كيف أنسى

جزء ١١

الحلقه ١١

استيقظت سهي من نومها بعد ان احست تعب في رقبتها فتحت عبناها لتجد نفسها نائمه علي الارض بفستان الزفاف نظرت الي نفسها بحسره ثم قامت و اخذت دشا لتزيل به اثار نومها و عينيها اللتان انتفختا من كثره البكاء خرجت من المرحاض
و كانت تاركه شعرها البني الحريري ينسدل علي كتفها
جلست علي السرير وهي تتفحص اللاب توب الخاص بها و الموبايل بملل الي ان سمعت دقا علي الباب
•••••••••••••••••••••••••••••••••
استيقظ ادم من نومه وهو يشعر بالارهاق اخذ دشا ثم خرج من غرفته ليتوجه الي المطبخ وبينما هو ذاهب الي هناك سمع صوت مياه يأتي من احدي الغرف فعلم ان سهي تمكث في هذه الغرفه توجه الي المطبخ و قام بتحضير الفطور و ما ان انتهي حتي صعد الي غرفته و ابدل ملابسه باخري مناسبه للخروج و توجهه الي غرفه سهي و طرق عده طرقات قبل ان تأذن له سهي بالدخول
•••••••••••••••••••••••••••••••••
طرق باب غرفه سهي فعلمت انه ادم فقالت دون ان ترفع راسها عن شاشه اللاب توب:

سهي:ادخل

ادم:صباح الخير

سهي(وهي لازالت تنظر الي شاشه اللاب توب):
صباح النور

ادم:عامله ايه النهارده

سهي(وهي تنظر له بابتسامه سخريه علي شفتيها):يهمك اوي يعني

ادم(بهدوء):اه يهمني

سهي(وهي تنزل من علي السرير لتقف في مواجهته):انا بقي مش عايزاك تتدخل ولا عامله ايه ولا معملتش ايه و انا كده كده مش ناويه اسألك و لا اتدخل في اي حاجه تخصك و يا ريت تلتزم بده لحد ميعدي شهرين ولا حاجه و بعدين نتطلق تمام

ادم(وهو يتفحصها من راسها لاخمص قدميها ثم قال بشرود):و حد يبقي متجوز الحلاوه دي و يطلقها

سهي:نعم؟

ادم(و قد افاق من شروده):و مين قالك اني هطلقك اصلا

سهي(وقد بدات تفقد اعصابها):نعم انت هتستهبل (ثم قالت بحزم)انا مقبلش اني افضل علي ذمه واحد غشاش زيك ثانيه واحده قدامك شهرين يا ادم يا تطلقني يا أما هخلعك و انا معنديش حاجه اخسرها

ادم(وهو يمسك يدها بعنف و يقول بعصبيه):اسمعي يا بت انتي انتي عارفه انا لو مكنتش بحبك كنت مسحت بيكي البلاط علي القلم اللي ادتيهولي امبارح بس انا ساكتلك عشان بحبك لكن لو هتسوقي فيها والله مايهمني اي حاجه و اشغلك خدامه عندي ولا يهمني

سهي(وقد بدأت تتألم من قبضته):ده عشان انتا واحد حقير

لم يشعر ادم بنفسه الا وهو يمد يده ليصفعها صفعه مدويه اسقطتها ارضا ثم تركها و توجه الي سيارته ليدور بها حول الفيلا قليلاً لتهدئه اعصابه اما سهي فقد كانت علي نفس حالتها وقد اصابها الذهول لكن ما ان افاقت من ذهولها حتي دخلت في نوبه من البكاء المرير لم تتوقف عنها الا بعد عده ساعات
•••••••••••••••••••••••••••••••••
عاد ادم الي المنزل بعد حوالي ساعه و نصف و بينما هو متوجه الي غرفته سمع صوت بكاء سهي من خلف الباب فكر في الذهاب اليها لكنه قال انه لن يزيد الطين الا بله لكن قلبه لم يطاوعه فذهب اليها و بعد عده طرقات فتحت سهي الباب في عنف وهي تقول له:

سهي(بعصبيه و بكاء):عايز ايه تاني

ادم(باسف):سهي انا اسف والله العظيم انا مش عارف انا عملت كده ازاي بس سامحيني والله انا اسف

سهي(وهي تتوجه الي داخل الغرفه):انا غلطانه اصلا اني وافقت اتجوز من الاول بس مش مشكله احنا لسه فيها و انا هصحح الغلطه دي بنفسي

ادم(وهو يدخل ورائها):سهي هتعملي ايه استني والله العظيم انا اسف يا سهي انا مقدرش اعيش من غيرك

سهي(وهي تلملم ملابسها في حقيبه):مالوش لازمه الكلام ده يا ادم انا خلاص قررت قرار و مش هرجع فيه

ادم:(وهو يقف قبالتها):سهي ابوس ايديك ماتمشيش والله العظيم انا اسف والله كل اللي قلتيه ده مش صح انتي اللي مش فاهمه حاجه

