#شيزوفرينيا١٥
دينا فضلت ساكته لوقت وهي بتعاين ليه رجعت تعاين قدامها : طيب امك من زمان كدا ؟
_ تصدقي لا .... م كانت كدا .... حتى لمن اتزوجت م كانت بالسوء دا ... فجأة كدا من دون اتحولت بالشكل دا .
_ غايتو الله اعلم ... لكن ماف ام بتقسى على ولدها كدا اكيد في شي
مصطفى وهو بيضحك : لكن دي م ام .... دي لفظ ام م بيليق بيها والله .... ممكن نقول على امك ام لكن الولدتني دي لا .
زولة م بتهتم بيك .... م بتهتم بأحاسيسك م بتهتم بي مرضك ولا عارفة عنك اي شي وكل همها ترضي راجلها وخلاص .... غايتو بس الحمدلله .
_ ربنا يكون في عونك
_ ويكون في عون الجميع .... لكن على فكره م تحني علي 😂😂😂.... اصلا الحكاية دي م فارقة معاي ... وانا معتبرهم الاتنين متوفيين
_ لا ياخ م تققول كدا في النهاية هم امك وابوك
مصطفى بي ضحكة وهو بيتحرك بالعربية : انسي انسي اليدو في النار م زي اليدو في المويه 😂..... خلينا نقفل السيره دي .... ومعليش يعني ازعجتك بكدا من الصباح .
_ لا لا ولا يهمك اصلا كلنا احيانا بنحتاج نفضفض لي زول عن الجوانا
_ صح .... بس دي م فضفضة انا بحكي ليك عن حقيقة
_ المهم انك انت هسه عايش في اماااان الله مع جدك وحبوبتك .
_ بالضبط كدا ... ربنا م يحرمني منهم ان شاء الله
_ امين
اللهم وصلو جامعتهم .... لمن دخلو .... وقفو بصوت بينده على دينا .
الاتنين قبلو ناحية الصوت ...
كان دا كريم ......مصطفى استأذن دينا ومشى .
كريم : كيفك يا دينا
_ كويسة يا كريم وانت كيفك
_ غايتو ماشي الحال
_ وينك م ظاهره كدا .... وشكلك صاحبتي ليك ناس جديدين 😏
_ مختفية شنو بسم الله 😂 اول امبارح دي شفنا بعض
_ بالله 😅
_ اي 😂
_ اسمعيني 😅.... المحاضره الاولى دي انا م داخل تندسي لي عليك الله 😅
_ شنو انت كل مرة م داخل وعايز يتندسو ليك 🙂... والله يا كريم كدا بتضر نفسك بس م اكثر
_ ياخ م تقولي لي الكلام البحسس بالذنب دا 😂💔
_ بالجد ياخ بقيت م بتحضر المحاضرات وكل مره عايز يتندسو ليك وزاتو امتحاناتنا قربت يا كريم .... الحاجات دي كثيره وقرايتها وفهمها صعبات لازم الزول يكون مركز من المحاضره.
_ شنو يااااا دينا عايزة تقفليها معاي من الصباح ☹💔
.... وبعدين مش انتي في ؟ كدا انا ما شايل هم حتشرحي لي وكدا .
_ وين ملاذ 😏
_ اه ملاذ دا دقني لو فاهمه شي عشان تشرح 😂😂😂.
_ غايتو حاله صعبه
_ بي كللللو والله 😂
_ فاضل عشره دقايق للمحاضره انا ماشا 😅
_ اتفضلي ☺... وم تنسي الاتندس
_ ماااا ناسية 😴.
اللهم كريم طلع ودينا مشت على قاعتها .
وطبعا ملاذ شافتهم لمن كانو واقفين وبتكلمو مع بعض والنار ولعت فيها 🔥🔥🔥
احساس انها هي حذرت دينا من انها تتكلم معاه ودينا رمت كلامها بعرض الحيط .
_____________________________/_________
هزبر كان قاعد في اوضتو لمن امو فجأة جات ودقت الباب ...
_ اتفضل
فتحت الباب وخشت
هزبر من نظراتها عرفها عايزة تقول شنو ... ابتسم وهو بقول ليها صباح الخير ... وكان متأكد من انها حتهيج فيه
_ هه صباح الخير ؟ وهو الخير حيجي من وين ... طالما البنت دي قاعده هنا
_ امي ؟ المشكله شنو ؟
_ هي م مشكله ..... دي مشااااااكل
_ كيف يعني تسوقها معاك امبارح و تخلي إكليل ؟ دخلتني جوه ضفوري مع البنت وامها ....
_ شنو السبب ليك الاحراج بالضبط كوني طلعت معاها ؟
_ تطلع معاها لي اصلا ؟ ... وتسيب إكليل
_ انتي محسساني انو احنا مشينا مطعم ولا كافيه عشان نتونس ونضحك
_ كل الحكاية انو مها اتصلت لي وقالت انو كريم لحدي هسه م رجع البيت من طلعة الصباح وانو هي قلقانه .... وانتي وق عارفة اني م حقدر اسوق فهي عرضت علي انها تسوق لي وخلاص .
ماف داعي لتكبير المواضيع .... بعدين افرضي اني عايز اسوقها هي وم عايز اسوق إكليل بالقوة يعني ؟
_ والله كويس بقيت بتتكلم معاي بي اسلوب زي دا يا هزبر ؟
_ يا ست الكل .... اعفي لي .... بس عايزك تفهميني عليك الله
قام من سريرو القاعد فيهو وهو متكل على عصايتو وقرب منها وباس راسها بي كل ادب واحترام 💜.
لدرجة بي حركتو دي امتص الغضب والزعل الكان في امو ..... القالت : غايتو يا ولدي م عارفة اقول ليك شنو .... لكن ربنا دا م يحرمني منك ويحفظك ويسدد خطاك ويبعد منك كل شر ياااارب
_ كتري لي من الدعوات الجميله دي بالله
_ م بنساك 💜.
طبعا كلام امو الاول ... فداء جات ماره وسمعوو كللللو .... وزعلها شديد..... لي درجة رجعت تاني لي عزيزة وم مشت اوضتها .
عزيزة كانت بتنضم قدرتها وتقص وترص وفداء بس قاعده وبتعاين لي يدينها .... كان بس نفسها تفهم لي ام هزبر بتكرها كدا .
واثناء م هي سرحانه كدا لقت سوزان في وشها .
عاينت ليها بنظراتها المعتاده ... قبل م تعاين لي عزيزة وتطلب منها تجهز ليهم الشاي وترويقة الصباح هي وضيفاتها .
وطلعت.......
عزيزة طوالي بدت بالتجهيز
ظبطت ليهم كل شي في ظرف نص ساعه بره في جلسة جمب اشجار الليمون .... وطلعو التلاته وقعدو .
هدى : شنو هزبر م جاي ؟
سوزان : قال شرب شاييه من بدري
