الحلقة 12
فاروق\احنا هناجل العملية شوية
سامى\ليه بس
فاروق\انت عارف البوليس مفتح عينيه اووى الايام دى والعمليه دى اكبر عملية هتتعمل عايزة تخطيط جامد
سامى\تعرف ياريت على يكون عارف شغلنا ده ويشتغل معانا
فاروق\يووه تانى هتقول الكلام ده
سامى\على ذكى اووى واكيد كان هيساعدنا ويعملنا خطة جامدة اووى وكنا خلصنا العملية دى فى اقرب وقت بدل ما ناجلها كده انت مش عارف احنا هنكسب قد ايه من وراها
فاروق\عارف بس انسى حكاية ان على يعرف حاجة عن شغلنا دا خلاص قولتلك مية مرة عمر ما على هيرضى ابدا بكده ولا حتى هيشاركنا فى الى احنا بنعمله
سامى\قولتلك سبها عليه وانا هقدر اقنعه واهو هنستفيد منه على متعلم تعليم عالى اووى وهيفدنا صدقنى
فاروق(بصوت عالى)\يووه يا سامى قولتلك لا الا على مش هيشتغل معانا فى الى احنا بنعمله ده خلى الولاد بعيد احسن يا سامى
سامى\طب خلاص اهدى متنرفزش نفسك اووى كده مجرد راى
فاروق\وانا قولتلك قبل كده لا خلى على يدير الشغل النظيف الى فى الشركة بس اما الشغل التانى خليه لينا وكمان احنا بخبرتنا فيه مش محتاجين ذكاء وعلم على
سامى\ماشى الى تشوفه يا صاحبى قولى بقى عملت ايه مع سما
فاروق\عملت الى قولتلى عليه والحمد لله الجنين مات وارتحت منه
سامى\الحمد لله بس اوعى تعرف انك الى السبب فى موته اصل انت متعرفش شر الستات
فاروق\لالالا متقلقش مستحيل تعرف هو احنا بنلعب برضه
سامى\لا طبعا
فاروق\طب انا ماشى رايح لسما
سامى\طب وانا مروح خدنى بقى فى طريقك
فاروق\طب ولجين
سامى\سبها اهه تسلى نفسها مع الولاد ولما يخلصوا سهرتهم يبقى مروان يروحها
فاروق\ماشى يلا بينا
مشى سامى وفاروق
سمعت روفيدة كل شىء ولا تعرف ماذا يجب ان يكون شعورها فى هذا الوقت اتكون فرحانه ام حزينة فرحانه لان على طلع برىء من هذا الشك اللعين او حزينة لانها فكرت ان تجرح احد برىء وماذا لو عرف على بنواياها فى الاول هل سيسامحها ام لا مشيت روفيدة بعض الخطوات ببطء حتى وصلت لباب الفيلا وخبطت
روان\انا هقوم افتح
ذهبت روان وفتحت ووجدت روفيدة على غير عادتها صامته وهادية نوعا ما ولون وجهها شاحب
روان\مالك يا روفيدة
روفيدة(بهدوء)\مافيش انا تمام
روان\مش باين عليكى خالص
روفيدة\ممكن اكون بس تعبت من المشى مع صحباتى النهاردة
روان(بعدم اقتناع)\يمكن
روفيدة(وهى مازالت واقفة)\طب مش هدخلينى ولا ايه
روان\سورى مااخدتش بالى
روفيدة\ولا يهمك
مشيت روان وخلفها روفيدة جلست روان بجانب لجين مثل ماكانت اما روفيدة فكانت واقفة امامهم
روفيدة(وهى بتحاول متبصش لعلى)\مساء الخير
الكل\مساء النور
مروان\ايه يا روفيدة للدرجة دى اصحابك دول عزاز اووى عليكى تقعدى معاهم كل ده
روفيدة\اصل انا مش بشوفهم الا يوم واحد وهما اكيد بيوحشونى اووى
على\طب ما تقعدى ولا هتفضلى واقفة كده كتير
نظرت روفيدة لعلى نظرة ندم على ما فكرت به وما كانت تنوى على فعله اتجاهه لا بل عملت ايضا ليست كانت نية فقط اما على فاستغرب من تلك النظرة
روفيدة\لا اصل انا هطلع اشوف ماما وهنام
لجين\لالا اطلعى شوفيها وتعالى اقعدى معانا يا روفيدة والله القعدة بس محتاجاكى
روفيدة\معلشى يا لجين اصل انا تعبانة شوية
مروان\خلاص يا لجين سيبيها على راحتها
روفيدة\طب يلا تصبحوا على خير
الكل ما عدا على\وانتى من اهله
صعدت روفيدة
روان\حاسة ان فيها حاجة بس هى ايه الله اعلم
لجين\تعرفوا رغم انى روفيدة دى شخصيتها حلوة اووى وحبتها جدا بس بحس ساعات انها غامضة اووى ومخبيه عننا حاجات كتير
مروان\ياساتر على البنات وعلى افكارهم يا جماعه المخلوقة جاية تعبانة فيها ايه يعنى لازم كل التحليل ده
على(وقد مل من كلامه)انا قايم اقعد فى الحديقة شوية
وتركهم وانصرف دون ان سمع رد احد منهم
مروان\شوفتوا ضايقتوا على بكلامكم
لجين\طب هو يضايق ليه
راون\يعنى انتى مش فاهمه يا هبله
لجين(فكرت شوية)\ايه ده هو على بيحبها
روان\شكله كده بس انا عن نفسى معرفش
مروان\بقولكوا ايه انتوا الاتنين بطلوا بقى تتكلموا عن حد مش موجود وانتى يا ست روان مش وراكى مذاكرة
روان\ورايا بس ينفع اسيب لجين يعنى ومقعدش معاها