سهي(بهيستيريا و بكاء):اه فعلا انا مش فاهمه حاجه لما بنت عمك تجيلي قبل الفرح و تقولي انك اتجوزتني عشان تاخد ميراث عمامك الاتنين و تطلعلي قدام عيني الوصيتين و انا المفروض اني ابين اني قويه بقي و كده ابقي انا مش فاهمه حاجه كفايه اصلا انك حطيتني في موقف زي ده (ثم تابعت وقد هدأت قليلاً) طلقني يا ادم

ادم(وهو يمسك بيدها):سهي والله العظيم انا اسف سهي انا مقدرش اعيش من غيرك انا والله العظيم بحبك

سهي(وقد عادت الي حالتها):انت كداب انت واحد كداااب طلقني و دلوقتي حالا انا مش طايقه اعيش معاك

و بحركه لا اراديه قام ادم بضمها اليه حاولت هي ابعاده عنها لكنه كان متمسكا بها بقوه

ادم(وهو يحتضن وجهها بيديه):اهدي كده و هنقعد نتكلم لما تهدي انا اعرف مين قالك ايه و انا اقولك الحقيقه تمام

سهي(بصوت خافت دون ان تنظر اليه):تمام
•••••••••••••••••••••••••••••••••
خرج ادم من غرفه سهي و كانت قد هدأت قليلاً مرت دقائق الي ان وجدت هاتفها يرن وجدتها شروق فردت سهي قائله:

سهي(بصوت حاولت ان يخرج طبيعيا):الو

شروق(بسرعه و بصوت باكي):سهي الحقيني ماما

سهي(بخضه):في ايه يا شروق ماما حصلها حاجه

شروق(بنفس النبره):ماما ماتت يا سهي

سهي(بصريخ و صوت عالي):اييييه طب طب انتوا فين دلوقتي؟

شروق:احنا في مستشفي.........

سهي:طيب انا جايه حالا
•••••••••••••••••••••••••••••••••
نزل ادم من غرفه سهي و توجه الي غرفه المعيشه جلس يتابع التلفاز في ملل الي ان سمع صوت سهي وهي تصرخ فقام و توجهه بسرعه الي غرفتها قائلا:

ادم(بفزع):ايه في ايه

سهي(ببكاء):ادم ماما ماتت يا ادم

ادم(بحزن):لا حول و لا قوه الا بالله

سهي(وهي تنظر اليه برجاء):ادم انا عايزه اروح القاهره

ادم(بسرعه):ايوه طبعا البسي انتي علي ما انا اسخن العربيه

سهي:طيب
•••••••••••••••••••••••••••••••••
مر اسبوع كامل دون اي تغيرات سهي كانت لا تزال حزينه علي امها و ادم كان لا يريد ان يتحدث معها وهي في هذه الحاله وفي احد الايام استيقظ ادم ظهرا علي صوت هاتفه فرد قائلا:

ادم(بصوت نائم):الو

ليلي:ايه يا ادم انت لسه نايم دلوقتي

ادم:اه معلش يا ماما اصلي نايم بعد الفجر

ليلي(بخبث):اه انا كنت بتصل عشان اطمن عليك انت و سهي بس اكيد هي كمان نايمه

ادم(وهو يخرج من الغرفه):لا صاحيه استني اناديهالك

ليلي:طيب

خرج ادم من الغرفه وهو يبحث عن سهي فوجده تجلس في غرفتها علي السرير و يبدو عليها الحزن فقال لها:

ادم(وهو يمد يده بالهاتف اليها):سهي ماما عايزه تكلمك

سهي(وهي تاخذ الهاتف من يده):طيب....الو

ليلي(بحبور):ازيك يا سهي عامله ايه يا حبيبتي

سهي(بحزن و صوت خافت):الحمدلله

ليلي(بحزن علي حاله سهي):انتي لسه زعلانه يا سهي

سهي(بتنهيده):و انا المفروض انسي يعني

ليلي:يا حبيبتي محدش قالك تنسي بس ده قدرنا كلنا يا سهي كلنا مسيرنا نموت و بعدين تفتكري مامتك كانت هتبقي مبسوطه وهي شيفاكي في الحاله دي

سهي(وقد اغرورقت عيناها بالدموع):انا عارفه يا طنط والله بس مش قادره بجد

ليلي:متخافيش الدنيا بتلهي و انتي كلها شويه و هتنزلي الشغل تاني و الدنيا تاخدك و تنشغلي بقي بالبيت و الولاد باذن الله و كل حاجه هتشغلك المهم انتي متزعليش نفسك كده

سهي(و كأنها تذكرت شيئا):طيب معلش يا طنط انا هقفل عشان افتكرت حاجه مهمه لازم اعملها

