الرجل الاربعيني باللهجة الليبية

البارت الثالث والعشرين

رعد... قعدت امقعمز في حوش نوري والمربوعه امعبيه
خواله وانساابه اتنين .. خواته اربعه زوز متزوجات واتنين لا

وجماعة الشاارع..اني علي نااار مش عارف انجاامل الحق انحس في رووحي غريييب ..
او طبعي يختلف ...
تعشيينا واني استأدنت نبي نطلع بكري الصببح طالعين للجنوب يوم ومروح
مش عارف كيف انديير في داليا يوم انحسها اتحبني
ويوم انحس روحي كبيير اعلييها..

سلمت وطلع معاي نووري ..

نوري . والله نبو تهدريزة بااهيه لغدي غدوة عندك ان شالله.

رعد... والله ياريت كلمني خييري قاالي غدوة طالعين للجنوب بنأمن الطريق ويسيير خيير بعدها

مرات انأجلوها الي يوم السبت ..

نوري.. لاله توكلو غدوة ان شالله السبت الصبح اتكونو اهني ونتعشو بعدها مع بعض.

رعد.. والله الا حاااير في داليا وين بنحطها مش عاارف مرت خييري قاالي خيري عادي لاكن هيا راسها امصكر عاارفها كان هدرزت امعاها تخرط الاول والتاالي ..

نوري.. شن موضوعك قصدك ما صاير شي الي اليوم ..

رعد.. حتي شي.... والله بيني وبيينك ياراجل زادت شيبتني الحق ..
يوم انحسها ابيض ويوم اسوود ..المهم ورطه ياخاااال...

نوري.. تي قبها تووولع يااصاحبي ..الدنيا هكي راه ..

رعد.. ان شالله نتلاقو علي خيير نوري ارتااح يوميين وان شالله بعدها انهدرزو ..

سلمت اعليه وطلعت باالي مشوش بيين انه عقلي راافض الفكرة انها تكوون مرتي شرعا
وقلبي ايقوول لا قدامك حلاالك خليييك قدها وتزوج وشوف صغااارك قبل لا الموت ترفعك ..

طريق كاامله حرقت جد جدي بالدخان باكو وراي بااكو ...

وصلت للحوش فتحت الباب شميت ريحة كيكه وروايح امعبييه الحووش ..
حطيت المفتاح علي الطااوله قدام التلفزيوون وخشييت ..مشيت للكوجينه لقيتها اطييب وااقفه لابسه اصفر مركزتش اعليها مزبووط .

كيف بنكلمها درت روحي مش امدور ورقييت
الفووق ..
بدلت لبستي وطلعت نزلت لوطي في الصاله قعمزت
علي التلفزيوون ونسمع فيها اتقربع في الكوجينه الساعه 11 ونص وهيا قعدة فييها ..

داليا...اول ما طلع رعد من الحووش مشييت للكوجينه طيبت عشي وتعشيت ودرت كيكه وزينتها وقهوة وتيت صفرة نبي انراضييه
حسيته زعل مني لما قتلا جدو ..
مرات انحسه قرييب ومراات يبعد حرت كيف انتعامل معاه وحييرني الحق ....
لبست توته صفراء وشديت شعري ودرت رووج احمر اول مرة نستعمل مكيااج وكحلت عيوني طلعت حلوة...
هو جي ولا كاني مووجودة ولا عبر ..
قبل لما ايجي ايسلم توة داير رووحه زعلان. .

قعدت نستني فييه نزل وقعمز علي التلفزيون لابس تشيرت اسود نص كم اني انراقب مع الكووجينه ..