ရက်သတ္တပတ်အကြာတွင် နိုင်ငံခြားဘဏ်မှာရှိသော ငွေတွေကို လွဲပြောင်းပြီးနောက် ရှင်းညီ ပထမဦးဆုံး ရှိန်းတေဇကို သွားရောက်တွေ့ဆုံခဲ့သည်။ သူ့ကိုမြင်တော့ ရှိန်းတေဇတစ်ယောက် ပြေးဖက်လုမတတ်ကြိုဆိုလေတော့သည်။ ရှိန်းတေဇ၏ အကျင့်စရိုက်ကို နားလည်ပြီးသားဖြစ်တာကြောင့် စိတ်ထဲမတွေးဘဲ သူခေါ်ဆောင်ရာနောက်သို့ အသာတကြည် လိုက်သွားလေသည်။
"ကလေးကိုမျှော်နေတာကြာပြီ ၊ အခုတလောမအားတာနဲ့ သေချာလာမတွေ့ဖြစ်ဘူး ၊၊ ကလေးကော စစ်နေခအိမ်မှာ အဆင်ပြေရဲ့လား ၊၊ မပြေရင်ကိုယ့်အိမ်ပြောင်းလာပါလား ၊၊ ဒါမှမဟုတ် ကိုယ်ပိုင်တဲ့ ကွန်ဒိုတွေအများကြီးရှိတယ် ၊ စိတ်ကြိုက်ရွေးလို့ရတယ် ၊၊ ကလေးလည်း သူများအိမ်မှာအနေရကျပ်မှာပေါ့ ''
သူ့ကိုတောင် ဘာမှမမေးဘဲ ပြောချင်ရာကို တရစပ်ပြောနေတဲ့ ရှိန်းတေဇကိုကြည့်ပြီး ပြန်လှည့်ရင်ကောင်းမလားလို့တောင် တွေးမိသွားသည်။ အခုချိန် သူ့ဘာသူ အိမ်ဝယ်နိုင်ပေမယ့် စစ်နေခအိမ်မှာကပ်နေတာက သူ့မှာလုပ်ဆောင်စရာ တစ်ချို့ရှိသေးတာကြောင့် တမင်မပြောင်းရွေ့သေးခြင်းဖြစ်သည်။
"ရတယ် သူ့ဆီနေတာကျွန်တော့်အတွက် အတော်လေးအဆင်ပြေတယ် ။ ပြီးတော့ သူ့ဆီကနေလည်း ရစရာတစ်ချို့ရှိနေသေးလို့ "
"ကောင်းပြီလေ ကလေးသဘောပါ ၊ ဒါနဲ့ ဒီနေ့လာတာ Stevia plants ကိစ္စလား ''
"ဟုတ်တယ် ၊ ဒီနေ့ ဒါကိုအဓိက ဆွေးနွေးချင်လို့''
ရုံးခန်းထဲမှာပဲ အေးအေးလူလူစကားပြောရန် ဆုံးဖြတ်လိုက်သည် ။ ရှင်းက သူ့လက်ထဲပါလာတဲ့ USBကို ထုတ်ပေးပြီး စကားစလိုက်သည်။
"ကျွန်တော်တို့ဘက်က ကျွမ်းကျင်ပညာရှင် တစ်ချို့ကို ငှါးရမ်းရမယ် ၊၊ ပြီးတော့ အရေးကြီးဆုံးတစ်ချက်က လုပ်သားအများစုကို Shin Group က လူတွေကိုပဲ သုံးမယ် ၊။ သူတို့မှာစိတ်ချရလောက်တဲ့ ပညာရှင်တွေ ရှိပြီးသားပါ ''
ရှိန်းတေဇ အနည်းငယ်အံသြသွားသည် ၊၊ Shin Group ဆိုတာ သိပ်မကြာခင် ဒေါဝါလီခံရကိန်းရှိသည့် လုပ်ငန်းစုတစ်ခုမှန်းသူသိတာကြောင့်ဖြစ်သည် ။ ရှင်းက ဘာလ်ု့ိ သူတို့ကိုရွေးချယ်တာလဲ ၊ ရှင်းအနေနဲ့ ဒီထက်ပိုအခြေခိုင်တဲ့ တစ်ခြားလုပ်ငန်းကိုရွေးချယ်ရင်တောင် သူလုပ်ပေးနိူင်စွမ်းရှိသည်။ ဒါကြောင့် နားမလည်စွာနဲ့ မေးခွန်းထုတ်လိုက်သည်။
![](https://img.wattpad.com/cover/161696839-288-k919967.jpg)
BẠN ĐANG ĐỌC
ချစ်သူနှင့် စီးချင်းထိုးခဲ့သော တစ်ထောင့်တစ်ည တိုက်ပွဲများ
Lãng mạnအရင်ဘဝဟောင်းမှာလည်း သူ့နာမည်က ရှင်းညီ အသက် ၃၀ အရွယ်မှာ အက်စီးဒင့် တစ်ခုကြောင့် သေဆုံးသွားပြီး တစ်ခြားလူတစ်ယောက်ဆီမှာ ပြန်နိုးထလာတယ် သူနိုးထလာတဲ့ ခန္ဓာကိုယ်ပိုင်ရှင်ကလည်း ရှင်းညီပဲ ၊ ဒါပေမယ့် အသက် ၂၂ ပဲရှိသေးတဲ့ ဘဝမှာ ရည်မှန်းချက်တောင် မရှိတဲ့ကောင်လ...