ليلي:ماشي يا حبيبتي مع السلامه

سهي:سلام
•••••••••••••••••••••••••••••••••
نزلت سهي من علي السلم بسرعه و هي تبحث عن ادم حتي وجدته يجلس جلسته المعتاده امام التلفاز فجلست بجانبه مما اعطاه شعورا بالدهشه و الفرحه في آن واحد فمنذ تزوجا و لم تخرج سهي من غرفتها ناولته سهي هاتفه وهي تقول:

سهي(وهي تناوله الهاتف):اتفضل

ادم(وهو ياخذ منها الهاتف):شكرا

سهي:العفو

صمتت سهي قليلاً و قد بدا عليها التفكير فقطع ادم هذا الصمت قائلا:

ادم(وهو ينظر الي التلفاز):هاا عايزه تقولي ايه او عايزه تسألي علي ايه

سهي(وهي تنظر له مندهشه):عرفت منين

ادم(بابتسامه):عرفت و خلاص ها قولي عايزه ايه

سهي(وقد بدا عليا التردد):هو انا هو انا يعني هكمل شغل في الشركه عادي ولا

ادم(وهو يغلق التلفاز و يلتفت اليها):انتي عايزه تشتغلي ولا لأ؟

سهي(وقد هدأت قليلاً):امم عايزه

ادم(وهو يمط شفتيه):اوك مفيش مانع بس عندي شرطين

سهي(بحماس):موافقه

ادم(ضاحكا):مش لما تعرفي ايه هما الاول

سهي(بمرح):طب قول و انا موافقه بردو

ادم(بابتسامه):اول شرط مرتبك لازم هيزيد ماينفعش تبقي مراة صاحب الشركه و تبقي زي باقي الموظفين كده ولو اني شايف ان المرتب مالوش لازمه اصلا بس يلا مش مشكله تاني شرط مكتبك هيبقي مع مكتبي في نفس الاوضه عشان محدش يضايقك و تبقي تحت عيني اربعه و عشرين ساعه

سهي(بعبوس):ادم انت عارف رأيي في الموضوع ده انا مش بحب اتعامل علي اساس انا بنت مين او مراة مين

ادم(و هو ينظر لها بعمق):و انا اعرف رأيك منين هو انا بحبك اصلا

سهي(وهي تنظر له):نعم؟

ادم:مش انتي اللي بتقولي كده ولا انا جبت حاجه من عندي؟

سهي(وقد بدأت تنفعل):و انا مالي انا اللي انتا عملته ده هو اللي خلاني اقول كده

ادم(وقد بدا يستغل انفعالها):اموت و اعرف مين اللي قالك علي حكايه الميراث دي

سهي(بسرعه):جيرمين

ادم(ولم يبد انه قد دهش مما سمع):كنت متوقع (ثم قال وهو يسال سهي)و تفتكري ليه عملت كده

سهي:وانا ايش عرفني انا مش هي بنت عمك انتا
ادم(وهو يضرب بسبابته فوق ركبتها):انا بقي اقولك ليه عشان يا ستي هي كانت بتيجي عندنا كتير اوي زي سالي و يمكن اكتر كمان بس يا ستي و انا كنت بعاملها زي اختي يعني مش اكتر بس هي ترجمت معاملتي ليها دي علي اني بحبها و بعد وصيه عمي عبدالله بكام يوم هيا اعترفتلي بحبها علي اساس ان انا بحبها و هتجوزها و كده و انا قلتلها اني كنت بعاملها علي اساس انها اختي بس و من ساعتها وهي مش سيباني في حالي

سهي:مش سيباك في حالك ازاي يعني

آدم:يعني بردو كانت لزقه كده و كانت قايله لصحابها ان انا بحبها و هتجوزها و حاجات كده بس من ساعه ما عرفت اني خطبتك وهي بطلت تيجي

سهي:هي كانت بتحبك اوي كده

ادم:حب امتلاك

سهي(باستغراب):ازاي يعني

ادم:يعني هي شافت انا ابن مين ابقي ايه في البلد و الفلوس عندي اد ايه فعجبها الموضوع (ثم مال علي اذنها وهو يقول)و علي فكره اختها كمان كده

سهي(بغيره):و انت بتقولي الكلام ده عادي يعني في وشي كده

ادم(وهو يحاول استفزازها):و انا مالي بمشاعرك هو انا بحبك اصلا

نظرت اليه باستغراب فقال لها:

ادم:الله بتبصيلي كده ليه مش انتي اللي بتقولي اني مش بحبك

سهي(وهي تحاول استفزازه هي الاخري):و لا انا بحبك اصلا بس لما لقيتك بتزن كتير كده قلت اوافق و خلاص

