Unpretty Romance[ ChanBaek ]

22

အင်ချွန်းပင်လယ်ကမ်းရိုးတန်း လမ်းမကြီးအတိုင်း
မောင်းနှင်လာတဲ့ ကားသုံးစီး ။ အလယ်ကားမှာ
ရှိနေတဲ့ ခေါင်းဆောင်အတွက် အရှေ့၊ နောက်
နှစ်စီးက လုံခြုံရေးအနေဖြင့်လို်က်ပါလာသည်။

ကားတစ်စီးမှာ အထူးလေ့ကျင့်ထားတဲ့ ဂိုဏ်းသား
၅ ယောက်စီပါဝင်ပြီး အလယ်တစ်စီးမှာသာ
ခေါင်းဆောင်နှစ်ယောက်ရယ် Baekhyun နဲ့
Sehun တို့ ပါဝင်သည်။

ဆိုလ်းကို ရောက်ဖို့ဘယ်လောက်မှ မလိုတော့ ။

မကြာခင် မေ့ဆေးက ပြန်ပြေလာတော့မှာမို့
အိပ်ပျော်နေတဲ့ Baekhyun ကို Chanyeol
ဘယ်လိုရှင်းပြရမှန်း မသိသေး။
အရမ်းကြီး စိတ်မလွတ်နေဖို့ပဲ ဆုတောင်းမိသည်။

Chanyeol ကြည့်နေတုန်း Baekhyun ရဲ့
မျက်တောင်လေးတွေ လှုပ်ရှားလာသည်ကို တွေ့လိုက်
ရသည်။ တစ်ဖြေးဖြေးပွင့်လာတဲ့ မျက်ခွံလေးတွေ
ကနေ မမြင်ဖူးတဲ့ လူလို ကြည့်ခံနေရတော့ တစ်ခုခု
မှားနေမှန်း Chanyeol သိလိုက်ပြီ။

" Baekhyun ...... သက်သာလား "

Baekhyun ကားမှန်ဘက်လှည့်သွားပြီး အပြင်ကို
လှန်းကြည့်နေပြီး ကားပေါ်က လူတွေကို လိုက်ကြည့်
နေတာ သူစိမ်းတစ်ယောက်အတိုင်း ။

Oh Sehun အနောက်ဘက်ကို လှည့်လာပြီး
Baekhyun အခြေအနေကို ကြည့်လိုက်သည်။
ကြောက်ရွံမှုတွေနဲ့ တုန်လှုပ်နေတဲ့ Baekhyun
ကိုမြင်တော့ အခြေအနေက ထင်ထားတာထက်
ဆိုးရွားနေခဲ့ပြီ ။

" Baekhyun . ."

" hyung ... မထိလိုက်နဲ့ ..!!! " Chanyeol
Baekhyun ကို ထိဖို့လုပ်နေချိန် Sehun က
အော်ပြောလိုက်ပေမဲ့ နောက်ကျသွားပြီ။

" လွှတ်.... လာမထိနဲ့ .... လွှတ်ပေး...အင့်...!!! "

အတင်းရုန်းကန် အော်ငိုလိုက်တဲ့ Baekhyun
ကြောင့် Kai ကားမောင်းနေတုန်း ကားဘရိတ်ကို
ဆောင့်နင်းမိလိုက်သည်။

အလယ်တစ်စီး ရပ်တာနဲ့ ကျန်နှစ်စီးပါအလိုလိုရပ်တန့်
သွားသည်။ ကားနောက်ခန်းမှာ ကြောက်လန့်တကြား
အော်ငိုပြီး ထွက်ပြေးဖို့ရုန်းရင်းဆန်ခတ်ဖြစ်နေတဲ့
Baekhyun ကို Chanyeol အတက်နိုင်ဆုံး
ဖိချုပ်ထားသည်။