#شيزوفرينيا٧
الحلقة السابعه :
بدت الترتيبات عشان يبادلو حسان بي هيثم .... طلبو من هزبر انو يأمنو ليه المكان .... لكن رفض واكتفى بي انو يطالب بي ظابط واحد بس يمشي معاه .... المهم خلال ساعات ظبط كل امورو ....
مشا للمكان المحبوس فيه هيثم .... وراه بي انو حيمشي .... هيثم مع انو كان ساكت بس ظهر الخوف فيهو ... بعد مسافه كدا هزبر طلع مع هيثم وظابط تاني ..... ومشو للمكان المتفق عليه ..... هزبر كان مستعد لي اي شي وجسمو وعقلو متحفزين لي اي حركه تبدر ..... اتفاقهم كان الساعة ٧ ..... مرت قرابة الساعه وماف اي شي .
.... بدا يحس انو في شي غلط ..... خلال دقايق بس وقفو ٣ عربات قدام عربيتهم ...... نزل واحد ضخم وكان شايل رشاش وجا على عربيتهم .... هزبر حسا انو كمين اتعمل فيه .
الراجل جا نازل وضرب قزاز العربية ... وطلب منهم ينزلو .
هزبر نزل ونزل معاه الضابط التاني .... الراجل طلب منو يرفع يدينو ..... رفع يدينو والتاني بدا يفتش فيه .... م لقا عندو اي سلاح هو والمعاه .... طلب منهم يقبلو على جهة العربية .....
هزبر : وين الولد
_ في الحفظ والصون بس م حتسوقو من هنا
ابتسم لمن عرف انو اتغدر بيه .
بعد م قبلو على العربية كلبش ليهم يدبنهم ولبسهم قطع سوداء في عيونهم.......... وركبهم ف العربية .
اما هيثم ركبوه في عربية تانيه براه .
_____________________________________
في الوقت دا دينا بهناك صلت المغرب وبقت قاعدة .... منتظره كريم يضرب .... ودمها دا فاااااااااااير بس مستنياه متين يتصل عشان تشاكلو .....
بعد دقايق كدا كريم جا البيت المهم حاول بقدر الامكان انو امو م تشوفو .... دخل اوضتو وطوالي نام .
__________________________________________
العربات وقفت قدام مستودع كبيييييييييير ومهجور ماف زول بيهوب ناحيتو .
نزلو هزبر وزميلو وقعدوهم ..... وشوية كدا طلعو لبهم عصابات العيون الكانو خاتنها لبهم
كل علامات الهدوء والاسترخاء كان في ملامح هزبر بالرغم من الناس الواقفين قدامو بأسلحتهم .....
سألهم بصوت ثابت : دا اتفاقنا ؟
رد عليه واحد : احنا م بنتفق مع زول .... عادي نوعدك بي شي ونخلف الوعد
_ اي واضح .... على العموم هيثم العاوزنو رحع ليكم .... حا دور ترجعو الولد
_ دي م على كيفك انت يا زول
_ على كيف منو ؟
ضحك وهو بقول : على كيف الboss
_هزبر ابتسم بي طريقة مستفزة .
القدامو عدل سلاحو وقرب منو وهو بعاين ليه في عيونو : شنو المضحك ؟
_ الثقة البتتكلم بيها
_ اهم شي
_ اكيد .... لكن الثقة الزايدة م حلوة .... في النهاية الولد حيرجع شئت ام ابيت .
_ وانت شنو الخاليك واثق بي انو حيرجع 😂😂😂😂😂😂😂😂😂😂😂😂
_ انا مش قلت حيرجع معناها حيرجع وانتهى 😏
التاني ابتسم وهو بعاين لي زميلو قبل م يوجه لكمه قوية لي هزبر في فكو .
الضربة كانت قوية شديد ..... هزبر هز راسو قبل م يرفع بصرو ويعاين للراجل : مردودة .
_ كدي اقدر اتفك من هنا بعدين ردها 😂😂😂😂😂😂😂.
جو اتنين وهم ماسكبن هيثم ..... ولزوه في الارضية ..... ظهرت علامات الرعب في وشو وهو بعاين لي هزبر : احميني ..... عليك الله اعمل اي شي ساعدني .
الجماعه وقفو جمبو وواحد فيهم بدا يعمر في مسدسو ..... كإشارة واضحه وصريحه لقتلو .
هزبر كان مدنقر راسو وبعاين ليهم ..... م دنقيرة انكسار 😂.... دنقيرة ومعاها نظره كدا غضبانه .
قال لبهم بصوت مهدد : ماف زول يهبشو .
هيثم كان بعاين لي بي ترجي .... وبعاين ليهم هم بي نظرة شفقة احساس حنو علي .
بس طبعا هم مستقويين بأسلحتهم وانهم كثيرين .