مروان\لا صاحبه واجب يا بت قومى يلا شوفى مذاكرتك ولجين هاروحها اصلا علشان تقدر تصحى الصبح علشان شغلها
روان\ماشى (وقبلت لجين)يلا سلام
لجين\سلاام
مروان\يلاا علشان اروحك
لجين\ماشى يلااا
خرجا كل من لجين ومروان وجد مروان على يجلس على احد المقاعد التى فى الحديقة ويبدو عليه الضيق فقرر انه عندما ياتى سيجلس معه ليرى مابه وركبا مروان ولجين سيارة مروان واتجها الى بيت لجين
اما على الذى كان جالسا فقد كان يفكر فى حبييته(يا ترى مالك يا روفيدة وايه الى مزعلك كده انا حسيت بزعلك قلبى وجعنى اووى عليك عندها حق لجين انها تحس ان روفيدة مخبية عننا حاجات كتير اانا كمان بحس بكده يااه بس لو تعرف انا بحبها قد ايه وتيجى تقولى على كل حاجة علشان ارتاح)
قرر على ان يذهب لغرفته لانه يحتاج ان يستلقى على السرير ربما ينام وبالفعل صعد على الى غرفته وبمجرد ان وضع راسه على المخدة حتى نام
اما روفيدة فذهبت الى عزة ووجدتها نائمة باستها من راسها ثم تركتها وذهبت الى غرفتها بدلت ملابسها وجلست على اريكة موجودة بغرفتها(ياااااالله اعمل ايه بس خليك جانبى انا كنت عايزة اجرح قلب انسان طيب اووى بس انا كنت مفكراه زى ما االلواء قال بس هو قالك يا روفيدة انه احتمال وانتى اتعاملتى مع الاحتمال ده على انه اكيد اه يا على لو تعرف انا ندمانة قد ايه على انا فكرت اعمله معاك )احست روفيدة بالم فى راسها نعم انه صداع من كثرة التفكير ذهبت لكى تنام وبالفعل نامت
اما مروان بعد ما وصل لجين لبيتها ذهب الى الفيلا وتوجه اولا الى غرفة على لكنه وجده نائما تركه واغلق باب الغرفة وذهب لغرفته ونام هو ايضا
اشرقت الشمس وجاء الصباح واستيقظت روفيدة من النوم ولكن اليوم متاخر انزعجت لذلك فلاول مرة يحدث لها هذا واخدت شاور ولبست بنطلون اسود وبلوزة بقط صفرا وبلارنيه صفرا ورفعت شعرها ربطته بتوكه سودا وذهبت لغرفة عزة ووجدت على هناك
روفيدة\صباح الخير
عزة\على\صباح النوم
عزة\ايه يا روفيدة نموسيتك كانت كحلى ولا ايه
روفيدة\اسفه يا ماما اول مرة تروح عليه نومة كده بس لانى كان عندى صداع شديد اووى
قلق على عليها جدا\تحبى تروحى لدكتور
روفيدة(وهى لا تنظر لعلى)مافيش داعى دا صداع انا هنزل تحت هشوف اى مسكن وهاخده (وافتكرت شىء)اه صحيح اخدتى دواكى يا ماما
عزة\على اعطهولى شكل الصداع عامل مفعول جامد
روفيدة\دلوقتى لما اخد المسكن هكون تمام
خرجت روفيدة اما على قرر فى نفسه ان يخرج ويذهب اليها ليرى مابها
على\ماما انا ماشى عايزة حاجة منى
عزة\سلامتك يا حبيبى
خرج على وكانت روفيدة مازالت ماشية نادى عليها على ولكنها تجاهلت ندائه
اسرع على فى المشى حتى لحق بها وامسكها من يدها
على\انا بنادى عليكى مش بتردى ليه
روفيدة\ماسمعتش
على(ترك يدها)مالك يا روفيدة
روفيدة\قولتلك عندى صداع
على\هو الصداع يخليكى تتعاملى معايا كده
روفيدة\يوووه امال اتعامل معاك ازاى
على\روفيدة كلمينى باسلوب احسن من كده
روفيدة\ومالى اسلوبى بقى
على\روفيدة انت متغيرة من ساعة ماجيتى من برة امبارح معرفش ليه ومتقوليش انا مش متغيرة ولا حاجة
روفيدة\مافيش يا على تعبانة بس شوية
على\طب مش هتقولى لعلى تعبانة من ايه
روفيدة(فى سرها)\اقولك ايه بس يا على اقولك انى كنت عايزة العب بيك واجرحك وانت ماتستهلش ابدا كده
على\روفيدة روحتى فين
روفيدة\ماروحتش انا هنزل تحت بقى
على\لا مش هتنزلى الا لما تقولى مالك انا مقدرش اشوفك وانتى كده ابدا
روفيدة\صدقنى لما اخد المسكن هكون كويسة
على\ماشى يعنى لما اجى هلاقى روفيدة الى اتعودت عليها
روفيدة(بتحاول تبتسم)\اه
على\وعد
روفيدة\وعد
على\طب يلا ننزل
مشيت روفيدة بجانب على وجدته يتجه الى باب الفيلا نادت عليه
روفيدة\على
على\نعم
روفيدة\انت مش هتفطر
على\هفطر هناك اصلا اتاخرت
روفيدة\طيب بس لازم تفطر
على\حاضر
روفيدة\طب احلف انك هتفطر
على\وحياة روفيدة هفطر
ابتسم لها على وهى ايضا واعطى لها ظهره ومشى لكى يخرج ولكن
روفيدة\على
على(التفت لها)نعم
روفيدة\خلى بالك من نفسك
على\حاضر
مشى على هذا المرة وخرج لكى يذهب لعمله اما روفيدة ذهبت الى المطبخ لتاخد مسكن
