Unicode (zawgyi below)
Jaehyun's POV
ကျောင်းပိတ်ရက်ဆိုပေမယ့်လည်း သူနဲ့တွေ့ချင်တဲ့စိတ်ကကျွန်တော့်ကိုနှိပ်စက်လွန်းတာကြောင့် သူသွားနေကျမြက်ခင်းပြင်မှာချိန်းပြီးနေ့လည်စာစားဖို့ချိန်းခဲ့မိတယ်
သူနဲ့ချိန်းတိုင်းကျွန်တော်ကအမြဲစောရောက်နေတတ်ပေမယ့် သူကတော့နောက်ကျတတ်တယ်။
ဒီနေ့မှစားဖိုမှူးကလည်း ဘဲသားဟင်းနဲ့အချိုတည်းစရာ စတော်ဘယ်ရီcream လေးလုပ်ပေးလိုက်တာကြောင့် Taeyong ကြိုက်လိမ့်မယ်လို့ထင်ရတာပဲ။
ဒီလိုနဲ့ အဝေးကလာနေတဲ့ Taeyong ကိုတွေ့လိုက်ရတော့မှ စိတ်ကိုဒုန်းဒုန်းချနိုင်တယ်
သူ့ကိုစောင့်ရလို့အချိန်ကကြာလာလေလေ ၊ သူကျွန်တော့်ကိုများလာမတွေ့တော့ဘူးလားဆိုတဲ့အတွေးနဲ့အတူကပ်ပါလာတဲ့ သူကျွန်တော့်ကိုရှောင်နေတာလားဆိုတဲ့စိုးရိမ်မှုတို့ဟာ နှလုံးသားအဆို့ရှင်တို့သွေးခြေဥသွားသလိုခံစားရစေတယ်
"ရောက်တာကြာပြီလား"
"ကြာပြီ ဒါပေမယ့်ကိစ္စမရှိပါဘူး ငါစောထွက်လာတာလည်းပါတာပေါ့"
ရောက်ရောက်ချင်းသိပ်စကားမပြောဘဲ လက်ထဲမှာပါလာတဲ့သူ့ကော်ထမင်းဘူးလေးကိုဖွင့်လိုက်တယ်။ ဘယ်တုန်းကတည်းကကိုင်လာတဲ့ထမင်းဘူးမှန်းမသိပေမယ့်ရှေးဟောင်းသမိုင်းဝင်ပစ္စည်းအနေနဲ့တောင်သတ်မှတ်လို့ရတဲ့အထိ ဟောင်းနေပြီဖြစ်တဲ့သူ့ထမင်းဘူးကိုမြင်တိုင်း အသစ်လဲပေးချင်စိတ်တွေပေါ်မိတယ်
ထမင်းဘူးကိုဖွင့်လိုက်တော့ အမဲသားကင်တစ်ဖက်နှစ်ဖက်စနဲ့ထမင်းအလွတ်
ကိုရီးယားလူမျိုးဖြစ်လို့ အသားနဲ့အကင်ဆိုရင် ဟင်းကောင်းအဖြစ်မြင်ပေးနိုင်ပေမယ့် ထမင်းအလွတ်နဲ့အကင်နည်းနည်းကိုတွဲစားတာက ခံတွင်းမြိန်လွန်းတဲ့အရာတော့မဟုတ်။
ကျွန်တော့်ထမင်းဘူးထဲက ဘဲသားဟင်းကိုသူ့ထမင်းဘူးထဲကောက်ထည့်ပေးလိုက်တယ်
"Jaehyun"
"စားလေ"
"ငါစားလိုက်တော့ မင်းက..?"
YOU ARE READING
Guileful Cirrus
FanfictionThis fic is written in both Unicode and Zawgyi Unicode မနှစ်မြို့ဖွယ်ရာခက်ခဲကြမ်းတမ်းသောလောကအလယ်တွင် ပုံဖော်ထုဆစ်ခဲ့မိသော မှားယွင်းသည့်အချစ်စစ်တစ်ခု Zawgyi မႏွစ္ၿမိဳ႕ဖြယ္ရာခက္ခဲၾကမ္းတမ္းေသာေလာကအလယ္တြင္ ပုံေဖာ္ထုဆစ္ခဲ့မိေသာ မွားယြင္းသည့္အခ်စ္စစ္တစ္ခ...