الكان واقف قدام هزبر وبيتلاطع معاهو في الكلام ..... قبل وراهو عشان يشوف جماعتو بيسوو في شنو .... اول م قبل من حيث لايدري جاهو ليك شلوت في نص وشو يقول يا انا ..... عمك لمن بقا م شايف شي .... انفو عمودها اتكسر ورعف ...... واضانو صنت بقا بس سامع تيييييييييييييييت ..... والرؤية انعدمت .... وبي طولو خبط الارضية ..... هزبر بي سرعة عجيبة ومن دون اي شعور بالالم .... يدينو بدل م كانت بي ورا مكلبشة عدلها بي قدام .... والمسدس الوقع من المغضوب عليه 😂 شالو بسرعه .... وضرب الكان بعمر في مسدسو
في يدو .... رما السلاح وهو بيصرخ بألم .... الباقيين جهزو اسلحتهم وبدا ضرب النار .... بقو راميين هيثم وم شغالين بيه ..... هو وزميلو جرو بي سرعة وادسو ورا كومة بتاعت حديد .
_ هزبر خطتنا شنو .
صوت وقع الرصاص كان فظيع .
هزبر وهو بيدنقر عشان يمسك المسدس كويس : هسه حيوصلو .
_ منو ؟
_ الدعم
م كمل جملتو الا وصوت وقع الرصاص من برا جا .
في ثواني اقتحم المكان كمية كبيرة جدا من الضباط وهم شايلين اسلحتهم ..... جا صوت يوسف العالي : سلمو نفسكم المكان محااااصر .
بقو كلهم بيتلفتو كيف عرفو مكانهم وجوهم .... وبي استسلام رمو اسلحتهم ....
هزبر اتنفس الصعداء وهو بعاين لي زميلو وببتسم .
وقف على حيلو وهو بعاين لي يوسف الببادلو في النظرات .
يوسف : ان شاء الله بس م اكون اتأخرت عليك ؟
_ م اتأخرت ؟
خلينا ساكتين .
ضحكو الاتنين وجو على بعض .
يوسف طلع مفتاح خاص وفك الكلبشات الحديدية من يدينهم .
هيثم اظن لي هبط عديل 😂..... بس كان راقد في الارض وبعاين لي هزبر ..... لكن نظراتو كانت كلها شكر .
الظابط التاني كان مندهش وهو بعاين لي هزبر : عرفو مكانا كيف وجونا في الوقت دا ؟
هزبر رفع ليه يدو عشان يشوف الكبك المركب في قميصو .
_ جهاز تعقب ؟
هز ليهو راسو .
طبعا هزبر كان واضع خطتو وراسمها مع بوسف .... انو لو اتأخر عن ساعتين طوالي يجيهو في المكان الحيوضحو ليه جهاز التعقب بي اكبر كمية ممكنه من الجنود .
المهم قبل م يطلعو ويسوقو المجرمين للعربات .... هزبر قدر يعرف مكان حسان .
مقعدنو في قفص زي الحيوانات في الساحه الخلفية للمستودع ..... هزبر لقاه نااااايم ومقعدنو بدون حارس .
فتح الباب وطلعو ..... شالو وضماه عليه وطوالي طلع بيه ..... اول شي وداه المستشفى كشف عليهو عشان م يكونو عملو فيه شي .... لقاه سليم .... بعدها طوالي طلع بيه على بيت اهلو ..... برا لاقوه جدو ابو ابوه وخالو وعمو ..... سلمو على هزبر وشكروه وحمدو ربنا على سلامة ولدهم ..... وبعدها دخلو الولد لي امو ..... الكانت بتبكي واول م شافتو بقت بتبكي زيادة ....... شالتو وضمتو عليها شديد وبقت بتبوس فيه ودموعها نازلة فيه .
هزبر رجع بيتو المنعزل المهجور دا .
المهم م لقا امو عادة لمن تكون مافيشة بتكون في دوام في عيادتها .
دخل استحم ووقف في المراية وهو بعاين للجرح السببو ليهو القبيل بعد م ضربو في فكو .
عقم الجرح .... ورقد ..... م غمض عيونو الا ويوسف ضارب ليه : هزبر .... وصلتني معلومات ومؤكدة انو بعد ٣ ايام بس في الجبال الشرقية في عملية حتتم هناك ... التسليم لو تم حتحصل كارثة بمعنى اللكلمه وتاني م حنقدر نعمل شي .... هزبر اسمعني احنا لازم نوقف العملية دي سامعني ؟ لااااازم .
_ كلامك من مصدر مؤكد ؟
_ انت بتهظر ؟ اكيد طبعا .
_ طيب .... طيب خليني افكر .
قفل منو الخط والنوم طار من عينو ..... طوالي مشا دخل مكتبو وبقا بيفكر .
طلع صور بتاعت رجال اعمال .... كان شاكي فيهم .... وبدا يدون في معلومات بي سرعه جمب كل صورة
وحصل على نسخه بتوضح ارصدتهم في البنك ومستوى الزيادات الفيها كيف .
ابتسم لمن حسا انو الموضوع قرب يخلص .... وهو م عارف انو داخل على افظع مهمة مسكها ..... والخطر المرسوم ليهو هو واسرتو وكمية الخطط الوضعت للانتقام والتخلص منو
#يتبع
