Tulang walang patutunguhan

"Nasilaw sa Kayamanan"

Umasa akong ako'y iyong ipaglalaban
Bakit ngayon ako'y iyong iniwanan
Ika'y sumama sa aking kaibigan
Na ang nais, ako'y saktan

Minahal naman kita ng totoo
Bakit ang mundo ko'y iyong ginuho
Hindi ko alam kong bakit ako'y iyong binigo
Akala ko'y tayo parin hanggang sa dulo

Kulang ba ang pagmamahal ko?
Kulang ba ang pag-ibig na pinadama ko sayo?
Hindi ba sapat ang binigay kong mundo?
O sadyang ako'y iyong niloko

Minahal kita nang lubusan
Inibig kita ng walang hanggan
Bakit naging ganito ang katapusan?
Pinalit mo ako sa kumikinang na kayamanan.