ادم(وقد ادرك ما تحاول فعله فقال في تحدي):لا بتحبيني

سهي(بتحدي هي الاخري):لا

ادم:لا بتحبيني

سهي(بعند):قلت لا

ادم(وهو ينظر الي عينيها مباشره):لا بتحبيني

سهي(بملل):يوووووه بقي ماشي بحبك بس انت مبتحبنيش

ادم:مين قالك كده

سهي:انت

ادم(باندهاش):انا

سهي(وهي تومئ برأسها متصنعه الحزن):اممم

ادم:يتقطع لساني قبل ما اقولك كده

سهي(وهي تضع يدها علي شفتيه قائله بتلقائيه):بعد الشر عليك

ادم(وهو يقبل يدها):طب ما انتي بتحبيني اهو اومال من شويه كنتي محسساني انك اتجوزتيني شفقه يعني

سهي(وهي تسند رأسها الي صدره):عادي يعني

ادم:ماشي يا ستي خليكي تعباني معاكي كده علي طول

سهي(وهي لازالت علي نفس الوضع):بتحبني يا ادم

ادم(وهو ينظر اليها):لسه بتسألي

سهي(وهي تنظر اليه):امم عايزه اعرف

ادم(وهو يقبلها):بموت فيكي

سهي:مش مصدقاك

ادم(وهو يحملها علي كتفه):طب تعالي اثبتلك

ثم توجه بها الي غرفه نومه ولم يتركها الا وهي زوجته
•••••••••••••••••••••••••••••••••
استيقظت سهي في صباح اليوم التالي و نظرت بجانبها لتجد ادم مستيقظا يعبث بهاتفه فقالت له سهي:

سهي(بصوت ناعس):صباح الخير

ادم(ولم يرفع عينه عن هاتفه):صباح النور

سهي(وهي تعتدل في جلستها):مالك؟

ادم(وهو يمط شفتيه):في مشاكل في الشغل

سهي:مشاكل ايه

ادم:مش عارف هكلم اسر اسأله......الو

اسر(علي غير مرحه المعتاد):ايوه يا ادم تعالي علي الشركه بسرعه

ادم(بعدم فهم):هو فيه ايه؟

اسر(بسرعه):بقولك تعالي علي الشركه بسرعه اه و متنساش تجيب سهي معاك

ادم(بغضب):و اجيب سهي معايا بتاع ايه يعني

اسر(بعصبيه هو الاخر):نعم يا اخويا انت مش قلت انها هتشتغل معانا

ادم(بعصبيه):سهي مراتي يا حبيبي و ليها حصه في الشركه زيها زيي و زيك و زي احمد و مش هتنزل الشركه دي غير وقت ما انا عايز

سهي(بدهشه):نعم

ادم:سلام يا اسر انا جاي حالا

توجه ادم الي دولابه بينما لاحقته سهي وهي تقول:

سهي(بعصبيه):استني هنا فهمني ايه اللي انا سمعته ده؟

ادم(ببرود و هو يخرج ملابسه):زي ما سمعتي كده
سهي(بعصبيه):هو انا هفهم فيك كام مره انا مش عايزه منك حاجه

ادم(بعصبيه):دا انتي فقر انا نازل

وقفت سهي مذهوله مما قاله لها ادم لكنها لحظتها ادركت ان حياتها مع ادم لن تنتهي علي خير
•••••••••••••••••••••••••••••••••

توجه ادم الي الشركه بسرعه بالغه صعد ليجد كل شئ يبدو طبيعيا توجه الي مكتبه ليجد اسر يجلس في مكتبه و يقول له:
اسر(بمرح):تصدق انك كائن ممل و ماتستاهلش

ادم(بعدم فهم):هو في ايه؟

احمد:ولا حاجه يا سيدي بس كنا هنعملك حفله في الشركه بمناسبه جوازك انت و سهي بس حضرتك نشفت دماغك و مجبتهاش

ادم(وهو يتوجه الي خارج المكتب):اه طب سلام بقي
•••••••••••••••••••••••••••••••••
خرج ادم من المنزل لتدور سهي فيه باحثه عن اي شئ تفعله فلم تجد شيئا يمكن فعله فتوجهت الي المطبخ و لم تجد به ما يمكن ان تفعله هو الاخر زفرت بضيق ثم توجهت الي غرفتها و بينما هي صاعده السلم سمعت صوت غلق الباب ظنت انه ادم لكنها نظرت الي ساعتها لتجد انه لم يمر غير ساعه واحده منذ ذهاب ادم الي عمله كما انه يوجد مشاكل بالعمل مما يعني انه لا يمكن ان يكون ادم شعرت بالخوف فنزلت عده درجات من السلم و نظرت في اتجاه الباب لتجد انه ادم بالفعل و عندما راها قال لها:

ادم:سلامو عليكو

سهي:عليكم السلام

ثم صعدت الي غرفتها في سرعه و صعد ادم هو الاخر الي غرفته و ابدل ملابسه و توجه الي غرفه سهي طرق الباب فاذنت له بالدخول فقال:

