احلى منه
روان\انا برضه حسيت انه مش عجبك خلاص هدخل اغيره واجى
روفيدة\اوك
ذهبت روان لكى تخلع الفستان اما روفيدة فكانت ترى الفساتين اعجبها فستان جدا وكان حقا رائع وظلت تنظر له وهى تمسكه بيدها جاءت روان وراتها كم هى معجبه بهذا الفستان
روان(وهى واقفة ورا روفيدة)شكل الفستان ه عجبك اووى
روفيدة(وهى بتلفت)\ها لا ابدا يلا بقى ندور ليكى على فستان علشان منتاخرش
روان\ماشى يلا
فضلوا يدوروا على فستان واخيرا والحمد لله حتى عجب روان فستان وكان جميل جدا
روان\ حلو صح ده
روفيدة\وااوووو بجد تحفة عليكى يا روان
رن هاتف روان فى هذا الوقت فتحت حقيبتها واخرجت الهاتف ونظرت اليه لترى من المتصل
روان\دا على
روفيدة\طب ما تردى
روان(بعد ما فتحت السكة)\ايوة يا دوك
على\انتوا لسه ما روحتوش ولا ايه فى صوت دوشة جانبك
روان\لا لسه
على\طب خليكوا انا هعدى عليكوا اخدكوا انا اقريب ليكوا
روان\طب ماشى هنستناك يلا سلام
على \سلام
روفيدة\فى ايه
روان\مافيش حاجة دا على بس هيعدى علينا ياخدنا
روفيدة\ماشى
روان\روفيدة بقولك ايه اطلعى انتى استنينى ادام العربية على ما ادفع الحساب واجى
روفيدة\طب ليه ما استنى معاكى هنا
روان\علشان على لما يجى يعرف احنا فين بالظبط اصله ميعرفش احنا موجودين فين بالظبط
روفيدة\اوك
خرجت روفيدة وفعلت مثل ماقالت لها روان اما روان ففعلت ذلك لكى تشترى الفستان الذى احست انه اعجب روفيدة
اما بالخارج كانت روفيدة واقفة بجانب السيارة تنتظر خروج روان من المول او مجىء على شاهدها اربع شباب وذهب اليها وقاموا بمضيقتها وفضلوا يعاكسوها
جه على فى الوقت ده واول ما شاف المنظر ده نزل من عربيته فورا وراح لعندهم بسرعه
على\فى ايه يا روفيدة العيال دول بيضيقوكى
روفيدة\مافيش يا على دول شكلهم شباب تافهه تعالا نمشى من هنا احسن
شاب(من الى كانوا واقفين)\تؤتؤ بقى تمشى وتسيبنا برضه خليه هو يمشى انما انتى يا قمر هتيجى معانا وجذابها من دراعها
روفيدة\اه دراعى يا حيوان
على الدم غلى فى عروقه بعد يد الغبى ده عن يد روفيدة وقام شجار عنيف بينهم فضل على يحاول يضرب فيهم وهما كمان وفى النهاية واحد فيهم ضرب على بالمطوة وطلعوا يجروا اما على وقع على الارض اثر الضربة
روفيدة(بصريخ)\على
