الرجل الاربعيني باللهجة الليبية

البارت 30الاخيير من الجزء الاول

وخطبها وقري الفاتحه ومشت معاهم من غير عرس ولاشي تقري غاديكاي وبيتزوجو رسمي...

داليا.. غرييبه اول مرة نسمعها .. كاني مش في ليبيا صح .ههه

اروي..واني تزوجت أحمد قبل سنه ..بوي هو صااحبه عندهم سفقه زي كل مرة ...واني ماشيه مع بوي في السيارة ..
تلاقينا في الطريق بالحق انغريت في شكله وطووله ..
ومركزه في لبلاد ..بوه سفيير في البحرين في وقت النظام السابق...عهد.القدافي يعني

وتعرفت اعليه .. تبي انقوولك حبيته ممكن انعجبت بيييه .. كل مرة لما نمشي معاه انلاحظ في تصرففات غريبه عنده ...

طبعا بوي وبوووه صحبه همهم لفلووس ..
مرة من المرات جي بوي قاالي ..احمد ولد عمك بلقااسم ..
خطبك مني واني وافقت مش حتلقي حد زييا ..
ولا شااورني ولاشي .. اني اهني حسيت روحي خلاص متخرجه من جامعه طرابلس علم لغاات ؟.
وشن بنقعد علي اي اساااس ...
وامي لاهيه في رووحها... كلمت رعد قعد انراسل فييه ميردش عليا انكلم ولا عبرني .

نبي وقتها من ينصحني نبي انحس انه الي انديير فيه صح لاكن للاسف رعد وقتها ناااقم علي بووي ...
لانه بجد حطملا حيااته وخلاه من غيير سند ..

المهم .. وافقت علي احمد صح كنت فرحانه لاكن خاايفه نفس الوقت ...صارت الخطبه و بدى يمشي ويجي علي حوشنا ... قدمت اوراقي نبي نشتغل مترجمة في الشركه ..
رفض قبل لا نتزوجو ممنووع قطعا ولا حاجه ادييريها...
سكتت وقلت معليشي ممكن غييرة ممكن هو يبيني اني برووحي بس...وقتها ضااايعه ولا مرشد ولا منصح.. حتي مودة بعييدة عليا نهاائي بوي ربااها علي اسااس انها ولد كل شي يعرفه بووي ..عند مودة..
حتي الصفقات والاموال ضروري مودة تعرف بييه وتوتييق اهم شي عندها .. يعني بالمختصر مودة مش جو زواج وحب ..لالالا بعيييييدة كل البعد علي الموضوع... وصحه لييها...

داليا... اي حسيت هشي حتي حاادة وجاافة هللبه في اسلووبها مش زيك انتي حبييتك من اول يووم حسييتك رووحك حلوة ..وجيهان من اليووم بنتي اني هههههه حق وين جبتيها بنتك عند طليقك ولا عند بوك ..

اروي... اهو جاياتك بااكلام... بعد ما رفض الشغل تفاجات بييه .. امكلم بوي ومحدد العرس الخميس الجااي في الصاله الفلانيه واني معندييش علم...

اني اهني حسييت رووحي تورطت ولازم نفسخ باي طريقه ..حسيت في وقتها اني لعبة بيينهم...

المهم كلمته قتلا ..لو اتموووت منتزوجش وااحد معندااش مشااعر وتفااهم ولي يمحيلي شخصييتي منكملش معاه ..
تعاركنا وكلام مني ومنك ..وصلت بووي ..وبووي ..
عنده مصلحه مع بو احمد وبيخسر لو سار سوء تفااهم بيناتهم ...
وجبرا .. واافقت ...
وتزووجت احمد ..مش تزوجته عدمت رووحي.. ليلة عرسي ...لقيته سكرااان تخييلي...احم معليشي ..

داليا... تحكي وتبكي ..وعيوونها كانها عاودت القهرة الي شبحتها من الجديد.. مشيت جبت اميه ..وعطيتهالها..
خلاص اروي لو متبيش تحكي معلييشي مرة تاانيه...