ادم(وهو يجلس علي السرير امامها):انا اسف

سهي(وهي تنظر الي شاشه اللاب توب):ليه انت قولت حاجه تزعل

ادم:طب بصيلي طيب

سهي(وهي تنظر اليه بلامبالاه):اهو

ادم:طب والله انا اسف انتي عارفه ان انا عصبي فمعلش استحمليني

سهي(وهي تنظر له بعمق):ادم انا عايزه اسألك سؤال واحد (ثم تابعت سائله)تفتكر احنا بالوضع ده هنعرف نكمل مع بعض؟

اطرق ادم رأسه و نظر الي الارض بينما كانت تنظر له سهي في محاوله لسماع رده فقال لها:

ادم(وهو ينظر لها):ممكن بس لو استحملنا بعض

سهي:بص يا ادم انا اكتر حاجه اكرهها ان حد يلوي دراعي او يحطني قدام الامر الواقع او يبقي عارف ان الحاجه دي بتضايقني و يعملها

ادم:والله حكايه الاسهم دي انا كنت عارف انك مش هتوافقي من الاول عشان كده كتبتهم باسمك علي طول و بعدين انا بعمل كل ده عشانك و عشان تثقي فيا

سهي:انت كده بتهز ثقتي فيك لانك بتعمل الحاجه اللي تضايقني و انت عارف اني بتضايق منها

اد(وهو يقرص وجنتيها):خلاص بقي يا ستي اخر مره

سهي:خلاص ماشي

ادم(وهو يحتضنها):هي اول سنه جواز كده و بعدين بكره يبقي عندنا نونوهات كتير و ساعتها مش هنسيب بعض لحد ما نموت

سهي:اه يعني مش هتسيبني عشان النونو بتاعك
ادم:لا طبعا انا مش ممكن هسيبك ابدا

سهي(وهي تنظر له):بحبك

ادم(وهو يقبلها):وانا بموت فيكي
•••••••••••••••••••••••••••••••••
استيقظت سهي في اليوم التالي علي صوت جرس الباب سمعت صوت الماء بالحمام فعلمت ان ادم بالداخل ارتدت اسدالها و توجهت الي الباب فتحته لتجد سيده في اواسط الاربعينات تقول لها:

المرأه:اهلا يا سهي هانم انا سنيه ليلي هانم بعتاني انا و الخدامين اللي معايا قالتلي ادم بيه قالها انه عايزنا هنا في الفله

سهي(وهي تبتعد عن الباب قليلاً):طيب اتفضلوا

دخل الخدم الي المنزل بينما استتقلت سهي وجودهم لكنها مع ذلك كانت تتعامل معهم بلطف شديد قالت لها سنيه:

سنيه:تحبوا تتغدوا ايه النهارده يا هانم

سهي(بسرعه):لا متتعبيش نفسك انا اللي هطبخ علي طول (ثم استطردت قائله)و بعدين ايه هانم دي ده انا قد بنتك يا داده تقوليلي سهي علي طول

سنيه:لا ازاي الناس مقامات برضو

سهي:يا ستي انا عايزاكي تقوليلي سهي

سنيه:حاضر يا هانم

سهي(وهي تصعد السلم):برضو هانم
•••••••••••••••••••••••••••••••••
صعدت سهي الي غرفتها لتجد ادم يجلس علي احد الكنبات الموجوده وهو يضع اللاب توب علي قدمه و يتفحصه بتركيز فقالت له:

سهي:صباح الخير

لم يرد ادم عليها بل لم يكن منتبها لها اصلا فقالت له سهي:

سهي:ادم....ادم...(ثم بصوت عال)ااددمم

ادم(بفزع):هاه في ايه؟

سهي:مالك سرحان كده ليه

ادم(وهو يعاود النظر الي اللاب توب):مفيش شغل

سهي(وهي تتوجه الي الحمام):طيب
•••••••••••••••••••••••••••••••••
خرجت سهي من الحمام بعد ان استحمت
و قامت بربط شعرها علي هيئه ذيل حصان ثم نزلت الي المطبخ لتحضر الغداء
•••••••••••••••••••••••••••••••••
كان ادم يجلس في غرفته بعد ان نزلت سهي يتفقد اللاب توب الخاص به الي ان قد جرس هاتفه برقم لا يعرفه فرد ادم قائلا:

ادم:الو

ليأتيه صوت انثوي حاد يقول له:ايه يا دومه مش عارف صوتي و لا ايه؟

ادم:لا معلش مش واخد بالي مين حضرتك؟

الفتاه:كده يا ادم تنسي صوتي؟

ادم(وفد بدأ يفقد اعصابه):لو حضرتك مقولتيش انتي مين انا هقفل

الفتاه:كده تقفل في وش سالي حبيبتك

ادم(بعصبيه):عايزه ايه يا سالي

سالي:عايزه اشوفك

ادم:تشوفيني ده بتاع ايه انا متجوز بقالي اسبوع يعني حتي امي مبشوفهاش هنزل اشوفك انتي

