Fleeting Skies

Chapter 15

CHAPTER 15

The most awaited day of the pageant had come. Punong-puno ang auditorium ng mga tao para manuod sa mga contestants. Hindi na lamang ito exclusive for the campus but the relatives were invited as well. Kaya naman present ang buong pamilya ko para suportahan si Alyana, more surprisingly my dad, who really cleared his schedule for this event.

"What's with the face, kuya? Natatae ka ba?" anang kapatid ko. Hindi ko ito pinansin at luminga sa paligid.

Manunuod raw kasi sila Rover at Zach ngayon pero hindi ko pa nakikita miski anino nila parehas. Kahit si Cryd, hindi ko mahagilap.

Naghiyawan ang mga tao nang lumabas na ang emcee, senyales na mag-uumpisa na ang event. Hindi na rin ito pinatagal pa at tinawag na ang mga contestants sa harap. Hinanap ko kaagad si Alyana. Naka-uniformed shirt sila at jeans para sa unang segment. Si kuya Mike ang nag-ayos kay Alyana at ang siyang kasama nito sa dressing room.

"Grabe, sobrang ganda talaga ni ate Aly!" bulalas ni KL. May dala itong banner para sa ate niya at si mama naman ay todo kung makahiyaw na akala mo finals na.

Pagkatapos ng introduction nila, iginawad na sa mga contestants ang minor awards. Nakakuha ng tatlong awards si Xy. Nagwala naman ang mga HUMSS nang masungkit ni Alyana ang Miss Congeniality at Miss Photogenic award. Todo kuha naman ng litrato si mama kaya hindi na ito halos makaupo.

While she was receiving her awards, I couldn't help but to be proud of her. I mean, it just hits differently when you were there, seeing how she struggled gaining her confidence. Maybe because she's surrounded by supportive women at home who always hypes her up. She may be joining more prestigious pageants in the future... and I'll be the proudest.

Iginala ko muli ang paningin ko upang hanapin ang kahit sino sa mga kaibigan ko pero wala pa rin sila sa venue. Hindi rin naman sila nag-rereply.

Sumayaw muna ang dance troupe upang makapaghanda ang mga kandidata sa creative gown competition na siyang susunod. Noong pre-pageant,nagbunutan sila ng bansang ire-represent nila at kailangang mai-showcase sa long gowns nila ang uniqueness ng mga bansang napili nila.

"Ano? Paanong nangyari 'yon?" Napalingon ako kay mama na mukhang nagpapanic. Pinatay nito ang cellphone at nagmamadaling inilapag ang bag sa upuan.

"Nasira raw ang gown ni Alyana. Pupuntahan ko muna." Nagmamadali itong tumayo kaya sumunod na ako kahit bawal ako sa dressing room.

Nagkakagulo sila doon nang maabutan namin, lalong-lalo na si kuya Mike na parang makakapatay na ng tao sa sobrang inis niya. Suot na ni Alyana ang gown sa isang gilid. Nakangiti lamang ito ngunit mahahalata mo na medyo balisa.

"I swear, sabotage 'to, mare!" ani kuya Mike habang tinatastas ang mga sinulid sa gilid ng napunit na gown.

Mukhang nadiskubre lamang nila ang sira nang maisuot na ito ni Alyana. Ang laki ng punit nito kaya naman mahahalata mo na may sumadya dahil sa paraan ng pagkakapunit nito. Paano na lang kung hindi pa ito agad nakita at rumampa na siya sa stage?

Napamura ako sa inis. Kung sabotage nga ito, ang laki ng galit ng gumawa nito kay Alyana.

"Teka," Hinawi kami ni mama at nagulat na lang kami nang maglabas ito ng gunting. Tinitigan nito nang mabuti ang gown at halos mapasigaw si kuya Mike nang punitin ito lalo ni mama.

Only then did we realize what she was doing. Nireremedyuhan nito ang gown ni Alyana.

Pinalabas na ako doon dahil hindi naman na raw ako kailangan. Sinigurado ni kuya Mike na magiging okay na ang lahat kaya naman sumunod na ako dahil andon naman si mama. Alam kong hindi niya pababayaan si Alyana.