Tulang walang patutunguhan

Manika

Sabik kang makayakap ako
Masaya ka kapag ako'y iyong kalaro
Masigla ka kapag ako'y kasama
Aking maitim na karanasa'y iyong niwala

Hindi mo ako maialis sa'yong tabi
Pinapahalagahan mo ang sarili ko palagi
Hindi tulad sa iba na itatapon lang ako
At agad naman ako'y pinalitan ng bago

Oo, nakita ko sa iyo ang tunay na pagmamahal
Hindi ka nagsasawang mahalin ang isang tulad ko
Ikaw na talaga ang totoong itinakda sa'kin ng Maykapal
Alindog mo'y maganda at ako'y naakit mo

At dumating ang araw ng iyong pagkatanda
Tila nagbago ang ihip ng hangin at ako'y namamalik mata
Hindi kana tulad ng mapagmahal na bata
At ako'y binigay mo lang na parang wala lang sa iba

Nagkamali yata ako ng iniisip
Tumulo ang luha ko at ang puso'y nagugulumihanan
Kusang nagbago ang paraisong namuo sa'king panaginip
Ika'y biglang naglaho at ako'y pinabayaan

Hindi ko na mahanap ang siyang itinakda
O baka wala lang talaga sa akin itinadhana
Ewan ko ba kung bakit nagkaganito
Mga bagay na aking minahal ay biglang nagbago

Bumalik ang maitim na karanasan na aking iniiwasan
Wala naman akong magagawa sa aking kapalaran
Isa lang akong manika na nagbibigay kasiyahan
At sa pagdating ng araw, ako'y iiwan.