العميل الصهيوني والجاسوسة المغربية

البارت 44

من قصة :
♚♔ العميل صهيوني و الجاسوسة المغربية ♔♚
بقلم : ♚♔ كاپيطوسة المغربية ♔♚

غير خرج و هي تلاح فوق الباياص مابقاتش قادرا تزيد توقف ولا تجلس نهائيا نظر بدا كايتضبب لها و صهدة كاتطلع معاها واخا تجبدات الألم غير مازايد كاتشوف شي حاجة تبرد بيها هاد خونا تعطل بانت لها قرعة ديال الما هزاتها خواتها عليها لعل و عسى يمشي داك صهد شوية تحلات الباب كان كايسحابلها أسوار ساعة صدق هاداك لي كلا تقرفيد و معاه واحد راجل كبير شوية و داير نظاظر باينا بيه دكتور
الجندي : ( مخنزر فيها ) ها هي لي مضروبة
دكتور : كي كاتحسي براسك؟؟؟؟
ريماس : كانحس براسي طايرة فسما من نيتك كاتسولني كي كانحس ( ضارت لعند داك خونا و خنزرات فيه ) ما بان لكم تجيبو ليا غير هاد قاع الكاس نعطيه كتفي يخور فيه كيما بغا؟؟؟؟ واش شكيت عليكم قلت لكم خاصني طبيب؟؟؟؟ خرج عليا نتا وياه
الجندي : القائد اسوار هو قالها و انا ماشي خدام عندك باش تمشيني كيف بغيتي عنداك تكوني تيقتي راسك
ريماس : ( ربعات يديها ) سير عيط ليه نيت خليه يجي باش يشوف هاد الغوات ديالك ( خنزرات فيه ) خرج دردب عليا نتا و هاد شارف لي جبتي مابغيت لا طبيب لا والو جيب لي شغلي و نداوي راسي براسي حيت واخا نعرف نمووووت و مانخليش يداويني هاد اليهو.. ( سرطاتها ) و مانخلي حد يداويني ... عارف لا تزايد معاها فالهضرة غاتشريها ليه
الجندي : ( قالب عينيه ) اش بغيتي نجيب لك
ريماس : ديرها من صباح سير جيب لي مقص و معقم و مصباح الكيروسين مع فاصمة و مقص ولا كان عندكم البنج و خيط و ليبرا و عطيوني تيساع قادا بشغالي ... خرج من تما هو طبيب بقلة حيلة دازو دقائق معدودة و رجع فيديه علبة الإسعافات حطها
ريماس : على سلامتك يموت لي يموت و يحيى لي يحيى و نتا مزال ماجيتي ( بغا يخرج و وقفاتو بهضرتها ) علاش ماجاش اسوار؟؟
الجندي : اسوار!!؟ كان مقصر معاك باش تقوليها حرفية
ريماس : و نتا مالك؟! انا سولتك فينو ماشي قلت لك علمني اش نقول
الجندي : ياكما باغاه يخلي شغالو و يبقا مقابلك غا نتي؟؟؟ ... خرج من تما لايصدق مزايد معاها فالهضرة و تتسبب ليه فشي سلخة ... حلات البواطة و جبدات داكشي حطاتو حداها و بدات كاتبنج البلاصة لي تضربات فيها حسات بشي عينين كايراقبوها ماهزاتش راسها حاولات باش ماتتوترش قربات المقص للجرحة بغات تحيد رصاصة مي دوك العينين زاعجينها
كان واقف و مفيكسي عينيه فيها نظراتو ماكاتبشرش بالخير مراقب تصرفاتها و خصوصا من طريقة تضميد ديالها بحالا خدات تدريب سابق فتمريض داكشي لاش ضربها برصاصة عن قصد طريقة هضرتها و طريقة تصرفها و جرأتها و دابا كيفاش كاداوي راسها براسها كلشي كايجيب شك ... هزات راسها لقاتو واقف عليها و كايشوف فيها بنفس النظرات لي كايخلعوها كايشوف فيها بنظرات كاتجيب تبوريشة قرب عندها بخطوات بطيئة شد لها اليد لي فيها المقص بتاسم و قربها للجرح غرس نص ديال المقص فالجرحة مابقا شاد فيها لا بنج لا مخدر غوتات بحر جهدها و هو باقي كايغرس المقص فيديها و كايبتاسم ماقدرات دير والو الألم كان كتر من داكشي لي تقدر تصبر عليه نزل لعندها شوية و همس لها فودنيها
أرسلان : عنداك يسحابلك دوزتيها على هاد البهيمات لي هنا غادوزيها عليا انا عيني عليك حتى نشوفو فين غايوصل هاد تخربيق ديالك ، أرسلان معروف بسرعة الملاحظة ديالو و كايقراها فسما هي بهاد الجرئة ديالها خلات كاع الانتباه يولي ليها .. خرج من تما و خلاها مصدوومة من تصرفو و من شنو قال شنو زعما يكون شك فيها؟؟؟؟ صافي هادي هي اللخرة ليها توترات و تفكيرها تشوش الألم غلب عليها و كانت مضطرة تخرج رصاصة قبل مايتعفن الجرح خرجات المقص من الجرح بصعوبة عاد عاودات خرجات رصاصة و عقمات الجرح و خيطاتو من موراها ضمداتو و هضرتو كاضور لها فراسها خاصها تزيد ترد البال تحاول ماتتغيرش باش مايشكش و تحاول تتحكم فأعصابها كتر بقات كاتفكر حتى قفزها صوت اخر
أسوار : ( عاقد حجبانو ) علاش جريتي على دكتور؟؟؟
ريماس : ماكنتش محتاجاه و زايدون قادة براسي
اسوار : منين قادة براسك لبسي عليك و نوضي تتدربي ( ضحكة جانبية ) نشوفو واش عندك غير لسان ولا حتى دراع ... يتبع