ICE PRINCESS MEETS HER ICE PRINCE (COMPLETED) (EDITING)

CHAPTER 59: Spare me my Life.

“Cole!!” sigaw ni Jane.

“bakit mo ginawa yun?” tanong ko kay Cole.

“Eh gago eh! sya na nga tong tinutulungan sya pa tong mayabang.” Galit na sabi ni Cole.

“I don’t need your damn help!” galit na sigaw din ni Chase.

 

“Chase kaibigan mo kami. Pwede mo kaming paglabasan ng nararamdaman mo. Bro, wag mo solohin ang lahat.” Mahinahong pakiusap naman ni Jan.

“umalis na kayo. Di ko kayo kailangan.”

*Bogsh*

“JAAAAN!!!” sigaw ko at agad na pumagitna. Si Jan naman ang sumuntok sa kanang pisngi ni Chase. Sa kaliwa kanina si Cole.

“wag kang tanga Chase! Kailangan mo kami. Kaibigan mo kami at karamay mo kami. Wag kang gago na nagpapanggap na kaya mo lahat. Kasi Pare kilala kita. Gaganyan ganyan ka pero sa loob mo wasak ka. Tama na pagpapanggap. Hindi ka nagmumukhang malakas sa ginagawa mo!” galit na sabi ni Jan at tsaka ako hinila palabas. Aayaw sana ako dahil nag aalala ako kay Chase pero hinayaan ko na. kailangan ko syang pakalmahin.

Huminto kami sa labas ng ospital kung saan may simpleng garden.

“Jan...”

“Hindi ko sya maintindihan. Okay na sya e. Bakit ganyan na naman sya? Bumabalik sya sa ganyang kagaguhan. Hindi nya ba alam na hindi lang sya ang nahihirapan? Tang*na.” Tuloy tuloy nyang sabi.

Niyakap ko sya. “Jan, kailangan natin syang intindihin. Mahirap tong pinagdaraanan nya eh.”

Hindi sya nagsalita. Tahimik lang kaming magkayakap hanggang sa nakaramdam ako ng unti unting nababasa ang damit ko sa balikat at marahan na rin gumagalaw ang mga balikat nya. Haaay! Sa nangyayari ngayon nasasaktan ako. masakit Makita ang pinagdaraanan ng mga kaibigan ko. at masakit ding makitang umiiyak ang taong mahal ko sa unang pagkakataon dahil sa pag alala at sa sakit na nararamdaman nya rin para sa mga kaibigan namin.

Tahimik ko lang syang hinayaan na umiyak. Tinatap ko ang likod nya para maramdaman nyang andito lang ako.

“Jellie, I hate to see him like that. Hindi ko na sya kayang panoorin lang ng ganyan sya.” Sabi nya habang umiiyak. Pakiramdam ko sasabog ang puso ko sa sakit na nararamdaman ko.