سالي:هتنزل يا ادم و هتيجي

ادم:مش جايلك يا سالي

سالي:هتيجي بذات لما تعرف ان الموضوع يخص حبيبه القلب

ادم(بخضه):قولي يا سالي في ايه انا مش فاضيلك

سالي:لما تيجي هنتفاهم

ادم(بصوت خافت):انتي مبتفهميش بقولك متجوز من اسبوع يعني مينفعش انزل

سالي(وقد بدأت تفقد اعصابها):اتصرف يا ادم مش هتغلب معاها يعني

ادم:طيب طيب اجيلك فين؟

سالي:في سيلانترو كمان ساعه

ادم:طيب ماشي

سالي:سلام

اغلق ادم هاتفه دون ان يرد عليها فقد كانت سالي اخر من يتمني ان يراه ادم خاصه إذا اضطر الي الكذب علي سهي في مسأله نزوله
•••••••••••••••••••••••••••••••••

نزل ادم الي المطبخ ليجد سهي منهمكه في اعداد الطعام فاحتضنها من الخلف وهو يقول لها:

ادم(وهو يحتضن سهي من الخلف):حبيبتي انا مضطر انزل معلش

سهي(وهي تلتفت اليه):يعني مش هتتغدي معايا (ثم ارتسمت علي شفتيها ابتسامه وهي تقول بسرعه)خلاص مش مشكله بس متتأخرش (ثم قالت وهي تلف يدها حول رقبته)مبحبش اقعد لوحدي

ادم(وهو يقبلها):بس كده من عنيا ساعه بالكتير و هتلاقيني عندك

سهي(بنبره طفوليه):طيب بث جيبلي ثوكولاته و انت جاي

ادم(وهو يقبلها مره اخري):لو مكنش مشوار مهم كنت فضلت قاعد معاكي

سهي:خلاص يلا روح عشان متتأخرش

ادم(وهو يطبع قبله علي وجنتيها):باي باي يا روحي

سهي(بابتسامه):باي
•••••••••••••••••••••••••••••••••
وصل ادم الي المكان المنشود وهو يشعر بالضيق فقد عاهد نفسه منذ زواجه بسهي انه لن يكذب عليها لتكون حياتهما مبنيه علي الصدق مما اعطاه شعورا بالذنب و الضيق في أن واحد فلعن سالي في سره و اليوم الذي رآها به ثم توجه الي حيث كانت تجلس و قال لها:

ادم(وهو يجلس):عايزه ايه

سالي(بدلال):طب مش تقول مساء الخير او اي حاجه

ادم(وقد بدأ يفقد اعصابه):انا مش جاي اتساهر معاكي انجزي عايزه ايه

سالي(وهي تسند ظهرها الي الكرسي):عايزاك امممم تتجوزني

ادم(بعصبيه بالغه):نعععممم ده بعدك انا اتجوزك انتي بتاع ايه روحي يا شاطره العبي بعيد

سالي(بغل):يا كده يا تقول علي حبيبه القلب يا رحمن يا رحيم

ادم(وهو يترك المكان):انا مبتهددش و اعلي ما في خيلك اركبيه
•••••••••••••••••••••••••••••••••
كانت سهي جالسه تشعر بالملل وحدها الي ان دق جرس الباب ارتدت اسدالها في سرعه ثم ذهبت لتفتح الباب لتجد انه لا يوجد احد كادت ان تغلق الباب لولا ان رأت ظرفا ابيض موضوعا امام الباب تناولته ثم اغلقت الباب قامت بخلع اسدالها ثم فتحت الظرف لتجد مجموعه صور تجمع ادم بسالي كانت سهي تقلب فيهم بملل بل انها لم تعرهم اي اهتمام من الاصل فهي كانت تعلم ان سالي كغير الفتيات اللاتي يردن ادم لهن لكن الشئ الوحيد الذي برد نار غيرتها هو حبه لها لكنها تسائلت عن من من الممكن ان يرسل هذه الصور اشار لها عقلها انها بالتأكيد سالي لكن ما لبثت ان تذكرت جيرمين و ما حاولت فعله او بالاصح فعلته ان افسدت لها ليله زفافها لكنها سرعان ما نفضت هذه الافكار فهي لن تضايق نفسها و زوجها بهذه التفاهات فمن الواضح ان المقربات من عائله الشاذلي لازلن لم يعلمن من هي سهي
•••••••••••••••••••••••••••••••••
خرج ادم وهو يكاد لا يري امامه من فرط عصبيته لكنه فضل ان لا يعود الي المنزل بهذه الحاله فاوقف سيارته امام البحر يتأمل مظهره شعر بالخوف علي سهي مما قالته سالي فاَخر ما يتمناه هو ان تؤذي سهي من تحت رأسه لكنه في نفس الوقت لا يستطيع ان يجرحها جرحا غائرا بهذا الشكل في مشاعرها فلن يتمكن من الزواج من غيرها وهي؟ماذا ستفعل ان علمت بهذا الامر بالتأكيد سوف تطلب الطلاق لكنه لن يستطيع ان يتركها فهي الهواء الذي يتنفسه احس ادم بالاختناق فتنفس بعمق و قد هدأ قليلاً حاول طرد كل هذه الافكار من عقله لكنه كان يتذكر جمله سالي "يا تتجوزني يا تقول علي حبيبه القلب يا رحمن يا رحيم"
•••••••••••••••••••••••••••••••••
كانت سهي تتابع التلفاز بملل كعادتها فلم تعتد المكوث بالبيت لفتره طويله دق هاتفها فنظرت له لتجدها جيهان فقالت لها:

