Tulang walang patutunguhan

Ibon

Ibong maghapong lumilipad
Naghahanap ng kasintahang makasama
Kahit saang sulok ng mundo man mapadpad
Walang pag aalinlangan basta't ika'y kasama

Sikat ng araw 'di iniinda
Mga balakid ay 'di sinama
Sa pagsasama nati'y kay saya
Paglalakbay nati'y kay ganda

Sulirani'y bumukadkad
Ihip ng hangi'y tinangay ka sa'king palad
Pinaglalayo tayong dalawa
Pinaparamdam na hindi tayo sa isa't isa.

Hangi'y humupa
Pakpak ay ibinuka
Nagsimulang maghanap sa isla
Baka sakaling makita pa kita

Ula'y bumuhos
Sakit 'di matapos-tapos
Butil ng tubig humaplos
Sa pakpak kong 'di na maigalaw ng maayos

Tadhana'y tutol sa atin
Lahat ginawa, upang 'di ikaw ang iibigin
Marahil hindi ikaw ang nararapat mahalin
Kaya sinuko ko nalang ang ibong akala ko'y akin.