سهي:جيجي عامله ايه يا بنتي وحشاني

جيهان:قال يعني بتسألي ده انتي من ساعه ما اتجوزتي و انا مشوفتكيش غير يوم العزا بتاع مامتك (ثم تابعت كأنها تذكرت شيئا)صحيح عملتي ايه مع ادم يوم الفرح

سهي(ضاحكه):ضربته بالقلم

جيهان(بعدم تصديق):بتهزري وش

سهي:لا والله مش بهزر (ثم قصت عليها سهي ما حدث)بس كده يا ستي

جيهان:المهم ان كله تمام و مفيش اي مشاكل ولا اي حاجه

سهي:لا الحمدالله (ثم استطردت قائله)المهم مش هشوفك بقي ولا ايه

جيهان:تعالي نتقابل في اي حته

سهي(بتافف):ماليش خلق انزل خالص مستتقله اصلا اقوم من مكاني

جيهان(بخبث):لا يكون حصل

سهي:لا اطمني هقولك لما تيجي

جيهان:اجي فين

سهي:تجيلي البيت يا جيجي ركزي

جيهان:طب مش تقولي لادم الاول

سهي:خلاص تمام هقوله ولو كده تعالي بكره بقي علي الساعه خمسه سته كده

جيهان:طويب بس ابقي اكدي عليا ها

سهي:ماشي يلا سلام بقي

جيهان:باي باي
•••••••••••••••••••••••••••••••••
دخل ادم الي منزله وهو يحمل كيسا كبيرا ملئ بالحلويات احضره من أجل سهي دخل الي المنزل فقال:

ادم:مساء الخير

سهي:مساء النور يا حبي

ادم(وهو يجلس بجانبها):عامله ايه

سهي(وهي تنظر اليه):الحمدلله (ثم امعنت النظر اليه لتقول له):مالك يا ادم

ادم(وهو يحاول جاهدا رسم ابتسامه علي وجهه):مفيش بس مرهق شويه (ثم التفت لينظر الي الطاوله ليري صوره مع سالي فقال وهو يتناولهم)ايه ده ايه اللي جاب دول هنا

سهي(وهي تمط شفتيها):مش عارفه جرس الباب رن قمت افتح لقيتهم محطوطين في ظرف و مرميين قدام الباب

ادم(بعصبيه):و حضرتك كنتي ناويه تقوليلي امتي ان شاء الله

سهي(ببرود):ماكنتش ناويه اقولك اصلا

ادم(و قد زادت عصبيته):منا قرطاس جوافه قاعد في البيت اللي يبعتلك صور و المره اللي جايه يبعتولك فيديو و حضرتك تفضلي ساكته و شاكه فيا و انا واخد علي قفايا و عادي

سهي(بهدوء):و مين قالك اني شاكه فيك اصلا

ادم(وقد بدأ يهدأ من كلماتها):عايزه تقنعيني انك مش شاكه اني علي علاقه بسالي

سهي(بابتسامه):و اشك فيك ليه ماهي الصور كلها قدامك اهي مفيش حاجه تخليني اشك ده انا متصوره مع مروان ادهم عشر مرات و عادي

ادم(وهو يجلس بجانبها و قال بغيره):ايه متصوره زيهم مع مروان دي

سهي(وهي تهدئه):انا قصدي ان دي صور عاديه مفيهاش حاجه تخليني اشك (ثم اقتربت منه وهي تقول)و بعدين كون ان في حد هو اللي بعت الصور دي ده في حد ذاته يخليني مشكش فيك عارف ليه؟

ادم(وهو ينظر لها باعجاب من طريقه تفكيرها):ليه؟

سهي:عشان حد قاصد يوقع مبينا و الحد ده ميعرفنيش كويس فبعت الصور عشان افتكرني اول ما هشوفهم هزعق و هكسر الدنيا و بتخوني و بتعمل لا لا انا مش كده خالص

ادم(وهو ينظر لها بعمق):سهي انتي مش بتغيري

سهي:بغير عليك اه لكن من حد انا ممكن اشك انك ممكن تبقي معاها في يوم من الايام يعني مش هغير عليك من سالي و لا جيرمين ولا كارمن لكن اغير عليك من علا

ادم(بنظره حب):احبك و انتي عاقله كده

سهي(بنبره طفوليه وهي تشيح بوجهها عنه):بث انا سعلانه

ادم(وهو يعبث بوجنتيها):سعلانه ليه

سهي(بنفس نبرتها):عسان انتا اتعثبت و اقعدت تقولي انتي فكلاني كيس جوافه

ادم:و انتي ايه اللي مزعلك في كده

سهي(وهي تنظر اليه):مبحبش الجوافه

ادم(و قد انفجر ضاحكا ثم قال وهو يناولا الكيس الملئ بالحلويات): اتفضلي يا ستي بصالحك اهو

سهي(بفرحه اطفال):ايه ده الله كل ده ليا ميرسي يا دودو

ادم(وهو يقبل وجنتها):العفو يا روح قلب دودو من جوه

سهي(وهي تنظر له):ادم هو ممكن جيجي تجيلي بكره

ادم(وهو يقول لها بجديه):انتي بتستأذني يا حبيبتي البيت ده بيتك يعني اي حد عايز يجي متستأذنيش ماشي

سهي(وهي تحتضنه):انا بحبك اوي

ادم(وهو يقبل راسها):وانا كمان
•••••••••••••••••••••••••••••••••
في اليوم التالي استيقظت سهي لتجد ادم لا يزال نائما فقامت و استحمت ثم
ذهبت لتوقظ ادم وهي تقول له:

سهي(وهي تهز ادم ليستيقظ):ادم اصحي بقي يلا يا ادم

ادم(وهو يجلس علي السرير):صحيت اهه صباح الخير

سهي:صباح النور يا روحي عامل ايه

ادم:الحمدالله (ثم قال وهو ينظر اليها)بس ايه القمر ده

سهي(وهي تتوجه الي خارج الغرفه):يلا عشان تفطر بسرعه بسرعه

ادم(وهي يزيح الغطاء عنه):اهربي اهربي
•••••••••••••••••••••••••••••••••
كانت سهي و ادم جالسان معا علي الفطور عندما سألها ادم:

ادم:سهي هي جيجي جايه الساعه كام؟

سهي(وهي تنظر اليه):امم علي خمسه كده وراك حاجه؟

ادم:لا هيكون ورايا ايه يعني منا هقعد مع حضرتك شهر بحاله (ثم تابع قائلا)بعدين ماليش انا في مواضيع الستات دي و ازيك يا حبيبتي و طبختي ايه النهارده و عامله ايه مع جوزك و انتي محملتيش كل ده ليه متروحي لدكتور و ييييه بتخنق انا

و عند ذكر ادم لسيره الانجاب شعرت سهي بغصه في حلقها فظلت واجمه لاحظ ادم وجومها فبادر بسؤالها قائلا:

ادم:سهي مالك يا حبيبتي

سهي(وقد رسمت بصعوبه بالغه ابتسامه استطاع ادم كشف زيفها وقالت):مافيش انا كويسه

ادم(وهو ينظر لها بشك):متأكده

سهي(وهي تومئ برأسها):اممممم (ثم تابعت وهي تنظر في طبقها حتي لا يلاحظ ادم توترها) ادم هو انت عايز تخلف بقي و كده

ادم(بحماس):اه و يبقي عندنا قطاقيط صغنانين كده و تبقي بنت شبهك و ولد شبهي و كده عارفه انا كان نفسي اوي نبقي زي الافلام كده بعد اسبوعين كده او شهر تبقي حامل و كده بس عادي يعني مش فارق معايا

كان كلام ادم كالسكاكين التي تمزق في قلب سهي التي فرت من عينها دمعه حزينه مسحتها قبل ان يراها ادم ثم قامت وهي تقول:

سهي(وهي تقوم من علي كرسيها):الحمدلله

ادم:كلتي انتي كده

سهي(بصوت متحشرج و دون ان تنظر اليه):اه الحمدلله

همت بصعود السلم الا ان استوقفها صوت ادم وهو يناديها وقفت تنظر الي الارض الي ان وقف امامها و قال لها:

ادم(وهو ينظر لها نظره متفحصه):مالك

ما ان انتهي ادم من كلمته حتي انفجرت سهي في بكاء مرير و رمت نفسها في حضن ادم الذي ضمها اليه بكلتا يديه واخذ يربت علي ظهرها لتهدئتا و بعد عده دقائق هدأت سهي قليلاً و اجلسها ادم علي احدي الارائك و امر الخادمه بصنع عصير ليمون لتهدئه اعصابها قليلاً هم ادم بسؤالها عن ما اصابها لكنها قالت له:

سهي:ادم انا اعصابي تعبانه و مش قادره اتكلم اول ما اهدي هبقي اتكلم معاك

ادم:طيب عالعموم انا هكلم جيهان لو هي فاضيه تيجي تقعد معاكي اكيد هتهدي لما هي تيجي

سهي:طيب
•••••••••••••••••••••••••••••••••